Yêrêmi 44:17 - Nau Brah Ndu Ngơi 2023

¹⁷ Ƀiălah, hên mra ƀư nŭm lĕ nau hŏ ton jêh luh bơh ma mbung hên, mra nhhơr ndơ ƀâu kah jêh ri ƀư nau ndơ nhhơr nhêt ma hađăch bu ur tâm trôk, nâm bu hên jêh ri phung chô yau hên, phung hađăch jêh ri phung kôranh hên hŏ ƀư jêh tâm ƀon n'gor Yuđa jêh ri n'gŏ trong toyh ƀon Yêrusalem. Nôk nây, hên hŏ geh ndơ sông sa âk rmeh, gŭ rêh geh nau chăt hao, mâu geh nau mhĭk tât ôh.

Yêrêmi 44:17 Iomraidhean Croise

II Phung Hađăch 17:16

Khân păng mƀăr lơi lĕ rngôch nau vay ntăm tă bơh Yêhôva Brah Ndu khân păng, jêh ri tŏ êng ma khân păng nơm bar mlâm rup ndrôk kon, ƀư rup brah bu ur Asêra, yơk mbah ma lĕ rngôch mănh mbing, jêh ri yơk mbah ma brah Baal.

II Phung Hađăch 22:17

Yorlah Phung ƀon lan aơ hŏ chalơi jêh Gâp, gŭch ndơ ƀâu kah ăn ma phung brah êng jêh ri nsônh nau Gâp ji nuih ma lĕ rngôch kan ti khân păng ƀư, pôri Gâp hao ji nuih hâu ngăn nđâp ma ntŭk aơ, mâu rngơt ôh.’

II Nau Rêh Jêng 28:23

yorlah păng nhhơr ndơ ƀư brah ma phung brah ƀon Damas, jêng phung ƀon lan hŏ lơh păng nơm, yorlah păng mĭn: “Phung brah hađăch Aram hŏ kơl jêh khân păng, pôri gâp mra nhhơr ndơ ƀư brah ma phung brah nây gay khân păng kơl gâp.” Ƀiălah phung brah nây jêng nau ƀư roh rai ma păng, jêh ri lĕ rngôch phung Israel.

Nêhêmi 9:34

Phung hađăch, phung kôranh chiă uănh, phung kôranh ƀư brah jêh ri phung chô yau hên Mâu djôt prăp ôh nau vay Kôranh Brah, Mâu lĕ tông tĭng lĕ nau vay ntăm jêh ri lĕ nau mbơh Kôranh Brah lah jêh ma khân păng.

Nau Mprơ Ơm 106:6

Hên jêh ri phung chô yau hên hŏ ƀư tih jêh; Hên ƀư nau kue jêh ri hên ƀư ma nau djơh jêh.

Nau Mprơ Ơm 12:4

Ma phung lah pô aơ: “He mra dơi yor ma mpiăt he nơm; Bâr mbung he jêng ndơ he; mbu nơm jêng kôranh he?”

Nau Ngluh Êjipt 16:3

Phung ƀon lan Israel lah ma bar hê khân păng: “Ueh lơn hên khĭt ma ti Brah Yêhôva tâm n'gor Êjipt, nôk hôm gŭ dăch glah puăch jêh ri sa ƀănh kŏ hơm! Ƀiălah khân may njŭn tay hên lăp tâm bri rdah aơ gay ăn lĕ rngôch phung ƀon lan aơ khĭt nau ji ngot.”

Êsai 48:5

Rĭ dĭng Gâp mbơh jêh lĕ nau nây ma may bơh kăl e, Gâp mbơh jêh ăn may gĭt êlor ma nau nây tât ngăn, Klach lah may lah: ‘Rup brah gâp ƀư jêh lĕ nau nây; Rup gâp trah jêh ri rup gâp tŏ chiăr ntăm jêh nau nây.’

Yêrêmi 1:16

Gâp mra phat dôih tâm rmal khân păng đah ăp ntil nau mhĭk ma yor khân păng hŏ ƀư nôk chalơi Gâp, nhhơr ndơ ƀâu kah ăn ma phung brah êng, jêh ri chon mon mbah lĕ ndô ndơ tă bơh ti khân păng ƀư.

Yêrêmi 11:12

Aƀaơ aơ, lĕ rngôch ƀon n'gor Yuđa jêh ri phung ƀon lan gŭ tâm ƀon Yêrusalem mra hăn kuăl dăn ma phung brah khân păng hôm nhhơr ndơ ƀâu kah, ƀiălah phung brah nây mâu mra dơi tâm rklaih khân păng tâm năng nau rêh ni ôh.

Yêrêmi 18:15

Ƀiălah phung ƀon lan Gâp hŏ chuêl jêh Gâp, Su ndơ ƀâu kah ăn ma phung brah, Jêng brah ƀư ăn ma khân păng chêh prah ta trong hăn, Tâm lĕ trong hăn bơh kăl e, Gay ma khân păng hăn tâm lĕ trong Mâu hŏ dơi ƀư ôh.

Yêrêmi 19:13

Ngih vâl ƀon Yêrusalem jêh ri lĕ rngôch ngih phung hađăch Yuđa, nây jêng lĕ rngôch ngih bu hŏ su jêh ndơ ƀâu kah yơk mbah ma lĕ mănh tâm trôk jêh ri hŏ ƀư ndơ nhhơr nhêt ăn ma lĕ brah êng ta klơ chor ngih, bu mra ƀư ƀơ̆ da dê tâm ban Tôphet.’”

Yêrêmi 44:21

“Di lĕ khân may jêh ri phung chô yau khân may, phung hađăch jêh ri phung kôranh khân ay may, ndrel phung ƀon lan tâm bri nây hŏ nhhơr jêh ndơ ƀâu kah tâm ăp ƀon toyh n'gor Yuđa jêh ri lĕ trong toyh ƀon Yêrusalem, Brah Yêhôva hŏ kah gĭt jêh ri hŏ prăp jêh tâm nau mĭn Păng nây lĕ?

Yêrêmi 44:25

Brah Yêhôva ma phung tahan, Brah Ndu Israel, lah: Nanê̆ ngăn, khân may jêh ri ur khân may mbung hŏ ngơi ti hŏ ƀư. Khân may lah: ‘Hên mra ƀư ngăn nau hên hŏ ton jêh, mra nhhơr ndơ ƀâu kah, jêh ri ƀư ndơ nhhơr nhêt ma hađăch bu ur tâm trôk.’ Pôri djôt nâp nau ton jêh ri ƀư nŭm hom nau khân may ton!

Yêrêmi 44:9

Di lĕ khân may hŏ chuêl jêh nau mhĭk phung chô yau khân may, nau mhĭk phung hađăch Yuđa, nau mhĭk phung ur hađăch, nau mhĭk khân may nơm jêh ri ur khân may hŏ ƀư tih jêh tâm n'gor bri Yuđa jêh ri tâm trong toyh ƀon Yêrusalem?

Yêrêmi 7:17

May mâu saơ hĕ moh khân păng ƀư tâm lĕ ƀon Yuđa jêh ri rŏ trong ƀon Yêrusalem?

Yêrêmi 7:18

Phung kon dônh long, mbơ̆ sŭnh ŭnh, mê̆ piăch rnih, gay ƀư ƀănh nhhơr ăn ma hađăch bu ur tâm trôk, hôm ƀư tay rƀŭn ndơ nhhơr nhêt sa ăn ma lĕ brah êng, gay nsônh nau ji nuih Gâp.”

Êsêkiêl 20:32

Khân may lah pô aơ: “Hên ŭch tâm ban ma lĕ ntil mpôl bunuyh, lĕ rngôch bri dak ta klơ neh, mbah ma brah tơm si jêh ri lŭ.” Ƀiălah nau khân may ŭch mĭn nây mâu mra geh tât ôh.’

Êsêkiêl 20:8

Ƀiălah khân păng ŭch tâm rdâng đah Gâp jêh ri mâu ŭch iăt Gâp ôh; ăp nơm mâu mƀăr ôh lĕ nau ƀơ̆ măt khân may jêh ri mâu chalơi phung rup brah bri Êjipt. Rnôk nây, Gâp lah pô aơ Gâp mra nkhŭt nau Gâp ji nuih ta klơ khân păng, nkhŭt lĕ nau ji nuih Gâp mra tâm rdâng ma khân păng ta nklang bri Êjipt.

Êsêkiêl 23:41

Ay gŭ ta klơ sưng bê̆ch ueh; panăp sưng nây geh du mlâm sưng sông jêh ri dơm ta klơ nây ndơ ƀâu kah jêh ri dak ngi ôlive Gâp.

Êsêkiêl 8:16

Jêh nây, Păng leo gâp lăp nkual nhuang ta trôm ngih Brah Yêhôva, ntŭk trong lăp ngih Brah Yêhôva, ta vah vang ndring jêh ri nơng ƀư brah. Gâp saơ geh tâm bar jât ma prăm nuyh, ndôn kơi mpeh ma ngih Brah Yêhôva, bi muh măt rle mpeh ma luh nar gŭ yơk mbah ma nar mpeh luh nar.

Habakuk 1:16

Yor nây, khân păng nhhơr mpa ƀư brah ma yŭ jal, Jêh ri su ndơ ƀâu kah ăn ma nhuăl; Yorlah ma yŭ jal khân păng geh ndơ sa lay rmŏng Jêh ri geh ndơ sông sa rmeh ler.

Nau Kơp Bunuyh 30:12

jêh ri tơlah sai păng hŏ tăng jêh nau nây jêh ri mâu ngơi ôh jêh ri mâu dun ôh ma păng, pôri lĕ nau ton jêh ri tâm ton păng ngơi jêh mra hôm e ôh.

Nau Kơp Bunuyh 30:2

Y-Môis lah ma phung kôranh chiă uănh ma phung ndŭl mpôl Israel pô aơ: “Aơ jêng nau Brah Yêhôva hŏ ntăm nti:

Markôs 6:26

Hađăch rngot ngăn; ƀiălah yor nau ton săk jêh ri yor phung bu jă râng nhêt sông sa, hađăch mâu ŭch dun ôh.

Nau Vay Nkah Tay 23:23

Moh nau khân may ton jêh ma bâr mbung khân may, ăn khân may mât mray jêh ri ƀư ro, yorlah tă bâr mbung khân may nơm hŏ sơm ton jêh ma Yêhôva Brah Ndu.

Philip 3:19

Nau nglĕ dŭt khân păng jêng nau rai roh. Khân păng sŏk ndŭl khân păng nơm jêng kôranh brah khân păng nơm, sŏk nau đit prêng jêng nau chrêk rmah, jêh ri knŏng mĭn ma lĕ nau kan tâm neh ntu.

I Pêtrôs 1:18

Yorlah khân may gĭt jêh mâu di ma lĕ ndơ blau rai yot nâm bu prăk mâu lah mah ôh khân may geh nau chuai bơh nau rêh dơm dam ntơm bơh phung chô yau khân may nơm nkoch tay,

Phung Kôranh Phat Dôih 11:36

Păng lah ma păng: “Hơi mbơ̆, tơlah may hŏ ngơi jêh nau ton sơm ma Brah Yêhôva, ƀư hom ma gâp di tĭng nâm nau may ton jêh, yorlah aƀaơ Brah Yêhôva mplơ̆ plơng jêh phung ƀon lan Ammôn, phung rlăng may.”