Yêrêmi 43:5 - Nau Brah Ndu Ngơi 2023

⁵ Ƀiălah, Y-Jôhanan, kon bu klâu Y-Karêa, jêh ri lĕ rngôch phung kôranh tahan leo lĕ rngôch phung Yuđa hôm e klen dôl gŭ tâm bri Yuđa hăn ma bri Êjipt; nây jêng phung bu nă plơ̆ sĭt tay tă bơh lĕ rngôch bri dak bu hŏ mprơh jêh khân păng,

Yêrêmi 43:5 Iomraidhean Croise

II Phung Hađăch 25:22

Bi ma phung ƀon lan Y-Nêbukatnetsar lĕ ăn gŭ tâm n'gor Yuđa, pôri hađăch Babilôn dơm Y-Gêdalia, kon bu klâu Y-Ahikam, sau Y-Saphan, jêng kôranh chiă uănh khân păng.

Yêrêmi 40:10

Bi gâp be, gâp mra gŭ ta ƀon Mispa gay tâm tang ma khân may vơt rom phung Kaldê dăch tât ta aơ jêh. Bi khân may, bun prăp hom ndrănh krăk ƀâu, kao play si yan vai, jêh ri dak ngi ôlive jêh nây prăp tâm lĕ yăng. Gŭ rêh hom tâm ƀon khân may hŏ pit in jêh.”

Yêrêmi 41:10

Jêh nây Y-Ismaêl nhŭp ƀư bu nă lĕ rngôch phung bunuyh ƀon lan hôm klen tâm ƀon Mispa, nây jêng phung kon bu ur hađăch jêh ri lĕ rngôch ƀon lan bu om gŭ ta ƀon Mispa, Y-Nêbusaradan kôranh toyh phung tahan gak hŏ jao jêh ăn ma Y-Gêdalia, kon bu klâu Y-Ahikam. Y-Ismaêl, kon bu klâu Y-Nêthania, nhŭp jêh ri ƀư khân păng nây jêng bu nă, jêh nây hăn rgăn ntŭk phung ƀon lan Ammôn.

Yêrêmi 41:17

Khân păng dâk hăn jêh ri veh nsrŭng ta ntŭk Ghêrut Chimham, êp ƀon Ƀêtlêhem, mĭn ŭch hăn ma n'gor bri Êjipt,

I Samuel 26:19

Aƀaơ, dăn hađăch gŭ iăt hom nau ngơi oh mon may. Tơlah Brah Yêhôva nsŭk nsôr may ƀư mhĭk ma gâp, dăn Păng sŏk dơn ndơ ƀư brah. Ƀiălah tơlah kon bunuyh, ăn păng dơn nau rak rtăp tanăp măt Brah Yêhôva; yorlah nar aơ khân păng hŏ mprơh gâp luh tă bơh ntŭk prăp ma gâp tâm drăp ndơn bơh Brah Yêhôva, jêh ri khân păng lah pô aơ: ‘Hăn hom mbah ma lĕ brah êng.’