Yêrêmi 43:7 - Nau Brah Ndu Ngơi 2023

⁷ Pônây khân păng hăn lăp ma bri Êjipt yorlah mâu tông ôh nau Brah Yêhôva. Jêh ri khân păng hăn tât ta Tahpanhes.

Yêrêmi 43:7 Iomraidhean Croise

II Phung Hađăch 25:26

Lĕ rngôch phung kon se nđâp ma phung toyh, jêh ri phung kôranh tahan dâk hăn rlet ma Êjipt yorlah khân păng klach ma phung Kaldê plơng bôk.

II Nau Rêh Jêng 25:16

Tâm nôk nơm mbơh lor dôl ngơi; hađăch lah ma păng: “Hên mâp dăp may jêng nơm kơl nchră ma hađăch? Găp hôm, gŭ klăk hom! May ŭch khĭt lĕ?” Nơm mbơh lor gŭ klăk, ƀiălah jêh nây păng lah tay: “Gâp gĭt Brah Yêhôva tâm nal ƀư rai may, yorlah may hŏ ƀư jêh nau aơ jêh ri mâu ŭch iăt ôh nau gâp nkah.”

Êsai 30:2

Khân păng mâu ôp nau mĭn Gâp ôh Ƀiălah lŏ hăn trŭnh ta bri Êjipt, Gay joi ntŭk krap tâm nau n'gang bơh Pharaôn, Jêh ri nde tâm gui Êjipt!

Êsai 30:4

Nđâp tơlah phung kôranh păng hŏ gŭ jêh ta ƀon Sôan, Jêh ri phung mbơh hŏ tât ta ƀon Hanês;

Yêrêmi 2:16

Rlau ma nĕ phung ƀon lan Nôp jêh ri Tahpanhes Ăt poih hil bôk may.

Yêrêmi 41:17

Khân păng dâk hăn jêh ri veh nsrŭng ta ntŭk Ghêrut Chimham, êp ƀon Ƀêtlêhem, mĭn ŭch hăn ma n'gor bri Êjipt,

Yêrêmi 42:21

Nar aơ, gâp mbơh jêh nau nây ma khân ay may, ƀiălah khân ay may mâu tông ôh bâr Yêhôva Brah Ndu hŏ mprơh jêh gâp hăn mbơh tay ma khân ay may.

Yêrêmi 44:1

Geh nau lah ma Y-Yêrêmi ma lĕ rngôch phung Yuđa gŭ tâm n'gor bri Êjipt, ta ƀon Mikdôl, ƀon Tahpanhes, ta ƀon Nôp, jêh ri tâm bri Pathrôs.

Yêrêmi 44:24

Y-Yêrêmi lah đŏng ma lĕ rngôch phung ƀon lan jêh ri ma lĕ rngôch phung bu ur: “Ơ lĕ rngôch phung Yuđa dôl gŭ tâm n'gor bri Êjipt, iăt hom nau Brah Yêhôva!

Yêrêmi 46:14

“Mbơh hom tâm bri Êjipt, tâm mpơl tâm ƀon Mikdôl, Tâm mpơl tâm ƀon Nôp jêh ri ƀon Tahpanhes pô aơ: ‘Lăp hom ta ntŭk, hŏ ndrăp nkra nŭm jêh, Yorlah đao hŏ văr jêh jŭm khân ay may.’

Êsêkiêl 30:18

Ta ƀon Tahpanhes nôk nar mra ngo klĕng, Tơlah Gâp nkê̆ch pă lĕ mâng mbăk phung Êjipt ta nây, Jêh ri nau dăng ktang bêng ma nau sưr rlau păng mra lôch dŭt. Păng mra geh du ndâr tŭk nkŭm ndâp, Phung kon bu ur păng mra hăn jêng bu nă.