Yêrêmi 44:10 - Nau Brah Ndu Ngơi 2023

¹⁰ Kŏ tât ma nar aơ, khân păng ăt mâu mâp rmal nau tih, mâu klach yơk lĕ, mâu lĕ rêh tĭng nau vay jêh ri nau vay dăp Gâp hŏ njêng jêh tanăp khân may jêh ri phung chô yau khân ay may.’

Yêrêmi 44:10 Iomraidhean Croise

I Phung Hađăch 21:29

“May saơ lĕ nau Y-Ahap ƀư n'hôi săk păng nơm tanăp Gâp? Yorlah păng n'hôi săk păng nơm tanăp Gâp, pôri Gâp mâu mra ăn tât ôh nau mhĭk tâm rnôk păng. Ƀiălah tât ta tâm rnôk rô̆ kon păng, Gâp mra ăn tât nau mhĭk ma ngih păng.”

II Phung Hađăch 22:19

‘Tơlah may tăng nau Gâp lah tâm rdâng đah ntŭk aơ jêh ri tâm rdâng đah phung ƀon lan păng pô aơ, ntŭk aơ mra jêng rngol, phung ƀon lan bu rak rtăp, yorlah may geh nuih n'hâm rmal, trŭnh săk may nơm tanăp măt Brah Yêhôva, nkhêk ao may nơm jêh ri nhhiăng nhĭm tanăp măt Gâp. Yor ri, Gâp hŏ tăng jêh nau may mbơh sơm.

II Nau Rêh Jêng 32:26

Ƀiălah, Y-Hêsêkia jêh ri phung ƀon lan gŭ ta Yêrusalem ntrŭnh săk ma nau dêh rhêt, mâu hôm sưr, pôri nau Brah Yêhôva ji nuih mâu tât ôh rô̆ Y-Hêsêkia.

II Nau Rêh Jêng 33:12

Nôk păng gŭ tâm nau rêh ni, păng vah vơl dăn ma Yêhôva Brah Ndu, jêh ri ntrŭnh săk păng nơm tanăp Brah Ndu phung chô yau păng.

II Nau Rêh Jêng 33:19

Nau păng mbơh sơm jêh ri nau Brah Ndu dơn nau păng vơl, lĕ nau păng ƀư tih jêh ri lĕ nau păng mâu gŭ răp jăp ôh, lĕ ntŭk prêh păng hŏ ndâk, rup brah Asêrim jêh ri rup brah trah, êlor ma păng ntrŭnh săk păng nơm; lĕ rngôch bu nchih da dê tâm ndrom samƀŭt Y-Hôxai.

II Nau Rêh Jêng 34:27

‘Tơlah may tăng jêh nau Gâp lah tâm rdâng đah ntŭk aơ jêh ri phung ƀon lan gŭ tâm ntŭk aơ, pôri may geh nuih n'hâm rdơ̆ rbăn, ntrŭnh dêh rhêt tanăp măt Gâp, nkhêk ao jêh ri nhhiăng nhĭm tanăp măt Gâp, yor ri Gâp hŏ tăng jêh nau may; Brah Yêhôva lah kơt nây.

Nau Mprơ Ơm 34:18

Brah Yêhôva gŭ dăch đah phung bunuyh geh nuih n'hâm hŏt rgănh Jêh ri tâm rklaih phung geh nuih n'hâm rngot ma nau tih.

Nau Mprơ Ơm 51:17

Mpa ƀư brah ƀư maak nuih n'hâm Brah Ndu, nây jêng huêng rngot; Ơ Brah Ndu! May mâu tâm rmot ôh ma nuih n'hâm rêh ni rngot ma nau tih.

Nau Mprơ Ơm 78:10

Khân păng mâu djôt prăp ôh nau Brah Ndu tâm rnglăp, Dun đŏng tĭng nâm nau vay Păng.

Nau Ngluh Êjipt 10:3

Y-Môis jêh ri Y-Arôn hăn tât ta Pharaôn jêh ri lah: “Brah Yêhôva jêng Brah Ndu phung Hêbrơ lah: ‘Ndah nâm jŏ may mâu ŭch ntrŭnh may nơm tanăp măt Gâp? Ăn phung ƀon lan Gâp hăn, gay ma khân păng dơi pah kan ma Gâp.

Nau Ngluh Êjipt 9:17

Tơlah may hôm brơl nkrŭl, mâu ăn ôh phung ƀon lan Gâp hăn,

Nau Ngluh Êjipt 9:30

Ƀiălah gâp gĭt may jêh ri phung oh mon may ê hŏ klach yơk ma Yêhôva Brah Ndu.”

Nau Hôr 14:16

Bunuyh blau mĭn klach nau mhĭk jêh ri der ngai, Ƀiălah bunuyh rluk ƀư sưr jêh ri mâu ôh blau njrăng.

Nau Hôr 16:6

Ma nau ueh jêh ri ma nau nanê̆ ngăn nau tih dơi yô̆ an, Yor ma nau klach yơk ma Brah Yêhôva bu der bơh nau mhĭk.

Nau Hôr 28:14

Bunuyh klach yơk ma Kôranh Brah dơi geh nau ueh uĭn ƀaƀơ; Bi ma nơm dăng nuih n'hâm mra tŭp tâm nau rêh ni.

Nau Hôr 8:13

Nau klach yơk ma Brah Yêhôva jêng nau tâm rmot đah nau mhĭk; Gâp tâm rmot đah nau sưr n'hao êng nơm, Trong nau mhĭk jêh ri mbung ngơi kue.

Êsai 42:24

Mbu nơm jao jêh phung Yakôb tâm nau ntŭng ndô ndơ, Jêh ri jao phung Israel ma phung pit sŏk? Mâu di hĕ jêng Brah Yêhôva, jêng Nơm phung he hŏ ƀư nau tâm rdâng đah Păng? Yorlah mâu geh nơm ŭch hăn tĭng trong Păng, Mâu lĕ khân păng tông ma nau vay Păng.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Yêrêmi 10:7

Ơ Hađăch ma lĕ bri dak! Mbu moh mâu klach yơk May? May dơi khư ma nau yơk mbah. Yorlah ta nklang phung bunuyh blau mĭn tâm lĕ bri dak, Tâm lam ƀon bri hađăch khân păng, Mâu geh nơm dơi tâm rđĭl đah May.

Yêrêmi 26:4

Pô aơ may lah hom ma khân păng: Brah Yêhôva lah: ‘Tơlah khân may mâu ŭch iăt ôh nau Gâp, mâu rêh tĭng nau vay Gâp ndâk jêh tanăp khân may;

Yêrêmi 32:23

Khân păng hŏ lăp jêh ri dơn bri aơ ƀư drăp ndơn, ƀiălah khân păng mâu ŭch tông bâr May ôh, mâu rêh tĭng nau vay May, mâu ƀư tĭng ôh du ntil tâm lĕ rngôch nau May ntĭnh. Yor nây, May ăn tât jêh lĕ nau mhĭk aơ ma khân păng.

Yêrêmi 36:24

Hađăch nđâp ma phung tĭng ndô̆ păng hŏ tăng lĕ rngôch jêh nau nây, ƀiălah mâu du huê klach ôh mâu lah nkhêk bok ao khân păng nơm.

Yêrêmi 44:23

Yorlah khân ay may hŏ su ndơ ƀâu kah jêh ri ƀư tih jêh ma Brah Yêhôva, mâu tông ôh bâr Brah Yêhôva, jêh ri mâu gŭ rêh tĭng nau vay, jêh ri nau vay dăp jêh ri nau Păng nkah nti, yor ri nau mhĭk aơ hŏ tât jêh ma khân ay may nar aơ.”

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Yêrêmi 6:15

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,” Brah Yêhôva lah pônây.

Yêrêmi 8:12

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ nau bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,’” Brah Yêhôva lah pônây.

Êsêkiêl 9:4

jêh ri lah: “Hăn hom rgăn lam ƀon, jêng ƀon Yêrusalem, jêh ri nchih nau mbên ta ndăr kleng phung bunuyh vơl nter, nhĭm nhhiăng ma lĕ rngôch nau mhĭk hŏ ƀư tih jêh nklang ƀon aơ.”

Malachi 4:2

Ƀiălah ma khân may jêng phung klach yơk ma amoh Gâp, pôri nar nau sŏng srăng mra luh mpơl ma khân may, tâm nting năr păng geh nau ƀư bah nau ji. Khân may mra du luh jêh ri nsăt ta lô̆ nâm bu ndrôk rah luh tă bơh ndrung.

Mathay 27:54

Nôk kôranh tahan jêh ri phung tahan chiă Brah Yêsu, saơ n'găr neh ntu ndrel ma lĕ nau tât geh jêh, khân păng klach krit dŭt hâu ngăn jêh ri lah: “Nanê̆, Bunuyh aơ jêng Kon Brah Ndu.”

Luka 23:40

Ƀiălah du huê ri buay păng: “May dơn nau tâm rmal tâm ban, hôm mâu klach ma Brah Ndu lĕ ƀơh?

Samƀŭt Pôl Njuăl Ăn Ma Phung Nsing Ta Ƀon Rôm 11:20

Di ngăn. Bu koh lơi jêh lĕ n'gĭng nây, yorlah nuih n'hâm khân păng mâu chroh, bi may knŏng dâk nâp yor nau chroh. Lơi sưr rlau, ƀiălah klach hom.

I Pêtrôs 5:6

Pôri, ntrŭnh hom păng nơm tâm dâng ti nau brah Brah Ndu, gay tât mông tâm di păng mra n'hao khân may klơ.

Nau Tâm Mpơl 15:4

Ơ Kôranh Brah, mbu nơm mâu mra klach yơk Kôranh Brah, Jêh ri mâu tâm rnê amoh may? Yorlah knŏng êng Kôranh Brah jêng kloh ueh. Lĕ rngôch mpôl băl mra văch Yơk mbah tanăp Kôranh Brah, Yorlah lĕ nau sŏng srăng May tâm mpơl jêh.”