Yêrêmi 46:18 - Nau Brah Ndu Ngơi 2023

¹⁸ Hađăch, amoh Păng jêng Brah Yêhôva ma phung tahan, lah: “Tĭng nâm Gâp gŭ rêh mro mrăng, Nơm rlăng mra tât Nâm bu yôk Tabor ta nklang ma lĕ gôl yôk êng, Nâm bu yôk Karmel ntoh tâm dak mƀŭt.

Yêrêmi 46:18 Iomraidhean Croise

Yêrêmi 48:15

Bu ƀư rai Môap, pit in lĕ rngôch ƀon toyh, Phung bu klâu ndăm blau ueh ngăn lĕ bu nkhĭt,” Hađăch, amoh Păng jêng Brah Yêhôva ma phung tahan, lah pônây.

Phung Kôranh Phat Dôih 4:6

Păng prơh bu kuăl Y-Barak, kon bu klâu Y-Abinôam, bơh Kêdês, tâm n'gor Naptali tât jêh ri lah ma păng pô aơ: “Yêhôva Brah Ndu phung Israel hŏ ntĭnh ma may: ‘Hăn hom, djôt leo jât rbăn bunuyh bơh phung kon sau Naptali jêh ri phung Sabulôn jêh ri dăp tâm lơh ta klơ yôk Tabor.

Yôsuê 19:22

N'har bri aơ mâp ma Tabor, Sahasuma, jêh ri Bet-Sêmes, jêh nây n'har lôch ta dak krong Yurdan. Lĕ rngôch jêng jât ma prao rplay ƀon ndrel ma lĕ ƀon jê̆ khân păng.

Malachi 1:14

“Di ma nau rtăp rak ma nơm mƀruh nchơt! Tâm phung mpô mpa păng geh mpa nkuăng ueh nau păng ton jêh, ƀiălah păng nkhơng djôt leo mpô mpa kuet rvĕn jêng mpa ƀư brah nhhơr ăn ma Kôranh Brah!” Brah Yêhôva ma phung tahan lah: “Yorlah Gâp jêng nơm Hađăch Dŭt Toyh, amoh Gâp jêng khư ma nau klach ta nklang lĕ bri dak.”

Êsai 48:2

Yorlah khân păng rnha khân păng nơm jêng phung luh bơh ƀon kloh ueh, Jêh ri rnơm ma Brah Ndu phung Israel; Amoh Păng jêng Brah Yêhôva ma phung tahan:

Êsai 47:4

Nơm Tâm Chuai he Jêng Nơm Kloh Ueh phung Israel; Amoh Păng jêng Brah Yêhôva ma phung tahan.

Nau Mprơ Ơm 89:12

Mpeh pa lơ, mpeh pa dâng rhăk njêng ăt tă bơh May; Tabor jêh ri yôk Hermôn hâk răm tâm amoh May.

I Timôthê 1:17

Dăn nau yơk jêh ri nau chrêk rmah n'ho ro mâu blau lôch jêng ndơ ma Hađăch lĕ rngôch rnôk, mâu blau khĭt, mâu geh rup, nâm bu ntĭt Brah Ndu, knŏng nguay! Amen.

Mathay 5:35

lơi ton đah neh, yorlah jêng rnơl Brah Ndu chrong jâng; lơi ton đah ƀon Yêrusalem, yorlah ƀon nây jêng ƀon ma Hađăch Toyh.

Yêrêmi 51:17

Ăp nơm jêng rluk da dê, mâu gĭt rbăng ôh; Phung chiăr prăk prêng da dê ma rup tŏ păng nơm; Yorlah rup brah jêng mƀruh, Mâu geh n'hâm nsôr ôh tâm trôm nây.

Yêrêmi 44:26

Ƀiălah, ơ lĕ rngôch phung Yuđa gŭ tâm bri Êjipt, iăt hom nau Brah Yêhôva! Brah Yêhôva lah: Aơ Gâp sŏk ma amoh toyh Gâp ton pô aơ tâm lam bri Êjipt mâu mra geh du huê bunuyh Yuđa hă mbung kuăl tâm amoh Gâp pô aơ: ‘Tĭng nâm Yêhôva Brah Ndu gŭ rêh mro mrăng!’

Yêrêmi 10:10

Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Yôsuê 12:22

hađăch Kêdês, hađăch Jôknêam ta yôk Karmel,

Yêrêmi 51:57

Hađăch, amoh Păng jêng Brah Yêhôva ma phung tahan lah: Gâp mra ƀư ma phung kôranh, phung blau mĭn, Phung kôranh toyh, phung kôranh chiă uănh, jêh ri phung tahan ktang păng nhŭl ndrănh, Khân păng mra lêt bê̆ch mro, Mâu hôm kah rngăl ôh.”

Phung Kôranh Phat Dôih 4:12

Geh nơm mbơh ma Y-Sisêra gĭt pô aơ Y-Barak, kon bu klâu Y-Abinôam, hăn hao jêh êp yôk Tabor.

Yêrêmi 4:7

Yau mŭr hŏ luh tă bơh bri krŏng, Nơm ƀư rai lĕ bri dak hŏ hăn jêh, Hŏ du bơh ntŭk păng, Gay ƀư ăn bri dak may jêng rngot njăp; Lĕ rngôch ƀon toyh may rai ƀhiau Mâu hôm du huê bunuyh.

Yêrêmi 4:13

Aơ, păng văch tât nâm bu ndâr tŭk, Ndeh seh păng nâm bu phŭt chuănh đô̆, Seh ndơ tâm lơh păng prăl lơn nâm bu klang ƀŭng. Rêh ni ăn ma hên yorlah phung hên roh rai jêh!

Yêrêmi 10:16

Drăp ndơn Y-Yakôb mâu nâm bu pônây ôh, Yorlah Păng yơh jêng Nơm hŏ rhăk njêng jêh lĕ rngôch ndô ndơ, Jêh ri Israel jêng mpôl băl drăp ndơn Păng. Amoh Păng jêng Brah Yêhôva ma phung tahan.”

Amôt 4:13

N'hêl nanê̆ Păng hŏ njêng jêh yôk jêh ri rhăk njêng sial; Păng yơh mpơl nau bunuyh mĭn tâm nuih n'hâm. Păng rgâl luh nar luh jêng ngo Jêh ri hăn tâm lĕ ntŭk prêh ta neh ntu. Amoh Păng jêng Yêhôva Brah Ndu ma phung tahan.