Yêrêmi 48:2 - Nau Brah Ndu Ngơi 2023

² Nau chrêk rmah ma bri Môap mâu hôm geh đŏng ôh; Tâm ƀon Hêsbôn, bu nchră ƀư mhĭk ma păng: ‘Văch hom, ăn he ngroh lơi Môap bơh ma lĕ bri dak!’ Ơ Matmen, may mra gŭ rklăk; Tak đao mra tĭng groi may.

Yêrêmi 48:2 Iomraidhean Croise

Êsai 15:1

Nau mbơh lor ma Môap: Tâm du măng, A Môap bu lơh jêh ri roh rai! Tâm du măng, Kir-Môap bu ƀư rai jêh ri roh rai lôch!

Êsai 15:5

Nuih n'hâm gâp lŭng nter yor Môap; Bunuyh khân păng nchuăt du tât ta ƀon Sôar jêh ri ƀon Êglat-Sêlisija. Yorlah ta dor yôk Luhit Khân păng ƀă hao ƀă nhĭm; Tâm trong Hôrônaim, Khân păng lŭng nter yor nau ƀư rai.

Êsai 16:14

Ƀiălah aƀaơ, Brah Yêhôva lah pô aơ: “Tâm pe năm đŏng, tĭng nau kơp bunuyh kan nkhôm, nau chrêk rmah Môap jêh ri phung bunuyh âk râk păng mra plăch jêng ndơ bu mưch rmot; phung hôm klen mra jêng djê̆ ngăn jêh ri rdja.”

Êsai 25:10

Yorlah ti Brah Yêhôva mra n'gân ta yôk aơ; Ƀiălah bu mra jot sôt bri Môap ta ntŭk păng, Tâm ban ma bu jot sôt mbŭch rhe tâm ntŭk ntu ndŏk.

Yêrêmi 25:15

Yêhôva Brah Ndu phung Israel hŏ lah ma gâp pô aơ: “May sŏk hom kachok ndrănh nau ji nuih aơ bơh ti Gâp, jêh ri ăn lĕ rngôch bri dak Gâp prơh may hăn nhêt kachok nây.

Yêrêmi 25:17

Yor nây, gâp sŏk kachok nây bơh ti Brah Yêhôva jêh ri ăn lĕ rngôch bri dak Brah Yêhôva prơh gâp hăn tât ăn nhêt kachok nây tâm ban:

Yêrêmi 31:36

“Tơlah nau vay nây Roh tanăp măt Gâp, Ri mơ phung kon sau Israel Mâu hôm jêng du phung ƀon lan tanăp Gâp n'ho ro.” Brah Yêhôva lah pônây.

Yêrêmi 33:24

“May mâu treng uănh hĕ moh nau phung ƀon lan aơ ngơi? Khân păng lah: ‘Brah Yêhôva hŏ chalơi bar ndŭl mpôl Păng hŏ săch jêh.’ Pônây, khân păng mưch phung ƀon lan Gâp, Pônây, mâu uănh phung ƀon lan aơ jêng du phung ƀon lan đŏng ôh!

Yêrêmi 46:28

Brah Yêhôva lah: “Ơ phung Yakôb phung oh mon Gâp, lơi ta klach ôh, Yorlah Gâp gŭ ndrel ma may. Gâp mra ƀư rai lĕ rngôch bri dak Gâp hŏ mprơh may tât jêh; Bi ma may Gâp mâu mra ƀư rai lôch ôh, May mâu mra rklaih ôh bơh nau tâm rmal Ƀiălah Gâp mra nduyh nkra may ma nau di.”

Yêrêmi 48:17

Ơ lĕ rngôch bri dak gŭ văr jŭm, nhĭm vơl hom ma păng! Lĕ rngôch phung gĭt amoh păng, Lah hom: ‘Mâng jra nau dơi, Mâng jra ma nau chrêk rmah hŏ pă jêh!’

Yêrêmi 48:42

Bri Môap mra rai, mâu hôm jêng du mpôl bunuyh đŏng ôh, Yorlah păng hŏ n'hao êng nơm tâm rdâng đah Brah Yêhôva.”

Yêrêmi 48:45

“Nơm nchuăt du hŏ huăr ngăn jêh Nde tâm dâng n'hâm gui ƀon Hêsbôn; Ƀiălah ŭnh hĭt luh tă bơh Hêsbôn, Chông ŭnh bơh ta nklang phung Sihôn, Ƀư rai ndâr kleng bri Môap, Jêh ri nting bôk phung ƀon lan drơu drơu.

Yêrêmi 49:3

“Ơ ƀon Hêsbôn, nhĭm nhhiăng hom yor ma ƀon Ahi hŏ rai jêh! Hơi kon bu ur Raba, nhĭm vơl hom. Nsoh hom ao ƀau sat, Nchuăt nsong dâng lơ tâm nklang pêr nhĭm nhhiăng! Yorlah brah Malkôm bu mra mprơh hăn ƀư bu nă Ndrel ma phung kôranh ƀư brah jêh ri phung kôranh păng luh du bơh n'gor.

Yêrêmi 49:37

Gâp mra ƀư phung Êlam klach krit tanăp phung rlăng jêh ri tanăp phung joi ŭch nkhĭt khân păng.” Brah Yêhôva lah: “Gâp mra ăn tât nau mhĭk ma khân păng jêng nau Gâp hao ji nuih ngăn, Gâp mra njuăl đao tĭng pakơi kŏ tât Gâp ƀư nkhĭt lĕ khân păng.”

Nau Kơp Bunuyh 32:37

Phung kon sau Ruben ndâk ƀon Hêsbôn, Êlêaleh, Kiriathaim,