Yêrêmi 46:7 - Nau Brah Ndu Ngơi 2023

⁷ Mbu nơm hŏ hao jêh nâm bu dak krong Nil, Nâm bu dak krong geh rbuh ktang?

Yêrêmi 46:7 Iomraidhean Croise

Nau Mprơ Ueh 3:6

Mbu nơm nây văch tă bơh bri rdah, Nâm bu n'gâng nhhŭk ŭnh, Ƀâu n'hôl âk ntăk si ƀâu kah dak si tăng, Thŭl rvêt lĕ ntil rnih ƀâu kah rvăt tă bơh phung tăch drăp?

Nau Mprơ Ueh 8:5

Mbu dôl bơh bri rdah hăn hao, Mbin nsing ma nơm păng rŏng? Tâm dâng tơm si mandragôr gâp hŏ rlay may, Ta ntŭk aơ yơh mê̆ may hŏ hŏt rgănh yor may, Ta ntŭk aơ yơh mê̆ may ma nau ji deh may.

Êsai 63:1

Nơm bơh ƀon Bôsra bri Êđôm văch, Nsoh bok ao chăng rhưch, ndơ nsoh chrêk rmah, Nhuat hăn rnam ma nau ktang dŭt toyh, Mbu moh Nơm aơ? “Gâp yơh, Nơm mbơh nau sŏng srăng, Nơm brah dơi tâm rklaih!”

Yêrêmi 47:2

Brah Yêhôva lah: “Ri, lĕ dak krong hao lip tă bơh mpeh pa lơ, Jêh ri jêng du n'hor dak rlâm kơh, Ƀư lip bŭk bri dak jêh ri ndô ndơ tâm bri dak, Bŭk ƀon toyh jêh ri bunuyh gŭ tâm ƀon. Bu mra nhhiăng nhĭm nter kuăl, Lĕ rngôch phung ƀon lan gŭ tâm bri nhĭm vơl da dê.

Êsêkiêl 32:2

“Hơi kon bunuyh, ƀư hom du nau mprơ rngot ma Pharaôn, hađăch Êjipt, pô aơ: ‘May tâm ban ma du mlâm yau mŭr ta nklang lĕ ntil mpôl bunuyh; Mâu êng ôh đah mpa djơh tâm dak mƀŭt, Mpât rbŭh ta nklang dak n'hor. May sŏk jâng rchŭ dak ăn rkhăl, Jêh ri ƀư lĕ dak krong bêng ma dak bŏk.’

Daniel 11:10

Phung kon bu klâu hađăch mpeh pa lơ mra nkra ma nau tâm lơh. Khân păng tâm rƀŭn âk phung tahan jêh nây leo phung tahan văch lơh, pit in, nchueng ăp ntŭk; khân păng njŭn nau tâm lơh tât ta pôih hađăch pa dâng.

Daniel 11:22

Phung tahan bu năch lăp ler nâm bu dak lip mra geh dak bŭk jêh ri nchah rai tanăp hađăch nây, nđâp kôranh ma nau tâm rnglăp tâm ban lĕ.

Daniel 9:26

Jêh tăch prao jât ma bar năng pơh nây, bu mra nkhĭt lơi Nơm Dơn Tŏ Dak Ƀâu Kah jêh ri mâu mra geh ndơ ôh. Phung tahan du huê kôranh tât pakơi mra ƀư rai lơi ƀon jêh ri ngih brah. Nau dăch dŭt mra tât nâm bu dak lip. Kêng dŭt mra geh tât nau tâm lơh, nau rngol hŏ nal jêh.

Amôt 8:8

Neh mra rung răng yor nau kan nây lĕ? Jêh ri lĕ rngôch ƀon lan gŭ ta nây mâu mra nhĭm nhhiăng lĕ? Lĕ bri neh mra hao ler lip nâm bu dak krong Nil, Păng mra mpât n'gơ jêh ri rhuh hŭch nâm bu dak krong n'gor bri Êjipt nây lĕ.”

Nau Tâm Mpơl 12:15

bêh bruh dak luh tă bơh trôm mbung păng tâm ban dak krong hoch pakơi bu ur gay ma rdu păng tâm dak.