Yêrêmi 48:12 - Nau Brah Ndu Ngơi 2023

¹² Yor nây, Brah Yêhôva lah: “Aơ, nar lĕ tât, Gâp mra prơh phung hăn trih tât nkhŭt lơi păng. Khân păng mra troch tă bơh tâm trôm yăng, Ƀư nsoih lơi yăng, Jêh nây dong lơi yăng jêng âk rngơl.

Yêrêmi 48:12 Iomraidhean Croise

Nau Mprơ Ơm 2:9

Kon dŏng mâng tăk jra loih mbang nchah khân păng, Ƀư khân păng nchah lơi nâm bu yăng neh chah rai.”

Êsai 16:2

Ta ntŭk thơl dak krong Arnôn Bu mprơh phung bu ur Môap Tâm ban ma kon sĭm bu ntrŭt du tă bơh rsuăn.

Êsai 30:14

Păng mra nchah hăch tâm ban ma glah uk bu nchah lơi ăn hăch, Nchah hăch jêng âk rngơl mâu nhhuach ôh; Kŏ tât bu mâu dơi joi du rsong uk ôh Gay ŭch sŏk ŭnh bơh năk, Mâu lah bâk dak bơh nglau.”

Yêrêmi 14:3

Phung ndrŏng prơh phung oh mon hăn joi dak; Khân păng hăn tât nglao, Ƀiălah mâu saơ dak ôh, Djôt yăng dơm plơ̆ sĭt; Khân păng prêng, rŭng răng, Nkŭm lơi bôk.

Yêrêmi 19:10

Jêh nây may dong nchah yăng tanăp phung bunuyh hăn ndrel ma may,

Yêrêmi 25:34

Hơi phung rmăk biăp, nhĭm vơl hom, ntơm ngơi vah vơl hom! Ơ phung kôranh phung biăp, rlă hom tâm ŭnh buh! Yorlah nar bu sreh nkhĭt khân may, nar bu ƀư nchah rai pru pra hŏ tât jêh, Khân may mra cha lôt nâm bu du mlâm yăng khlay.

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 48:11

Môap ơm vay gŭ đăp mpăn ntơm bơh rnôk hôm mom, Nâm bu ndrănh nkân ta blat yăng, Mâu hŏ geh troch ôh bơh ma yăng aơ tơh ma yăng êng, Mâu mâp lĕ ƀư jêng bu nă; Yor nây nau kah păng nâm ơm Jêh ri ƀâu kah păng mâu hŏ rgâl ôh.”

Yêrêmi 48:13

Phung Môap mra prêng yor ma ƀon Chêmôs, Nâm bu ngih Israel prêng Yor ma ƀon Bêthel ntŭk khân păng rnơm.

Yêrêmi 48:15

Bu ƀư rai Môap, pit in lĕ rngôch ƀon toyh, Phung bu klâu ndăm blau ueh ngăn lĕ bu nkhĭt,” Hađăch, amoh Păng jêng Brah Yêhôva ma phung tahan, lah pônây.

Yêrêmi 48:38

Tâm ăp ta klơ chor ngih Môap, tâm ntŭk nhuang ƀon mâu geh padih nau nhĭm vơl, yorlah Gâp hŏ mbang chah jêh bri Môap nâm bu du mlâm yăng bu mâu hôm ŭch đŏng ôh.” Brah Yêhôva lah pônây.

Yêrêmi 48:8

Nơm ƀư rai mra lăp tâm ăp rplay ƀon toyh, Mâu geh du rplay ƀon dơi klaih; Ntŭk rlŭng mra rai lôch Neh lâng bu mra ƀư rai lĕ, Tĭng nâm Brah Yêhôva hŏ lah jêh.

Nahum 2:2

Yorlah Brah Yêhôva mra njêng tay nau chrêk ma lơp ma Yakôb Nâm bu nau chrêk ma lơp Israel, Nđâp tơlah phung sŏk pit hŏ sŏk pit jêh khân păng, Jêh ri lơh rai lĕ n'gĭng tơm krăk ƀâu khân păng.