Yêrêmi 47:3 - Nau Brah Ndu Ngơi 2023

³ Nteh nchop jâng seh lơ hâu, Nteh ndeh seh drơu drơu, nteh jâng ndeh ngŭr drưh, Jâng ti me mbơ̆ hươi ra ai ngăn Mâu hôm plơ̆ uănh ma phung kon.

Yêrêmi 47:3 Iomraidhean Croise

Êsai 5:28

Chiông hăr khân păng tôl mplanh, Lĕ rngôch na van jêh; Nchop jâng seh kranh nâm bu lŭ, Jâng ndeh nâm bu sial vănh blông.

Yêrêmi 46:9

Seh ndơ tâm lơh, rduh ran tât; Ndeh seh tâm lơh, rduh hom! Phung tahan tâm lơh, ran rlet panăp; Phung n'gor Kus jêh ri n'gor Put djôt khêl, Phung n'gor Ludim blau sŏng pănh na.

Yêrêmi 50:42

Khân păng djôt nâp na jêh ri tak, Janh hâng mhĭk ƀai ngăn, mâu geh nuih n'hâm yô̆ nđach ôh. Nteh khân păng nter huy nâm bu dak mƀŭt lŭng nter, Ncho klơ seh, khân păng nkrĭp dăp tahan Du ai rduh tâm lơh đah may, Ơ phung kon bu ur ƀon Babilôn!

Yêrêmi 8:16

Tă bơh ƀon Dan, bu hŏ tăng nau nter seh; Neh n'găr mpât yorlah nteh krĭ phung seh tâm lơh. Khân păng tât rvăn neh jêh ri play kao neh, Rvăn ƀon jêh ri bunuyh gŭ tâm ƀon.

Êsêkiêl 23:24

Khân păng ndrăp ndơ tâm lơh, ndeh seh, ndeh rdeng ndơ, jêh ri du phung tahan âk râk văch tâm rdâng đah ay; khăn păng sŏk khêl toyh, khêl jê̆, jêh ri ndô môk loih nchueng jŭm ay. Gâp mra jao nau phat dôih khân păng jêh ri khân păng mra phat dôih tĭng nâm nau vay ƀư khân păng.

Nahum 2:4

Phung ndeh seh nchuăt prăl tâm ăp trong sâng, Nchuăt tĭng ta aơ ta ri tâm lĕ nkual ƀon, Uănh nâm bu sol ang ŭnh rdo, Jêh ri nchuăt ngăch nâm bu lơp nglaih!

Nahum 2:8

Bơh kăl e, Ninive nâm bu nglao bêng dak. Abaơ ri, khân păng lĕ du jêh! Geh bâr nter: “Dâk hom, dak hom!” Ƀiălah mâu geh du huê rle n'gĭl ôh!

Nau Tâm Mpơl 9:9

Khân păng geh ndơ nkŭm ntang ntơh nâm bu ao loih; nteh nting năr khân păng nâm bu nteh ndeh seh âk rduh lăp ntŭk tâm lơh.

Phung Kôranh Phat Dôih 5:22

Nôk nây, lĕ rngôch nchop seh n'gôr nteh ktang, Lĕ seh khân păng nchuăt ngăch ngăn.