Yêrêmi 43:6 - Nau Brah Ndu Ngơi 2023

⁶ nây jêng bu klâu, phung bu ur, phung kon se, ndrel ma phung kon bu ur hađăch, jêh ri lĕ rngôch phung bunuyh Y-Nêbusaradan, kôranh tahan gak, hŏ lơi jêh ma Y-Gêdalia, kon bu klâu Y-Ahikam, sau Y-Saphan, jêh ri nđâp ma lĕ rngôch nơm mbơh lor Y-Yêrêmi jêh ri Y-Baruk, kon bu klâu Y-Nêria.

Yêrêmi 43:6 Iomraidhean Croise

Yêrêmi 38:22

‘Aơ, lĕ rngôch phung bu ur hôm tâm ngih hađăch Yuđa bu mra veng leo ăn ma phung kôranh hađăch Babilôn; khân păng mra lah ma hađăch pô aơ: Phung mĭt jiăng may nsing Hŏ ndơm jêh may jêh ri dơi lơn đah may; Aƀaơ, lah jâng may hŏ rhuh jru jêh tâm bŏk, Pôri khân păng der ngai đah may.’

Yêrêmi 39:10

Bi phung ƀon lan o ach, mâu geh ôh drăp ndơn, pôri kôranh tahan gak Y-Nêbusaradan ăn khân păng gŭ tâm bri Yuđa, ndrel ƀơk ăn ma khân păng đang krăk ƀâu jêh ri mir.

Yêrêmi 40:11

Tâm ban pônây, lĕ rngôch phung Yuđa dôl gŭ tâm bri Môap jêh ri ta nklang phung kon sau Ammôn, tâm ntŭk bri Êđôm jêh ri tâm bri êng tăng hađăch Babilôn hŏ om du phung hôm gŭ tay tâm n'gor bri Yuđa, jêh ri hŏ ndâk jêh Y-Gêdalia, kon bu klâu Y-Ahikam, sau Y-Saphan, jêng kôranh mât uănh,

Yêrêmi 40:7

Lah phung kôranh tahan jêh ri phung tahan hôm gŭ tâm ƀon jê̆ nơm tăng nau hađăch Babilôn hŏ ndâk Gêdalia, kon bu klâu Y-Ahikam, ƀư kôranh mât uănh tâm n'gor, jêh ri jao ma păng chiă uănh phung bu klâu, bu ur, kon se, jêng phung ndĭt trơi tâm n'gor, bu mâu veng leo ôh ƀư bu nă rlet ma bri Babilôn,

Yêrêmi 41:10

Jêh nây Y-Ismaêl nhŭp ƀư bu nă lĕ rngôch phung bunuyh ƀon lan hôm klen tâm ƀon Mispa, nây jêng phung kon bu ur hađăch jêh ri lĕ rngôch ƀon lan bu om gŭ ta ƀon Mispa, Y-Nêbusaradan kôranh toyh phung tahan gak hŏ jao jêh ăn ma Y-Gêdalia, kon bu klâu Y-Ahikam. Y-Ismaêl, kon bu klâu Y-Nêthania, nhŭp jêh ri ƀư khân păng nây jêng bu nă, jêh nây hăn rgăn ntŭk phung ƀon lan Ammôn.

Yêrêmi 43:3

Ƀiălah Y-Baruk nơm yơh, kon bu klâu Y-Nêria, nsŭk may tâm rdâng đah hên, ŭch jao hên tâm ti phung Kaldê, gay ma khân păng nkhĭt hên mâu lah njŭn leo hên jêng bu nă tâm bri Babilôn.”

Yêrêmi 45:1

Aơ jêng nau nơm mbơh lor Y-Yêrêmi ngơi ma Y-Baruk, kon bu klâu Y-Nêria, dôl păng nchih tâm du ndrom samƀŭt lĕ nau tă bơh Y-Yêrêmi răk ăn ma păng, tâm năm tal puăn rơh Y-Jêhôjakim, kon bu klâu Y-Jôsia hađăch Yuđa:

Yêrêmi 52:10

Hađăch Babilôn nkhĭt phung kon bu klâu Y-Sêdêkia tanăp măt păng; hađăch đă nkhĭt đŏng lĕ rngôch phung kôranh Yuđa ta ƀon Ribla.

Nau Nhĭm Vơl 3:1

Gâp jêng bunuyh lĕ prot găn nau rêh ni, Tâm dâng mâng jra nau Păng ji nuih.

Yôhan 21:18

Nanê̆, Gâp lah ngăn ma may, dôl hôm ndăm, may rêt êng rse bŭt may nơm, may hăn mbah ntŭk may ŭch hăn; ƀiălah tât ranh jêh, may mra yơr ti, gay ma bu êng rêt rse bŭt jêh ri njŭn leo may ta ntŭk may mâu ŭch hăn ôh.”