Yêrêmi 44:4 - Nau Brah Ndu Ngơi 2023

⁴ Nđâp lah Gâp hŏ prơh hăn ƀaƀơ jêh ma lĕ rngôch phung oh mon Gâp, nây jêng phung nơm mbơh lor, tât lah ma khân may pô aơ: ‘Vơ, lơi ta ƀư ôh nau ƀơ̆ bơch Gâp tâm rmot nây!’

Yêrêmi 44:4 Iomraidhean Croise

II Nau Rêh Jêng 36:15

Yêhôva Brah Ndu phung chô yau khân păng yorlah geh nau yô̆ ma phung ƀon lan Păng jêh ri ngih brah Păng ri dĭng Păng đă phung mbơh văch ta khân păng ƀaƀơ.

Nêhêmi 9:30

Kôranh Brah srôih nuih đah khân păng âk năm. Jêh ri mbơh ăn khân păng njrăng đah Brah Huêng jêh ri phung nơm mbơh lor May. Ƀiălah khân păng mâu rkêng tôr iăt ôh Rĭ dĭng Kôranh Brah jao khân păng tâm ti lĕ ntil mpôl bunuyh rêh gŭ tâm n'gor.

Nêhêmi 9:34

Phung hađăch, phung kôranh chiă uănh, phung kôranh ƀư brah jêh ri phung chô yau hên Mâu djôt prăp ôh nau vay Kôranh Brah, Mâu lĕ tông tĭng lĕ nau vay ntăm jêh ri lĕ nau mbơh Kôranh Brah lah jêh ma khân păng.

Yêrêmi 16:18

Lor lơn Gâp mra mplơ̆ nau mhĭk ma khân păng n'hao bar tơ̆ jêh ri nau tih khân păng hŏ ƀư jêh, yorlah khân păng hŏ ƀư ƀơ̆ ƀơch neh Gâp bơh săk jăn khĭt lĕ rup brah di ma nau tâm rmot, jêh ri ƀư bêng ma drăp ndơn đah lĕ ndơ di ma nau ƀơ̆ ƀơch.”

Yêrêmi 26:5

tơlah khân may mâu iăt nau phung oh mon Gâp, jêng phung nơm mbơh lor ngơi Gâp prơh hăn tât ma khân may âk tơ̆, khân may ơm mâu ŭch iăt ôh,

Yêrêmi 29:19

Brah Yêhôva lah: “Nây jêng yor khân păng mâu ŭch iăt ôh nau Gâp nđâp lah Gâp hŏ ƀaƀơ mprơh phung oh mon Gâp, jêng phung nơm mbơh lor, tât ma khân păng.” Brah Yêhôva lah đŏng: “Bi khân may ăt mâu ŭch iăt ôh.”

Yêrêmi 32:33

Khân păng ndôn kơi jêh ri pôn muh măt khân păng ma Gâp. Nđâp lah Gâp hŏ nti ma khân păng ƀaƀơ, khân păng ăt mâu ŭch iăt ôh, mâu sŏk dơn nau ntĭm nti.

Yêrêmi 32:34

Khân păng hŏ dơm jêh lĕ ndơ ƀơ̆ ƀơch tâm trôm ngih dơi ntơ ma Amoh Gâp, gay ƀư ƀơ̆.

Yêrêmi 32:35

Khân păng hŏ ndâk jêh lĕ ntŭk prêh klơ ăn ma brah Baal tâm rlŭng Ben-Hinôm, gay nhhơr phung kon bu klâu phung kon bu ur khân păng nơm ăn ma brah Môlek. Nây jêng nau Gâp mâu geh ntĭm nti, mâu mâp lĕ mĭn ma nau nây khân păng dơi ƀư nau tâm rmot aơ tâm ban pônây gay ăn phung Yuđa ƀư tih.

Yêrêmi 35:15

Gâp ƀaƀơ prơh hăn jêh lĕ rngôch phung oh mon Gâp, jêng phung nơm mbơh lor, hăn tât lah ma khân may: “Ăp nơm tâm khân may mra chalơi trong mhĭk jêh ri tâm rgâl nau khân may ƀư. Lơi ta tĭng ôh gay pah kan ma lĕ brah êng, ri mơ khân may mra gŭ tâm bri Gâp hŏ ăn jêh ma khân may jêh ri ma phung chô yau khân may.” Ƀiălah khân may mâu mâp rkêng tôr, jêh ri mâu iăt ôh nau Gâp.

Yêrêmi 35:17

Yor nây, Yêhôva Brah Ndu ma phung tahan, Brah Ndu Israel lah: ‘Aơ, Gâp ăn tât ma phung Yuđa jêh ri lĕ rngôch phung gŭ tâm ƀon Yêrusalem lĕ rngôch nau mhĭk djơh Gâp hŏ mbơh lor jêh ăn ma khân păng, yorlah Gâp ngơi khân păng mâu iăt, Gâp kuăl khân păng mâu plơ̆ lah ôh.’”

Yêrêmi 7:13

Brah Yêhôva lah: ‘Aƀaơ ri, yorlah khân may hŏ ƀư jêh lĕ nau nây, Gâp vay ngơi ƀaƀơ lah ma khân may ƀiălah khân may mâu iăt ôh; Gâp hŏ kuăl khân may khân may mâu plơ̆ sĭt lah.

Yêrêmi 7:17

May mâu saơ hĕ moh khân păng ƀư tâm lĕ ƀon Yuđa jêh ri rŏ trong ƀon Yêrusalem?

Yêrêmi 7:18

Phung kon dônh long, mbơ̆ sŭnh ŭnh, mê̆ piăch rnih, gay ƀư ƀănh nhhơr ăn ma hađăch bu ur tâm trôk, hôm ƀư tay rƀŭn ndơ nhhơr nhêt sa ăn ma lĕ brah êng, gay nsônh nau ji nuih Gâp.”

Yêrêmi 7:25

Ntơm bơh nar phung chô yau khân may du luh tă bơh Êjipt kŏ tât abaơ, nar aơ găn nar ri, Gâp hŏ prơh hăn ƀaƀơ lĕ rngôch phung oh mon Gâp, phung nơm mbơh lor, tât ma khân păng.

Êsêkiêl 16:36

Kôranh Brah Yêhôva lah: ‘Yorlah ay hŏ nkhŭt jêh nau ƀơ̆, mpơl nau rhôk dôl tăch săk ăn ma tĭr ay; yor lĕ rngôch rup brah ƀơ̆ ƀơch bơh ay, jêh ri mham phung kon ay hŏ nhhơr jêh ma rup brah nây,

Êsêkiêl 16:47

Bi ay mâu knŏng chuat hăn tâm trong khân păng jêh ri hôm ƀư nau mhĭk tâm ban ma khân păng. Ay kơp nau nây jêng jê̆ lê̆ hĕ? Ay hŏ ƀư êng ma ay nơm mhĭk lơn tâm lĕ rngôch trong ay hăn.

Êsêkiêl 18:31

Mƀăr ngai hom đah khân may lĕ rngôch nau tih khân may ƀư jêh. Ƀư hom ma khân may nơm nuih n'hâm mhe jêh ri huêng brah mhe! Hơi ngih Israel, mâm ƀư khân may ŭch khĭt?’

Êsêkiêl 8:10

Pônây gâp chuat lăp jêh ri uănh saơ, ri, jŭm mpêr geh kach nsêr ăp ntil rup brah mpa vơr jêh ri mpô mpa ƀơ̆ ƀơch, lĕ rngôch rup brah ngih Israel.

Daniel 9:6

Hên mâu gŭ iăt ôh ma phung oh mon May jêng phung nơm mbơh lor, lĕ phung hŏ sŏk amoh May ngơi ma phung hađăch, ma phung kôranh, jêh ri ma phung chô yau hên ndrel ma lĕ rngôch phung ƀon lan tâm n'gor bri.

Sakari 7:7

Nau nây mâu di tă nau ngơi Brah Yêhôva kuăl bơh phung nơm mbơh lor rnôk kăl e hăn mbơh, lah Yêrusalem jêh ri phung ƀon chiau meng gŭ jŭm păng hôm e geh phung ƀon lan gŭ jêh ri geh nau hao jêng, tâm ban ma bri Nêgep jêh ri bri Sêphêla geh phung ƀon lan gŭ lĕ?’”

I Pêtrôs 4:3

Nar kăl e, khân may mpŭng mông nar jêh gay ƀư lĕ nau phung bu năch ŭch ƀư, nâm bu gŭ rêh tâm nau blă blơ, nau kơnh mhĭk, nhŭl ndrănh, pâl rlưn rlau keh, nau nhêt sa rlau keh, nau mbah rup brah dŭt ƀơ̆ ƀơch.