Yêrêmi 47:2 - Nau Brah Ndu Ngơi 2023

² Brah Yêhôva lah: “Ri, lĕ dak krong hao lip tă bơh mpeh pa lơ, Jêh ri jêng du n'hor dak rlâm kơh, Ƀư lip bŭk bri dak jêh ri ndô ndơ tâm bri dak, Bŭk ƀon toyh jêh ri bunuyh gŭ tâm ƀon. Bu mra nhhiăng nhĭm nter kuăl, Lĕ rngôch phung ƀon lan gŭ tâm bri nhĭm vơl da dê.

Yêrêmi 47:2 Iomraidhean Croise

Nau Mprơ Ơm 24:1

Neh jêh ri lĕ rngôch ndơ ta klơ neh, Neh ntu jêh ri lĕ bunuyh gŭ tâm nây jêng ndơ Brah Yêhôva da dê.

Nau Mprơ Ơm 50:12

Tơlah Gâp ji ngot, Gâp mâu mra mbơh nau nây ma may gĭt ôh, Yorlah neh ntu jêh ri lĕ ntil mpô mpa tâm neh ntu jêng ndơ Gâp da dê.

Nau Mprơ Ơm 96:11

Ăn lĕ ndâr trôk maak, jêh ri neh ntu hâk răm, Ăn dak mƀŭt jêh ri lĕ rngôch mpa tâm Păng ngrông huy.

Nau Mprơ Ơm 98:7

Ăn dak mƀŭt jêh ri lĕ rngôch mpô mpa tâm dak mƀŭt, Neh ntu ndrel phung gŭ tâm nây sŏk bâr mprơ nteh da dê!

Êsai 14:31

Ơ mpông mpêr! Nhĭm nhhiăng hom! Ơ ƀon toyh, lŭng nter hom! Ơ lĕ phung Philistin, rai lôch hom! Yorlah geh du nau nhhŭk ŭnh tât tă bơh mpeh pa lơ, Mâu geh du huê chalơi phung tahan păng nơm.”

Êsai 15:8

Bu tăng bâr nhĭm nter huy Jŭm bri Môap; Bu tăng nau lŭng nter tât ta Êlaim, Jêh ri bu tăng nau lŭng nter tât ta ƀon Bêr-Êlim.

Êsai 22:1

Nau mbơh lor ma rlŭng nau tâm saơ: Moh nau tât ma khân may, Kŏ lĕ rngôch khân may hao ta klơ chor ngih da dê?

Êsai 28:17

Gâp mra sŏk nau di ƀư rse veh, Jêh ri nau sŏng srăng jêng ndơ veh rnhuan; Mih pler mra pih kloh ntŭk phung mƀruh nsing, Dak mra lip lĕ ntŭk du krap.”

Êsai 59:19

Bơh mpeh nhâp nar, bu klach yơk ma amoh Brah Yêhôva, Ntơm bơh mpeh luh nar, khân păng yơk mbah ma nau chrêk rmah Păng; Yorlah Păng mra văch tâm ban ma n'hong dak krong hoch thăng, Yor n'hâm nsôr Brah Yêhôva khôm mpruh khân păng.

Yêrêmi 1:14

Brah Yêhôva lah: “nau mhĭk bơh mpeh pa lơ mra tât klơ lĕ rngôch phung ƀon lan gŭ tâm n'gor nây.

Yêrêmi 46:12

Lĕ bri dak tăng lư da dê jêh nau bêk prêng khân ay may, Nau nhhiăng nhĭm ay may lam bri neh ntu; Yorlah nơm dăng ktang chêh prah đah nơm dăng ktang Lĕ bar hê cha lôt ndrel n'grŭp.”

Yêrêmi 46:13

Aơ jêng nau Brah Yêhôva lah ma nơm mbơh lor Y-Yêrêmi ma nau Y-Nêbukatnetsar, hađăch bri Babilôn, ŭch hăn tâm lơh đah bri Êjipt:

Yêrêmi 46:20

Bri Êjipt jêng du mlâm kon ndrôk me ueh, Ƀiălah du mlâm rhuay rpu tă mpeh pa lơ tât sôch.

Yêrêmi 46:24

Kon bu ur bri Êjipt mra djôt nau prêng, Bu mra jao tâm ti phung ƀon lan mpeh pa lơ.”

Yêrêmi 48:39

“Ri, mâm ƀư păng nchah rai! Mâm nau khân păng nhĭm vơl! Môap ndôn kơi nchuăt ma nau prêng! Môap mra jêng nau bu gơm mưch Jêh ri nau klach toyh ăn ma ăp bri dak gŭ jŭm păng.”

Yêrêmi 6:22

Brah Yêhôva lah: “Aơ, du phung ƀon lan tât bơh mpeh pa lơ; Du bri dak toyh ktang hao ntoh tă bơh nglĕ dŭt rplay neh.

Yêrêmi 8:16

Tă bơh ƀon Dan, bu hŏ tăng nau nter seh; Neh n'găr mpât yorlah nteh krĭ phung seh tâm lơh. Khân păng tât rvăn neh jêh ri play kao neh, Rvăn ƀon jêh ri bunuyh gŭ tâm ƀon.

Daniel 11:22

Phung tahan bu năch lăp ler nâm bu dak lip mra geh dak bŭk jêh ri nchah rai tanăp hađăch nây, nđâp kôranh ma nau tâm rnglăp tâm ban lĕ.

Nahum 1:8

Ƀiălah Păng sŏk dak lip ler băm Gay ƀư rai lĕ ntŭk păng gŭ, Jêh ri hăn tĭng phung rlăng Păng lăp tâm nau ngo.

I Kôrintô 10:26

Yorlah: “Neh ntu jêng ndơ Kôranh Brah jêh ri lĕ rngôch ndơ tâm Păng.”

I Kôrintô 10:28

Ƀiălah, tơlah du huê lah ma khân may: “Aơ jêng ndơ nhhơr jêh ma brah,” lơi ta khân may sa ndơ nây ôh. Yor nơm nây mbơh jêh, jêh ri yor nuih n'hâm sŏng.

Yakơ 5:1

Aƀaơ aơ, hơi phung oh nâu jêng phung ndrŏng! Nhĭm nhhiăng hom, vơl dăn hom yorlah nau rêh ni mra nkhŭt jŭr ta klơ khân may.

Nau Tâm Mpơl 17:1

Nôk nây, du huê tâm pơh nuyh tông mpăr djôt pơh mlâm ngan văch tât jêh ri đă ma gâp pô aơ: “Văch hom aơ, gâp mra ntĭm ma may nau phat dôih bu ur văng tĭr toyh gŭ ta klơ lĕ n'hong dak ri.

Nau Tâm Mpơl 17:15

Jêh nây tông mpăr lah ma gâp: “Lĕ n'hong dak may saơ bu ur văng tĭr gŭ ta klơ jêng lĕ ntil mpôl bunuyh, phung mpôl bunuyh, lĕ bri dak jêh ri lĕ nau ngơi.