Yêrêmi 44:3 - Nau Brah Ndu Ngơi 2023

³ Tă bơh nau ƀai khân păng hŏ ƀư tih jêh gay ƀư nsônh nuih Gâp. Khân păng nhhơr ndơ ƀâu kah jêh ri mbah ma phung brah êng, khân păng tâm ban ma phung khân may jêh ri ma phung chô yau khân may mâu mâp gĭt ôh.

Yêrêmi 44:3 Iomraidhean Croise

Nêhêmi 9:33

Tâm lĕ nau hŏ tât jêh ma hên, Kôranh Brah ăt sŏng srăng; yorlah Kôranh Brah ƀư nau di ngăn, Bi hên ƀư jêh ma nau djơh mhĭk.

Êsai 3:8

Yorlah ƀon Yêrusalem nkêng cha lôt Jêh ri bri Yuđa mra rlâm rai, Yorlah nau ngơi jêh ri kan pah khân păng tâm rdâng đah Brah Yêhôva da dê, Tâm rdâng panăp nau mpơl muh măt chrêk rmah Păng.

Yêrêmi 11:17

Brah Yêhôva ma phung tahan, jêng Nơm hŏ brôi tăm khân may, Păng nơm yơh ăn nau mhĭk tât ta may, yorlah nau mhĭk ngih phung Israel jêh ri ngih Yuđa hŏ ƀư nôk nsônh nau nuih Gâp đah nau nhhơr ndơ ƀâu kah ăn brah Baal.”

Yêrêmi 16:10

Dôl may mbơh ăn ma phung ƀon lan aơ lĕ rngôch nau nây, khân păng mra ôp may: ‘Mâm ƀư Brah Yêhôva tâm nal nkhŭt nau mhĭk dŭt krit kir aơ tât ma hên? Moh nau mhĭk hên? Moh nau hên hŏ ƀư tih đah Yêhôva Brah Ndu hên?’

Yêrêmi 22:9

Mra geh bunuyh plơ̆ lah: ‘Yorlah phung ƀon lan tâm ƀon nây hŏ chalơi jêh nau tâm rnglăp đah Yêhôva Brah Ndu khân păng, yơk mbah jêh ri rhŏ ma lĕ brah êng.’

Yêrêmi 29:19

Brah Yêhôva lah: “Nây jêng yor khân păng mâu ŭch iăt ôh nau Gâp nđâp lah Gâp hŏ ƀaƀơ mprơh phung oh mon Gâp, jêng phung nơm mbơh lor, tât ma khân păng.” Brah Yêhôva lah đŏng: “Bi khân may ăt mâu ŭch iăt ôh.”

Yêrêmi 32:30

Yorlah ntơm bơh kon se, phung kon sau Israel jêh ri phung kon Yuđa knŏng gĭt ƀư nau mhĭk tâm dâng măt Gâp. Nanê̆ ngăn, phung kon sau Israel knŏng nsônh nuih Gâp ma lĕ kan ti khân păng ƀư, Brah Yêhôva lah pônây.

Yêrêmi 44:23

Yorlah khân ay may hŏ su ndơ ƀâu kah jêh ri ƀư tih jêh ma Brah Yêhôva, mâu tông ôh bâr Brah Yêhôva, jêh ri mâu gŭ rêh tĭng nau vay, jêh ri nau vay dăp jêh ri nau Păng nkah nti, yor ri nau mhĭk aơ hŏ tât jêh ma khân ay may nar aơ.”

Yêrêmi 44:8

Mâm ƀư khân may nsônh nuih Gâp ma kan ti khân ay may ƀư? Tâm n'gor bri Êjipt, ntŭk khân may mhe văch gŭ, khân may hŏ nhhơr ndơ ƀâu kah ăn ma phung brah êng kŏ tât dơn êng nau bu ƀư ngroh lơi, jêh ri jêng nau rak rtăp jêh ri bu ntêh rmot ta nklang lĕ rngôch ƀon lan ta neh ntu.

Yêrêmi 5:19

Dôl khân păng lah: ‘Mâm ƀư Yêhôva Brah Ndu he ntrŭnh lĕ nau nây ta klơ phung he?’ pôri may ngơi hom đah khân păng pô aơ: ‘Khân may hŏ chalơi Gâp jêh ri pah kan lĕ brah bu năch tâm neh may nơm mâm ƀư, lĕ khân may ăt mra pah kan ma phung ƀon lan bu năch tâm n'gor mâu di bri phung khân may tâm ban lĕ.’

Yêrêmi 5:29

Brah Yêhôva lah: “Gâp mâu mra tâm rmal hĕ khân păng ma nau tih nây? Du ndŭl mpôl nâm bu pônây Gâp mâu plơng bôk hĕ?

Yêrêmi 7:19

Brah Yêhôva lah: “Di lĕ khân păng nsônh nau ji nuih Gâp? Mâu di hĕ khân păng ƀư rmanh êng, sŏk dơn nau bêk prêng ăn ma khân păng nơm nây hĕ?”

Nau Nhĭm Vơl 1:8

Ƀon Yêrusalem ƀư tih jâk jêr, Yor nây, lĕ jêng ƀơ̆ ƀơch jêh; Lĕ rngôch phung tă yơk ma păng aƀaơ ri gơm mưch ma păng, Yorlah khân păng saơ nau rhôk păng. Păng nơm vah vơl êng Jêh ri plơ̆ pôn muh măt.

Nau Nhĭm Vơl 4:13

Ma yor nau tih phung Nơm mbơh lor, Yorlah nau mhĭk phung kôranh ƀư brah, Jêng phung hŏ ƀư pling jêh mham bunuyh sŏng srăng Ta nklang ƀon.

Êsêkiêl 9:9

Păng lah ma gâp pô aơ: “Nau tih mhĭk ngih Israel jêh ri Yuđa hŏ toyh hâu ngăn. Bri neh bêng ma nau pling mham, tâm ƀon bêng nau mâu sŏng yorlah khân păng lah pô aơ: ‘Brah Yêhôva hŏ chalơi jêh bri neh aơ, Brah Yêhôva mâu saơ ôh.’

Daniel 9:5

Hên hŏ geh nau tih jêh, ƀư nau tih, gŭ ngao djơh mhĭk, hên tâm rdâng, chalơi đah lĕ nau vay ntăm jêh ri nau vay ƀư bơh May.

Nau Vay Nkah Tay 13:6

Tơlah oh nâu khân may, kon bu klâu, kon bu ur, mâu lah ur khân may rŏng ngăn, mâu lah mĭt jiăng dăch đah khân may, jêng nơm ndơm khân may ma nau ndâp pô aơ: ‘Ăn he hăn jêh ri yơk mbah ma brah êng’ jêng phung brah khân may mâu lah phung chô yau khân may mâu hŏ gĭt năl ôh,

Nau Vay Nkah Tay 29:25

Bu mra ơh pô aơ: ‘Yorlah khân păng hŏ dun jêh nau tâm rnglăp đah Yêhôva Brah Ndu phung chô yau khân păng ƀư jêh đah khân păng nôk Păng njŭn leo khân păng luh bơh n'gor Êjipt.

Nau Vay Nkah Tay 29:26

Khân păng hăn yơk mbah jêh ri chon mbah ma phung brah êng jêng phung brah khân păng mâu ôh gĭt jêh ri Păng mâu ăn đŏng ma khân păng yơk mbah.’

Nau Vay Nkah Tay 32:17

Nhhơr mpa ƀư brah ma phung brah mhĭk, mâu di jêng Brah Ndu, Chon mbah ma phung brah khân păng ê hŏ ôh mâp gĭt, Jêng phung brah mhe pơ văch pakơi, Phung chô yau khân may mâu mâp klach ôh.

ហេឞ្រើ 3:16

Mbu nơm jêng phung tăng jêh bâr Păng, ƀư nau tâm rdâng? Mâu di hĕ jêng phung bunuyh Y-Môis njŭn leo luh bơh n'gor Êjipt?