Yêrêmi 44:7 - Nau Brah Ndu Ngơi 2023

⁷ Aƀaơ ri, Yêhôva Brah Ndu ma phung tahan, Brah Ndu Israel, lah pô aơ: ‘Mâm ƀư khân may ƀư ăn ma khân may nơm nau ƀai dŭt toyh kŏ tât bơh ma phung bu klâu, phung bu ur, phung kon se jê̆, phung oh bê dôl hôm pu bu ƀư rai lĕ bơh n'gor bri Yuđa, mâu hôm geh du huê bunuyh hôm klen ăn ma khân may?

Yêrêmi 44:7 Iomraidhean Croise

Nau Hôr 1:18

Ƀiălah khân păng kâp dâp gay ƀư pling mham păng nơm, Rmoch ƀư rai nau rêh păng nơm.

Nau Hôr 15:32

Mbu nơm dun nau ntĭm nti jêng tâm rmot ma huêng păng nơm, Ƀiălah mbu nơm iăt nau nduyh nkra dơi geh nau gĭt rbăng.

Nau Hôr 5:22

Phung mhĭk mra tŭp tâm nau tih păng nơm, Jêh ri rse nau tih chăp păng nơm.

Nau Hôr 8:36

Ƀiălah mbu nơm ngơi djơh ma gâp jêng ƀư mhĭk ma huêng păng nơm; Lĕ rngôch phung tâm rmot ma gâp jêng rŏng ma nau khĭt.”

Yêrêmi 25:6

Lơi tĭng phung brah êng ôh ŭch pah kan jêh ri yơk mbah ma khân păng; lơi ta nsônh nuih Gâp ôh sŏk ma kan ti khân may ƀư, ri mơ Gâp mâu mra ƀư mhĭk ôh ma khân may.’

Yêrêmi 25:7

Brah Yêhôva lah: ‘Ƀiălah khân may mâu iăt Gâp ôh, sŏk ma kan ti khân may ƀư nsônh nuih Gâp ăn tât nau mhĭk ma khân may nơm.’

Yêrêmi 26:19

Y-Hêsêkia, hađăch Yuđa, jêh ri lĕ rngôch ƀon lan phung Yuđa nkhĭt lơi păng nây lĕ? Mâu di hĕ hađăch hŏ klach yơk ma Brah Yêhôva jêh ri vơl dăn nau yô̆ Brah Yêhôva, pôri Brah Yêhôva tâm rgâl nau mĭn mâu nkhŭt nau mhĭk tâm ban ma Păng hŏ mbơh lor jêh ma khân păng lĕ? Bi aƀaơ he ŭch vơt dơn nau mhĭk toyh ngăn ma he nơm!”

Yêrêmi 3:24

Ntơm bơh hên hôm mom ndăm, Brah khư ma nau bêk prêng hŏ rvăn lĕ kan chô yau hên, Phung biăp, phung ndrôk, Phung kon bu klâu, kon bu ur khân păng.

Yêrêmi 38:17

Y-Yêrêmi lah ma Y-Sêdêkia: “Yêhôva Brah Ndu ma phung tahan, Brah Ndu Israel lah pô aơ: ‘Tơlah may luh jao săk may nơm phung kôranh ma hađăch Babilôn pônây may mra dơi rêh, jêh ri ƀon aơ bu mâu mra su ôh ma ŭnh; may jêh ri phung tâm ngih may mra gŭ rêh.

Yêrêmi 42:20

Khân may ndơm êng khân may nơm. Khân ay may hŏ prơh jêh gâp hăn tât ma Yêhôva Brah Ndu khân ay may jêh ri lah ma gâp: ‘Ăn yor ma phung hên mbơh sơm hom ma Yêhôva Brah Ndu hên, ăn ma hên gĭt moh nau Yêhôva Brah Ndu hên lah ma may pônây hên mra tĭng ƀư.’

Yêrêmi 44:14

Tâm phung ƀon lan Yuđa hôm klen nchuăt du gŭ tâm bri Êjipt mâu mra geh du huê bunuyh dơi klaih ôh mâu lah hôm rêh gay plơ̆ sĭt tay ma bri Yuđa, jêng ntŭk khân păng ŭch kâp plơ̆ sĭt tâm n'gor. Khân păng mâu mra dơi plơ̆ sĭt gŭ ôh, knŏng phung ƀaƀă nchuăt du klaih nây dơm.’”

Yêrêmi 44:8

Mâm ƀư khân may nsônh nuih Gâp ma kan ti khân ay may ƀư? Tâm n'gor bri Êjipt, ntŭk khân may mhe văch gŭ, khân may hŏ nhhơr ndơ ƀâu kah ăn ma phung brah êng kŏ tât dơn êng nau bu ƀư ngroh lơi, jêh ri jêng nau rak rtăp jêh ri bu ntêh rmot ta nklang lĕ rngôch ƀon lan ta neh ntu.

Yêrêmi 51:22

Gâp mra dŏng may ƀư rai bu klâu jêh bu ur, Bunuyh ranh jêh ri bunuyh mom. Gâp mra dŏng may ƀư rai phung bu klâu ndăm jêh ri bu ur druh.

Yêrêmi 7:19

Brah Yêhôva lah: “Di lĕ khân păng nsônh nau ji nuih Gâp? Mâu di hĕ khân păng ƀư rmanh êng, sŏk dơn nau bêk prêng ăn ma khân păng nơm nây hĕ?”

Yêrêmi 9:21

Yorlah nau khĭt hŏ hao găn mpông bloh, Lăp mpôn ngih hađăch he, Nkhĭt jêh phung kon se rŏ trong sâng Jêh ri phung bu klâu ndăm tâm lĕ nhuang ƀon.

Nau Nhĭm Vơl 2:11

Măt gâp lĕ huănh hươi jêh yor hoch âk dak măt, Proch khŭng uh ah ngăn; Nuih n'hâm gâp lĕ nkhŭt tâm neh Yorlah kon bu ur ƀon lan gâp bu ƀư rai jêh; Yorlah phung kon se jê̆ jêh ri oh bê Cha lôt prah tâm lĕ trong sâng.

Nau Nhĭm Vơl 2:22

May hŏ rgum nau klach krit gâp tă bơh lĕ rngôch mpeh, Nâm bu tâm nar rƀŭn; Tâm nar Brah Yêhôva ji nuih, Mâu geh nơm klaih mâu lah nơm hôm gŭ rêh klen. Phung gâp hŏ chông ra-u jêh ri pêt rong ntĭm nti, Lĕ rngôch lĕ phung rlăng nkhĭt da dê jêh.

Êsêkiêl 33:11

Lah hom ma khân păng pô aơ: ‘Kôranh Brah Yêhôva lah: Tĭng nâm Gâp gŭ rêh mro mrăng, Gâp mâu maak ôh ma nau khĭt nơm mhĭk, ƀiălah maak yor nau păng chalơi trong păng jêh ri dơi rêh. Khân may chalơi hom, chalơi trong djơh mhĭk khân may! Mâm ƀư khân may ŭch khĭt, hơi ngih Israel?’

Êsêkiêl 9:6

Nkhĭt lĕ hom, ƀă phung bu ranh, ƀă phung mom ndăm, ƀă phung bu ur druh, ƀă bu ur me jêh ri phung kon se jê̆, ƀă bu-ur jêh ri kon se jê̆. Ƀiălah lơi hăn dăch mbu geh nchih nau mbên ta ndăr kleng. Ntơm hom tă bơh phung bu ranh gŭ panăp ngih.”

Habakuk 2:10

Nau may ndrăp ƀư ƀai âk băl mpôl bunuyh Knŏng djôt leo nau bêk prêng ma ngih vâl may nơm; Jêh ri ƀư rai ma may nơm.

Nau Kơp Bunuyh 16:38

Bi lĕ khăl gŭch ƀâu kah phung bunuyh ƀư tih jêh ri kŏ tât roh nau rêh khân păng; pôri ăn bu chiăr jêng lĕ pŏk n'hơ gay nkŭm nơng ƀư brah, yorlah lĕ khăl gŭch ƀâu kah nây hŏ nhhơr panăp Brah Yêhôva jêh ri jêng kloh ueh jêh. Pôri khân păng jêng du ndơ tâm mbên ma phung ƀon lan Israel.”

Nau Vay Nkah Tay 32:25

Padih đao mra nkhĭt phung kon, Tâm trôm nau krit kir ngăn Ƀư ma bu klâu ndăm jêh ri bu ur druh, Jêh ri kon se dôl gŭ pu toh nđâp ma bu klâu ranh mra rai lôch da dê.

Yôsuê 6:21

Khân păng sŏk đao ƀư rai lĕ rngôch mpa rêh tâm ƀon, nđâp bu klâu, bu ur, bu ranh, kon se nđâp ma ndrôk, biăp, jêh ri seh bri.

Phung Kôranh Phat Dôih 21:11

Aơ jêng nau khân may mra ƀư: “Nkhĭt hom lĕ rngôch bu klâu jêh ri phung bu ur hŏ geh sai.”

I Samuel 15:3

Pôri aƀaơ, hăn hom tâm lơh đah phung Amalek jêh ri ƀư rai lĕ rngôch ndơ khân păng geh. May mâu mra yô̆ nđach ôh khân păng, nkhĭt lơi lĕ bu klâu, bu ur, phung kon se, lĕ ndrôk, biăp, seh samô jêh ri seh bri.’”

I Samuel 22:19

Y-Sôl sŏk đŏng đao nkhĭt phung ƀon lan Nôp, ƀon phung kôranh ƀư brah; ntơm bơh bu ur, bu klâu, kon se, phung kon hôm pu, lĕ ndrôk, seh bri, jêh ri biăp, lĕ rngôch păng nkhĭt ma đao da dê.