Yêrêmi 46:16 - Nau Brah Ndu Ngơi 2023

¹⁶ Păng ƀư âk bunuyh chêh prah, Bunuyh aơ prah ta klơ nơm êng, jêh ri nsum ndrel: ‘Gơnh dâk, plơ̆ sĭt ma ntŭk ƀon lan gâp, Plơ̆ sĭt ta ntŭk bri me deh gâp, Du ngai bơh tak đao nơm tŭn jot!’

Yêrêmi 46:16 Iomraidhean Croise

Yêrêmi 46:21

Nđâp ma phung tahan tâm lơh nkhôm gŭ ta nklang păng Nâm bu kon ndrôk lay ueh; Ƀiălah ndôn kơi nchuăt du da dê, Mâu dơi tâm rđâng ôh. Yorlah nar mhĭk tât, nar tâm rmal, Hŏ tât jêh ta klơ khân păng.

Yêrêmi 46:6

“Bunuyh ngăch jâng ăt mâu dơi du ôh, Nơm dăng ktang ăt mâu dơi klaih lĕ; Tâm mpeh pa lơ, ta kơh dak krong Ơphrat, Khân păng chêh prah sa mok!

Yêrêmi 50:16

Ƀư ngroh lơi nơm srih ntil tă bơh Babilôn Jêh ri nơm djôt nhuĕ tâm yan rek. Yorlah klach mpiăt đao ma nơm tŭn jot Yor nây ăp nơm mra plơ̆ sĭt ndrel ma ndŭl mpôl păng nơm, Jêh ri nchuăt du ma ƀon tơm păng nơm.

Yêrêmi 51:9

‘He sâl ƀư gay ma ƀư bah ƀon Babilôn Ƀiălah păng mâu dơi bah ôh. Chalơi hom păng, Ăp nơm hăn sĭt hom rlet ma bri păng nơm; Yorlah nau tâm rmal ma păng hao tât klơ trôk, Hao tât ma ndâr tŭk.’