Yêrêmi 44:23 - Nau Brah Ndu Ngơi 2023

²³ Yorlah khân ay may hŏ su ndơ ƀâu kah jêh ri ƀư tih jêh ma Brah Yêhôva, mâu tông ôh bâr Brah Yêhôva, jêh ri mâu gŭ rêh tĭng nau vay, jêh ri nau vay dăp jêh ri nau Păng nkah nti, yor ri nau mhĭk aơ hŏ tât jêh ma khân ay may nar aơ.”

Yêrêmi 44:23 Iomraidhean Croise

I Phung Hađăch 9:9

Bu mra plơ̆ lah pô aơ: ‘Nây jêng yorlah khân păng chalơi jêh Yêhôva Brah Ndu khân păng, Nơm hŏ njŭn leo phung chô yau khân păng du luh bơh Êjipt. Khân păng tĭng ndô̆ phung brah êng, yơk mbah phung brah nây jêh ri pah kan ma khân păng. Yor ri, Brah Yêhôva ăn tât lĕ nau mhĭk aơ ma khân păng.’ ”

II Phung Hađăch 17:15

Khân păng mưch rmot ma lĕ nau vay dăp bơh Păng tâm ban đŏng nau tâm rnglăp Păng hŏ ƀư jêh ma chô yau khân păng, jêh ri khân păng mưch rmot đŏng lĕ nau tâm rmal Păng hŏ ntăm jêh ma khân păng. Khân păng hăn tĭng ndô̆ phung brah dơm dam jêh ri khân păng nơm ăt rlơ̆ jêng dơm dam. Khân păng kơt phung ntil mpôl bunuyh gŭ văr jŭm, jêng phung ntil mpôl bunuyh Brah Yêhôva ntrŭnh jêh ma khân păng mâu tĭng kơt phung nây.

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Nêhêmi 13:18

Mâu di hĕ phung chô yau khân may kăl e hŏ ƀư jêh kơt nây, kŏ tât Brah Ndu he ăn tât jêh lĕ nau mhĭk nây ma he jêh ri ma ƀon Yêrusalem? Bi khân may ƀư ƀơ̆ đŏng nar saƀat, gay ƀư ăn nau ji nuih Păng ntop âk ma phung Israel!”

Nau Mprơ Ơm 119:136

Dak măt gâp hoch nâm bu dak n'hor, Yorlah bu mâu tông prăp ôh ma nau vay May.

Nau Mprơ Ơm 119:150

Phung geh nau mĭn ƀai văch dăch gay ƀư mhĭk gâp; Khân păng gŭ ngai đah nau vay May.

Nau Mprơ Ơm 119:155

Nau tâm rklaih gŭ ngai đah phung ƀai, Yorlah khân păng mâu joi lĕ nau vay May dăp ôh.

Nau Mprơ Ơm 78:10

Khân păng mâu djôt prăp ôh nau Brah Ndu tâm rnglăp, Dun đŏng tĭng nâm nau vay Păng.

Nau Mprơ Ơm 78:56

Nđâp lah pônây khân păng ăt rlong uănh Jêh ri tâm rdâng đah Brah Ndu Nơm Dŭt Prêh, Mâu tĭng djôt prăp ôh nau Brah Ndu ntĭnh.

Yêrêmi 26:4

Pô aơ may lah hom ma khân păng: Brah Yêhôva lah: ‘Tơlah khân may mâu ŭch iăt ôh nau Gâp, mâu rêh tĭng nau vay Gâp ndâk jêh tanăp khân may;

Yêrêmi 40:3

jêh ri Brah Yêhôva hŏ ƀư jêh tĭng nau păng hŏ lah. Yorlah khân may ƀư tih tâm rdâng đah Brah Yêhôva jêh ri mâu tông bâr Păng ôh yor ri nau aơ hŏ geh tât jêh ăn ma khân may.

Yêrêmi 44:10

Kŏ tât ma nar aơ, khân păng ăt mâu mâp rmal nau tih, mâu klach yơk lĕ, mâu lĕ rêh tĭng nau vay jêh ri nau vay dăp Gâp hŏ njêng jêh tanăp khân may jêh ri phung chô yau khân ay may.’

Yêrêmi 44:18

Ƀiălah, ntơm bơh hên rlu nhhơr ndơ ƀâu kah jêh ri mâu ƀư ndơ nhhơr nhêt ăn ma hađăch bu ur tâm trôk, hên pưt kƀah ăp ntil ndơ jêh ri bu nkhĭt lĕ ma tak đao jêh ri nau sa sât ji ngot.

Yêrêmi 44:2

Brah Yêhôva ma phung tahan, Brah Ndu Israel, lah: “Khân may nơm hŏ saơ jêh lĕ rngôch nau mhĭk Gâp hŏ ăn tât jêh ma ƀon Yêrusalem jêh ri ma lĕ rngôch ƀon n'gor bri Yuđa. Ri, lĕ ƀon toyh nây nar aơ jêng rngol, mâu geh du huê bunuyh gŭ.

Yêrêmi 44:21

“Di lĕ khân may jêh ri phung chô yau khân may, phung hađăch jêh ri phung kôranh khân ay may, ndrel phung ƀon lan tâm bri nây hŏ nhhơr jêh ndơ ƀâu kah tâm ăp ƀon toyh n'gor Yuđa jêh ri lĕ trong toyh ƀon Yêrusalem, Brah Yêhôva hŏ kah gĭt jêh ri hŏ prăp jêh tâm nau mĭn Păng nây lĕ?

Yêrêmi 44:3

Tă bơh nau ƀai khân păng hŏ ƀư tih jêh gay ƀư nsônh nuih Gâp. Khân păng nhhơr ndơ ƀâu kah jêh ri mbah ma phung brah êng, khân păng tâm ban ma phung khân may jêh ri ma phung chô yau khân may mâu mâp gĭt ôh.

Yêrêmi 44:8

Mâm ƀư khân may nsônh nuih Gâp ma kan ti khân ay may ƀư? Tâm n'gor bri Êjipt, ntŭk khân may mhe văch gŭ, khân may hŏ nhhơr ndơ ƀâu kah ăn ma phung brah êng kŏ tât dơn êng nau bu ƀư ngroh lơi, jêh ri jêng nau rak rtăp jêh ri bu ntêh rmot ta nklang lĕ rngôch ƀon lan ta neh ntu.

Nau Nhĭm Vơl 1:8

Ƀon Yêrusalem ƀư tih jâk jêr, Yor nây, lĕ jêng ƀơ̆ ƀơch jêh; Lĕ rngôch phung tă yơk ma păng aƀaơ ri gơm mưch ma păng, Yorlah khân păng saơ nau rhôk păng. Păng nơm vah vơl êng Jêh ri plơ̆ pôn muh măt.

Daniel 9:13

Lĕ rngôch nau mhĭk aơ ăn tât jêh ta klơ hên di nâm bu nchih jêh tâm nau vay Y-Môis. Nđâp tơlah pônây, hên ăt mâu vơl dăn ôh nau yô̆ bơh Yêhôva Brah Ndu hên gay chalơi nau djơh mhĭk jêh ri rle nuih n'hâm ma nau răp jăp May.

I Kôrintô 10:20

Mâu geh khlay ôh! Lĕ ndơ phung bu năch ƀư brah jêng ƀư brah ma phung brah mhĭk, mâu di nhhơr ma Brah Ndu ôh. Pôri, gâp mâu ŭch ôh khân may geh du kô̆ đah phung brah mhĭk.

II Kôrintô 6:16

Mâm dơi geh nau tâm rnglăp ngih brah Brah Ndu đah lĕ rup brah? Yorlah he jêng ngih brah Brah Ndu gŭ rêh mro mrăng, nâm bu Brah Ndu lah jêh: “Gâp mra rêh gŭ tâm khân păng jêh ri hăn nsong tâm khân păng; Gâp mra jêng Brah Ndu khân păng, Jêh ri khân păng mra jêng phung ƀon lan Gâp.”