Yêrêmi 44:12 - Nau Brah Ndu Ngơi 2023

¹² Gâp mra sŏk lơi phung Yuđa hôm klen, jêng phung săch jêh ŭch hăn ta bri Êjipt, bu mra ƀư ngroh lơi khân păng ta nây; khân păng mra khĭt tâm bri Êjipt, mra khĭt ma tak đao mâu lah sa sât ji ngot. Ntơm bơh kon se jê̆ tât ma bunuyh toyh mra khĭt da dê yor tak đao mâu lah sa sât ji ngot. Khân păng jêng nau rak rtăp, jêng nau ma bu bêk prêng, jêng nau krit toyh, nau ƀơ̆ ƀơch jêh ri nau bu ƀư mhĭk.

Yêrêmi 44:12 Iomraidhean Croise

Êsai 1:28

Ƀiălah phung tâm rdâng jêh ri phung geh nau tih mra rai yot, Bi ma phung chalơi Brah Yêhôva mra rai lôch lĕ.

Êsai 65:15

Bu mra prăp amoh săk khân may Gay ma phung Gâp săch jêh ƀư nau rak rtăp; Kôranh Brah Yêhôva mra nkhĭt khân may, Ƀiălah Păng mra rnha phung oh mon Păng ma amoh êng.

Yêrêmi 16:4

“Khân păng mra khĭt yor nau ji tưp, mâu geh bunuyh nhĭm nhhiăng ăt mâu lĕ geh bunuyh tâp brôi. Khân păng mra jêng nâm bu buh ta klơ măt neh. Bu mra khĭt khân păng ma pêh đao jêh ri sa sât ji ngot. Săk jăn khĭt khân păng mra ƀư ndơ sa ăn ma phung sĭm klơ trôk jêh ri ma mpô mpa bri ta klơ neh.”

Yêrêmi 18:16

Bri dak khân păng jêng ntŭk rngot njăp, Ƀư nau gơm mưch mro mrăng ma neh ntu; Nơm sĭt nơm hăn hih rhâl da dê Knŏng hôm gĭt rteh bôk.

Yêrêmi 24:9

Gâp mra njêng ăn khân păng plơ̆ jêng nau nkrit, du nau mhĭk tât ma lĕ rngôch ƀon bri hađăch ta neh ntu; du nau prêng, du nau bu gơm mưch, du nau ngơi mhĭk, du nau bu rak rtăp tâm lĕ rngôch ntŭk Gâp mprơh khân păng tât.

Yêrêmi 26:6

pôri Gâp mra phat ma ngih aơ nâm bu hŏ phat jêh ma ƀon Silô, jêh ri ƀư ma ƀon aơ jêng du nau rak rtăp ta nklang lĕ rngôch bri dak ta neh ntu.’”

Yêrêmi 29:18

Gâp mra njuăl ma đao, nau sât ji ngot, jêh ri nau ji tưp tĭng khân păng. Gâp mra njêng khân păng du ntil ndơ nkrit ngăn ma lĕ rngôch ƀon bri hađăch ta neh ntu, du ntil ndơ bu rak rtăp, du ntil nau ntêh rmot, du ntil nau gơm mưch, du ntil nau bêk prêng ta nklang lĕ rngôch mpôl băl bunuyh Gâp hŏ mprơh jêh khân păng.”

Yêrêmi 29:22

Lĕ rngôch phung Yuđa bu nhŭp veng leo gŭ tâm bri Babilôn mra sŏk bar hê aơ ƀư nau ngơi rak rtăp: ‘Dăn Brah Yêhôva rmal may nâm bu Y-Sêdêkia jêh ri Y-Ahap, jêng bar bunuyh hađăch Babilôn hŏ gŭch tâm ŭnh!’

Yêrêmi 42:1

Rnôk nây, lĕ rngôch phung kôranh tahan jêh ri Y-Jôhanan kon bu klâu Y-Karêa, Y-Asaria kon bu klâu Y-Hôsaya, jêh ri lĕ rngôch phung ƀon lan, ntơm bơh kon se tât bunuyh toyh

Yêrêmi 42:22

Pônây, ăn gĭt nanê̆ ngăn pô aơ ma khân ay may mra khĭt ma đao, ma nau sa sât ji ngot, jêh ri ma nau ji tưp tâm ntŭk khân ay may ŭch hăn gŭ.”

Yêrêmi 43:11

Hađăch nây mra văch jêh ri tâm lơh đah bri Êjipt; Mbu nơm khĭt mra khĭt, Mbu nơm ƀư bu nă ƀư jêng bu ăn, Mbu nơm bu sreh ma đao jêng bu sreh ma đao!

Yêrêmi 44:22

Brah Yêhôva mâu hôm dơi srôih đŏng ôh lĕ nau mhĭk kan khân ay may ƀư jêh ri nau ƀơ̆ ƀơch khân ay may hŏ ƀư tih jêh, yor nây nar aơ bri dak khân ay may hŏ jêng nau bu rak rtăp jêh, jêng du ntŭk rngol, jêng ntŭk rngot klâng, mâu geh bunuyh gŭ ôh.

Ndrom Samƀŭt bơh Ôsê 4:6

Phung ƀon lan Gâp hŏ rai yot yor mâu geh nau gĭt rbăng; Yorlah may hŏ dun jêh nau gĭt rbăng, Yor ri Gâp ăt mâu ăn may ƀư kôranh nơm ƀư brah ma Gâp đŏng ôh; Yorlah may hŏ chuêl jêh nau vay Brah Ndu may, Yor ri Gâp mra chuêl kon sau may tâm ban lĕ.

Ndrom Samƀŭt bơh Ôsê 9:6

Nđâp tơlah khân păng klaih bơh nau ƀư rai, Êjipt mra rgum khân păng, Jêh ri Mêmphis mra tâp brôi khân păng. Pih pŭm mra nkŭm ta klơ lĕ ndơ khân păng ƀư ma prăk dŭt khlay, Pôm lok mra hon chăt tâm ngih bok khân păng.

Sakari 8:13

Hơi ngih Yuđa jêh ri Israel! Mâm jêng nau bu rak rtăp khân may tâm ăp bri dak, pôri Gâp mra tâm rklaih khân may, jêh ri ƀư ma khân may mra jêng du nau ueh uĭn tâm ban lĕ. Lơi klach ôh, ƀiălah ƀư hom ti khân may ăn jêng dăng!”

Nau Kơp Bunuyh 5:27

Tơlah kôranh ƀư brah lĕ ăn jêh bu ur nhêt dak tăng, tơlah bu ur nây ƀư ƀơ̆ jêh păng nơm jêh ri mâu gŭ răp jăp ôh đah sai păng, pôri dak tăng nau rak rtăp mra lăp tâm săk păng, ƀư ma păng geh nau rêh ni, rngot, ndŭl păng mra pŭk môr jêh ri glet nglu. Bu ur nây mra jêng nau rak rtăp ta nklang phung ƀon lan păng.