Yêrêmi 48:18 - Nau Brah Ndu Ngơi 2023

¹⁸ Ơ phung gŭ tâm ƀon Dibôn! Jŭr hom tă bơh ma ntŭk nau khưm Jêh ri gŭ ta ntŭk neh sơh. Yorlah phung ƀư rai Môap hŏ rduh ŭch lơh may, Ƀư rai lơi pôih may.

Yêrêmi 48:18 Iomraidhean Croise

Nau Ntơm 21:16

jêh nây păng nơm hăn jêh ri gŭ mpeh tra năp, ƀah ma kon se nây klăp truyh pănh ma hăr, yorlah păng lah: “Lơi ôh ăn gâp saơ khĭt kon gâp!” Dôl păng gŭ tâm tham tra năp nĕ, păng nhĭm nter.

Nau Ngluh Êjipt 17:3

Ƀiălah ta nây phung ƀon lan ji hir dak jêh ri khân păng nduyh ma Y-Môis: “Mâm ƀư may ngluh hên bơh n'gor Êjipt jêh ri gay ăn ma hên, phung kon hên jêh ri mpôl mpô mpa hên rong khĭt ma nau ji hir dak?”

Êsai 15:2

Phung Dibôn hăn hao jêh ta ntŭk yơk mbah Ta lĕ ntŭk prêh gay nhĭm nhhiăng. Phung Môap nhĭm nhhiăng Ma Nêbô jêh ri Mêdêba; Lĕ rngôch plưn bôk da dê Jêh ri têp kang poih lĕ.

Êsai 47:1

Ơ bu ur druh ƀon Babilôn, Trŭnh jêh ri gŭ hom tâm ndruyh neh! Ơ kon bu ur phung Kaldê! Gŭ hom ta neh, mâu hôm gŭ ta sưng hađăch ôh! Yorlah bu mra mâu hôm rnha ma may Jêng rdơ̆ rbăn ueh lăng ôh.

Êsai 5:13

Yor ri, phung ƀon lan gâp mra hăn jêng bu nă yorlah pưt nau gĭt mĭn; Phung bu yơk tâm khân păng khĭt ji ngot, Bi phung ƀon lan geh nau ji hir.

Yêrêmi 48:22

ta ƀon Dibôn, ma yôk Nêbô jêh ri ƀon Bet-Diblathaim,

Êsêkiêl 19:13

Aƀaơ ri bu tăm tay păng tâm bri rdah, Tâm neh sơh jêh ri mâu geh dak.

Nau Kơp Bunuyh 21:30

Ƀiălah he hŏ pănh jêh ma hăr lăp ta khân păng; Hêsbôn lĕ rai lôch jêh kŏ tât ma ƀon Dibôn. He hŏ ƀư rai jêh khân păng tât ta Nôphah, Ŭnh sa kŏ tât ta Mêdêba.”

Nau Kơp Bunuyh 32:3

“N'gor Atarôt, Dibôn, Jaser, Nimra, Hêsbôn, Êlêaleh, Jaser, Nimra, Hêsbôn, Êlêaleh, Sêbam, Nêbô, jêh ri Bêôn

Yôsuê 13:17

Hêsbôn jêh ri lĕ rngôch ƀon khân păng gŭ tâm bri neh lâng klơ dor, jêng Dibôn, Bamôt-Baal, Bet-Baal-Mêon,

Yôsuê 13:9

N'gor neh khân păng ntơm bơh Arôer ta klơ kơh rlŭng Arnôn jêh ri ƀon toyh gŭ ta nklang rlŭng nây, nđâp ma lĕ n'gor neh lâng klơ dor ntơm bơh Mêdêba tât ma Dibôn,

Phung Kôranh Phat Dôih 15:18

Yorlah ji hir dak hâu ngăn, păng kuăl mbơh sơm Brah Yêhôva pô aơ: “Kôranh Brah hŏ ăn ma oh mon Kôranh Brah nau tâm rklaih toyh aơ, aƀaơ mâm gâp mra khĭt ma nau ji hir, jêh ri tŭp đŏng tâm ti phung mâu geh koh ntâu?”