Yêrêmi 46:11 - Nau Brah Ndu Ngơi 2023

¹¹ Ơ bu ur druh, kon bu ur bri Êjipt! Hăn hao hom ma bri Gilêat, jêh ri sŏk ntăk si ƀâu kah; Khân ay dŏng âk ntil dak si kŏ mâu khlay lĕ, Mâu geh nau ƀư bah ma khân ay ôh!

Yêrêmi 46:11 Iomraidhean Croise

Nau Ntơm 37:25

Nôk phung nâu Y-Yôsep dôl hôm gŭ sông sa, khân păng n'gơr măt uănh jêh ri saơ du phung tăch drăp Ismaêl văch tă bơh Gilêat. Seh samô khân păng rdeng bêng ndơ ƀâu kah, dak si ƀâu kah jêh ri dak si tăng trŭnh let Êjipt.

Nau Ntơm 43:11

Y-Israel, mbơ̆ khân păng, lah: “Lah pôri khân may ƀư hom kơt aơ: Tâm ndô ndơ khân may djôt leo ndơ khlay bơh n'gor aơ nâm bu ntăk si ƀâu kah djê̆ jêh ri dak sŭt djê̆, ndơ sa kah, dak si tăng, găr guyh jêh ri play amandê gay ƀư ndơ nhhơr ma nơm nây.

Êsai 47:1

Ơ bu ur druh ƀon Babilôn, Trŭnh jêh ri gŭ hom tâm ndruyh neh! Ơ kon bu ur phung Kaldê! Gŭ hom ta neh, mâu hôm gŭ ta sưng hađăch ôh! Yorlah bu mra mâu hôm rnha ma may Jêng rdơ̆ rbăn ueh lăng ôh.

Yêrêmi 14:17

May ngơi hom ma khân păng nau aơ: ‘Ăn ma măt gâp hoch dak nar măng mâu dơi rlu; Yorlah bu ur druh ƀon lan gâp bu lơh mâu hôm klen, Sôt rmanh jru glăm ngăn.

Yêrêmi 31:21

“Ndâk hom n'gâng, Ndâk hom ndơ ntĭm trong; Sek uănh nanê̆ trong toyh, Trong may hŏ hăn rgăn jêh. Ơ bu ur druh Israel, plơ̆ sĭt hom, Plơ̆ sĭt hom ma ƀon may!

Yêrêmi 31:4

Ơ bu ur druh phung Israel! Gâp mra ndâk may jêh ri may mra ndâk tay, May mra nkrơ̆ tay ma gâr jê̆, Jêh ri hăn pâl ntalơ̆ ta nklang phung ƀư nau răm maak.

Yêrêmi 51:8

Ƀât lât, ƀon Babilôn lĕ tŭp jêh ri nchah rai jêh, Nhĭm vơl hom ma păng! Sŏk hom dak si ƀâu kah mhĭng ta sôt rmanh păng; Gĭt lah păng dơi bah?

Yêrêmi 8:22

Tâm Gilêat mâu geh ntăk si ƀâu kah hĕ? Ta nây ăt mâu hôm geh nai dak si hĕ? Pônây mâm ƀư sôt rmanh kon bu ur phung ƀon lan gâp Mâu dơi ƀư bah?

Êsêkiêl 27:17

N'gor Yuđa jêh ri n'gor Israel ăt tăch rgâl đah may tâm ban lĕ; khân păng djôt ba ƀlê tă bơh Minnit, ƀănh njŭng, dak sŭt, dak ngi ôlive jêh ri dak si ƀâu kah tâm rgâl đah ndrăp ndơ đah may.

Mika 1:9

Yorlah ntŭk têl rmanh păng mâu dơi bah ôh; Păng trêng tât n'gor Yuđa tâm ban lĕ, Tât ta mpông pêr mpôl băl gâp, Nây jêng tât ƀon Yêrusalem.

Nahum 3:19

Sôt rmanh may mâu geh ôh dak si ƀư bah, Sôt rmanh may dŭt glăm ngăn. Lĕ rngôch phung tăng nau nkoch ma may bu tap ti da dê, Yorlah mbu nơm dơi klaih tă bơh nau may chiă uănh ƀư djơh mro?

Mathay 5:26

Nanê̆, Gâp lah ma may, may mâu mra luh ôh tă bơh ndrung kŏ tât nôk may mplơ̆ sĭt rĭng ma prăk nglĕ dŭt.