Yêrêmi 48:28 - Nau Brah Ndu Ngơi 2023

²⁸ Ơ phung gŭ tâm bri Môap, Du hom tă bơh ƀon toyh jêh ri pôn tâm rkâp lŭ; Ăn jêng hom nâm bu sĭm plŭk Ƀư rsuăn tâm bâr jru.

Yêrêmi 48:28 Iomraidhean Croise

Nau Ntơm 8:12

Păng gŭ kâp tay pơh nar đŏng, jêh nây mƀơk plŭk luh, jêh ri aƀaơ aơ plŭk mâu hôm plơ̆ sĭt đŏng ôh ma păng.

Nau Mprơ Ueh 2:14

Hơi plŭk gâp! Ay krap ay nơm tâm nđa lŭ, kêng mpir yôk rdâk, Ăn gâp dơi uănh muh măt ay, Jêh ri tăng bâr ay ngơi; Yorlah bâr ay njŭng rah rơch, Muh măt ay ueh reh.

Êsai 2:19

Bu mra lăp tâm trôm yôk lŭ Jêh ri tâm trôm ntu tâm dâng neh Gay der nau krit kir bơh Brah Yêhôva Jêh ri nau ral ang bơh nau rnam chrêk rmah Păng, Lah Păng dâk ƀư mpât n'gơ neh ntu.

Yêrêmi 48:9

Ăn hom kôp năr ma bri Môap, Gay ma păng mpăr hăn du; Lĕ rngôch ƀon toyh păng mra jêng rngot njăp, Mâu geh bunuyh gŭ ôh.

Yêrêmi 49:16

Hơi nơm gŭ tâm trôm nđa lŭ, Dơi gŭ ta klơ n'gơn yôk prêh, May ƀư jêh nau krit toyh, Jêh ri nuih n'hâm sưr may, hŏ ndơm jêh may. Nđâp lah may ƀư rsuăn ta klơ ntŭk prêh nâm bu klang, Gâp mra ƀư may tŭp tă bơh ntŭk nây.” Brah Yêhôva lah pônây.

Yêrêmi 49:8

Hơi ƀon lan gŭ ta ƀon Dêdan, Ndôn kơi hom nchuăt du pôn, krap tâm ntu jru! Yorlah Gâp mra ƀư ăn ma păng nau mhĭk Êsau, Tâm rnôk Gâp tâm rmal ma păng.

Phung Kôranh Phat Dôih 6:2

Ti phung Madian tŭn jot phung Israel. Yor klach ma phung Madian rĭ dĭng phung ƀon lan Israel hŏ ƀư ntŭk du krap tâm trôm yôk, trôm ntu, jêh ri ƀư pôih.

I Samuel 13:6

Tơlah phung Israel saơ khân păng jêr ngăn jêh, yorlah khân păng tĭng nchueng dăch ngăn ma phung Israel, pôri phung ƀon lan du krap tâm lĕ trôm lŭ, rlô si, rkâp lŭ, môch blang jêh ri ntu brŏng.