Yêrêmi 46:12 - Nau Brah Ndu Ngơi 2023

¹² Lĕ bri dak tăng lư da dê jêh nau bêk prêng khân ay may, Nau nhhiăng nhĭm ay may lam bri neh ntu; Yorlah nơm dăng ktang chêh prah đah nơm dăng ktang Lĕ bar hê cha lôt ndrel n'grŭp.”

Yêrêmi 46:12 Iomraidhean Croise

Êsai 10:4

Khân păng knŏng hôm ƀư du ntil kan jêng păn ta nklang phung bu nă Jêh ri cha lôt ta nklang phung khĭt. Nđâp lah pônây, nau ji nuih Kôranh Brah ê hŏ du ôh Jêh ri ti Păng ăt hôm yơr.

Êsai 19:2

Gâp mra ƀư ăn ma phung Êjipt tâm rdâng đah phung Êjipt nơm; Bu mra ŭch tâm lơh đah oh nâu khân păng, Phung chiau meng tâm rdâng ndrăng phung chiau meng, Ƀon aơ tâm rdâng đah ƀon ri, Ƀon bri hađăch aơ tâm rdâng đah ƀon bri hađăch ri.

Êsai 24:11

Bu nter ta trong sâng yor mâu geh ndrănh; Lĕ rngôch nau hâk răm jêng nau ngo klĕng da dê, Nau maak ta neh hŏ du ngai!

Yêrêmi 14:2

“N'gor Yuđa gŭ tâm nau klâng ndrê, Mpông ƀon lĕ rai; Phung ƀon lan nhĭm vơl da dê ăn ma ntŭk nây, Jêh ri tăng bâr ƀon Yêrusalem kuăl.

Yêrêmi 2:36

Mâm dĭng may dơi rgâl trong may Ngăch nâm pônây? Mâm may hŏ prêng đah phung Asiri, Ăt mra prêng đah Êjipt tâm ban lĕ.

Yêrêmi 46:6

“Bunuyh ngăch jâng ăt mâu dơi du ôh, Nơm dăng ktang ăt mâu dơi klaih lĕ; Tâm mpeh pa lơ, ta kơh dak krong Ơphrat, Khân păng chêh prah sa mok!

Yêrêmi 47:2

Brah Yêhôva lah: “Ri, lĕ dak krong hao lip tă bơh mpeh pa lơ, Jêh ri jêng du n'hor dak rlâm kơh, Ƀư lip bŭk bri dak jêh ri ndô ndơ tâm bri dak, Bŭk ƀon toyh jêh ri bunuyh gŭ tâm ƀon. Bu mra nhhiăng nhĭm nter kuăl, Lĕ rngôch phung ƀon lan gŭ tâm bri nhĭm vơl da dê.

Yêrêmi 48:34

Bâr nhĭm vơl tă bơh Hêsbôn tât ma Êlêaleh, jêh ri Jahas, tă bơh ma ƀon Sôar kŏ tât ma Hôrônaim jêh ri Êglat-Sêlisija. Yorlah nđâp ma n'hor dak ƀon Nimrim ăt suăt tâm ban lĕ.”

Yêrêmi 49:21

Nau nteh rlâm tŭp khân păng ƀư neh ntu mra n'găr, nau nter khân păng tât ta Dak Mƀŭt Chăng.

Yêrêmi 50:46

Nteh rlâm tŭp ƀon Babilôn ƀư n'găr neh ntu, jêh ri nter khân păng tăng lam tât ma lĕ rngôch bri dak.

Yêrêmi 51:54

“Iăt hom nau vah vơl tă bơh Babilôn, Nteh nau ƀư rai dŭt krit kir bơh bri phung Kaldê!

Nahum 2:5

Bu kuăl rgum phung kôranh văch; Ƀiălah khân păng chuat hăn ndĭt ndiu, Nchuăt ndal tât ta pêr, Rơm ndrăp nau tâm rdâng.

Sôphôni 1:10

Brah Yêhôva lah: “Tâm nar nây, Mra geh bâr nter huy bơh mpông pêr Ka, Nau nhĭm nter ta ntŭk Nkual Tal Bar, Nteh rlâm chah lĕ bơh phung yôk.

I Samuel 5:12

Bi phung mâu geh khĭt, nau ji tŭl ko mra ƀư rêh ni, jêh ri nau nter tâm ƀon nây hao tât klơ trôk.