Yêrêmi 47:6 - Nau Brah Ndu Ngơi 2023

⁶ Ơ, đao Brah Yêhôva, Ndah nâm jŏ dĭng ti may rlu? Ntrŭp hom tâm ndrop, Rlu jêh ri gŭ đăp mpăn.

Yêrêmi 47:6 Iomraidhean Croise

II Samuel 2:26

Y-Apner kuăl toyh Y-Jôap jêh ri lah: “Mpiăt đao, mâu ŭch rlu hĕ nkhĭt bunuyh? May mâu gĭt hĕ kêng nglĕ dŭt mra knŏng jêng nau rngot? Ndah nâm jŏ may mra ntrŭnh ma phung ƀon lan may lơi hôm tĭng oh nâu khân păng?”

I Nau Rêh Jêng 21:27

Brah Yêhôva ntăm ma tông mpăr ntrŭp đao tâm ndrop.

Nau Mprơ Ơm 17:13

Ơ Brah Yêhôva, dăn dâk hăn hom, tâm mâp jêh ri lơh rlâm lơi khân păng! Dŏng đao May tâm rklaih huêng gâp tă bơh phung mhĭk.

Êsai 10:15

Sung tâm rnê păng nơm rlau lơn ma nơm djôt sung, Mâu lah ndruih tâm rnê păng nơm rlau lơn ma nơm djôt ndruih lĕ? Nau nây tâm ban ma mâng rpăt gai rlơ̆ nơm yơr mâng rpăt, Mâng jra chông nơm kuăn mâng jra!

Êsai 10:5

Rêh ni ngăn ma Asiri, mâng rpăt nau Gâp ji nuih! Mâng jra tâm ti păng jêng nau Gâp ji nuih!

Yêrêmi 12:12

Ta klơ yôk hil tâm bri rdah Phung sŏk ntŭng ƀư rai hŏ lip tât jêh; Yor mpiăt đao Brah Yêhôva rvăn neh aơ Ntơm bôk đah aơ tât bôk đah ri, Mâu geh du săk jăn dơi đăp mpăn.

Yêrêmi 12:4

Tâm n'gor bri klâng ndrê, Gơ̆ tâm ndrêch klêu kro kŏ tât ndah jŏ? Yorlah ƀon lan djơh mhĭk Yor nây mpô mpa bri jêh ri sĭm och rai yot da dê. Khân păng lah pô aơ: “Păng mâu mra saơ nau tât nglĕ dŭt ma he ôh!”

Yêrêmi 15:3

Brah Yêhôva lah: “Gâp mra nkhŭt ta klơ khân păng puăn ntil nau mhĭk tât: đao gay ƀư nkhĭt, so gay sa hêk săk jăn, sĭm klơ trôk jêh ri mpô mpa bri ta klơ neh gay sa rvăn jêh ri ƀư rai.

Yêrêmi 25:27

“May ăt lah ma khân păng: Brah Yêhôva ma phung tahan, Brah Ndu phung Israel lah pô aơ: ‘Nhêt hôm kŏ tât nhŭl jêh ri hok, cha lôt hom jêh ri lơi dâk đŏng ôh, yor đao Gâp njuăl tât tâm nklang khân may!’

Yêrêmi 4:21

Gâp hôm uănh saơ bok kơ Jêh ri tăng bâr nŭng phung rlăng kŏ tât ndah jŏ?

Yêrêmi 48:10

Di ma nau rak rtăp ăn ma nơm pah kan ma Brah Yêhôva ma nau mâu răp jăp! Di ma nau rak rtăp ăn ma nơm mâu ŭch ôh đao păng krêp mham!

Yêrêmi 50:35

Brah Yêhôva lah: “Ăn tât tak đao ma phung Kaldê, Ma phung gŭ tâm ƀon Babilôn, Ma phung kôranh jêh ri phung blau mĭn khân păng.

Êsêkiêl 14:17

Mâu lah tơlah Gâp ăn đao văch tât ta bri nây, jêh ri lah: ‘Đao mra rgăn ta bri nây jêh ri Gâp mra ƀư rai lơi bunuyh jêh ri mpô mpa tâm nây,’

Êsêkiêl 21:30

Bi ma may jêng hađăch kôranh Israel, nơm djơh mhĭk di ma khĭt ri, nar may lĕ tât, nôk tâm rmal hŏ dăch jêh.’

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

Yôhan 18:11

Ƀiălah Brah Yêsu lah ma Y-Pêtrôs: “Ntrŭp lơi đao may tâm ndrop! Gâp mâu mra nhêt hĕ ngan Mbơ̆ hŏ ăn Gâp nhêt?”

Phung Kôranh Phat Dôih 7:20

Nôk nây, pe phung tahan uh nŭng, jêh ri mbang nchah yăng. Ti chiau djôt ŭnh chai, ti ma djôt nŭng gay uh, khân păng troh: “Tŏk hom đao yor Brah Yêhôva jêh ri yor Y-Gidêôn!”