Yêrêmi 44:18 - Nau Brah Ndu Ngơi 2023

¹⁸ Ƀiălah, ntơm bơh hên rlu nhhơr ndơ ƀâu kah jêh ri mâu ƀư ndơ nhhơr nhêt ăn ma hađăch bu ur tâm trôk, hên pưt kƀah ăp ntil ndơ jêh ri bu nkhĭt lĕ ma tak đao jêh ri nau sa sât ji ngot.

Yêrêmi 44:18 Iomraidhean Croise

II Nau Rêh Jêng 28:23

yorlah păng nhhơr ndơ ƀư brah ma phung brah ƀon Damas, jêng phung ƀon lan hŏ lơh păng nơm, yorlah păng mĭn: “Phung brah hađăch Aram hŏ kơl jêh khân păng, pôri gâp mra nhhơr ndơ ƀư brah ma phung brah nây gay khân păng kơl gâp.” Ƀiălah phung brah nây jêng nau ƀư roh rai ma păng, jêh ri lĕ rngôch phung Israel.

Yêrêmi 19:13

Ngih vâl ƀon Yêrusalem jêh ri lĕ rngôch ngih phung hađăch Yuđa, nây jêng lĕ rngôch ngih bu hŏ su jêh ndơ ƀâu kah yơk mbah ma lĕ mănh tâm trôk jêh ri hŏ ƀư ndơ nhhơr nhêt ăn ma lĕ brah êng ta klơ chor ngih, bu mra ƀư ƀơ̆ da dê tâm ban Tôphet.’”

Yêrêmi 40:12

pôri lĕ phung Yuđa nây tă bơh ăp ntŭk bu hŏ mprơh plơ̆ sĭt da dê ma n'gor bri Yuđa, tât ma Y-Gêdalia ta ƀon Mispa. Khân păng bun prăp âk ngăn ndrănh jêh ri kao play si yan vai.

Ndrom Samƀŭt bơh Ôsê 2:5

Ngăn yơh, mê̆ khân păng văng tĭr, Bunuyh ntreo ma khân păng hŏ ƀư jêh nau prêng. Yorlah păng lah: ‘Gâp mra hăn tĭng phung rŏng gâp; Khân păng mra ăn ƀănh, dak, rsau biăp, brai mhay, Dak ngi jêh ri ndơ nhêt.’