Yêrêmi 43:12 - Nau Brah Ndu Ngơi 2023

¹² Gâp mra klŭp su ma ŭnh lĕ jây rhŏ brah phung brah n'gor bri Êjipt; Y-Nêbukatnetsar mra su ma ŭnh jêh ri njŭn leo phung brah khân păng. Hađăch nây djôt ntŭng lĕ bri Êjipt nâm bu rmăk biăp nhŭp lĕ si tâm bok ao păng, jêh nây du hăn ma nau đăp mpăn.

Yêrêmi 43:12 Iomraidhean Croise

II Samuel 5:21

Phung tahan Philistin chalơi lĕ rup brah khân păng ta nây, Y-Đavit jêh ri phung tĭng ndô̆ păng sŏk djôt leo ndơ nây.

Êsther 6:9

Ao hađăch jêh ri seh jao hom tâm ti kôranh toyh hađăch gay nsoh ma nơm hađăch ŭch yơk, jêh nây njŭn leo nơm nây ncho seh nsong jŭm nkual toyh tâm ƀon jêh ri mbơh pô aơ: ‘Bu mra ƀư tâm ban pônây ma bunuyh hađăch ŭch yơk.’”

Ndrom Samƀŭt bơh Yôp 40:10

“Uănh hom Bêhêmot Gâp hŏ rhăk njêng nâm bu rhăk njêng may; Păng sa gơ̆ nâm bu ndrôk.

Nau Mprơ Ơm 104:2

Păng nkŭm păng nơm ma nau ang nâm bu du blah ao, Ling lĕ ndâr trôk nâm bu ngih bok.

Nau Mprơ Ơm 132:16

Gâp mra sâm nsoh ma phung kôranh ƀư brah ƀon nây nau tâm rklaih, Jêh ri phung klach yơk păng mra nter hâk răm.

Nau Mprơ Ơm 132:18

Gâp mra sâm nsoh nau bêk ma phung rlăng păng; Ƀiălah đon hađăch ta klơ bôk may mra chrêk rmah.”

Nau Ngluh Êjipt 12:12

Tâm măng nây, Gâp mra hăn lam n'gor Êjipt, ƀư nđêh nji lĕ rngôch kon bôk rah tâm n'gor Êjipt, nđâp bunuyh jêh ri mpô mpa. Gâp mra phat dôih lĕ rngôch brah n'gor Êjipt yorlah Gâp jêng Brah Yêhôva.

Êsai 19:1

Nau mbơh lor ma Êjipt: “Aơ, Brah Yêhôva ncho ta klơ ndâr tŭk, Ngăch tât ta Êjipt. Phung rup brah bri Êjipt râm sâr da dê tanăp Păng, Nuih n'hâm phung Êjipt klach krit.

Êsai 21:9

Aơ, geh phung tahan ncho seh Hăn văch bar bar!” Jêh nây nơm gak lah: “Babilôn hŏ rlâm tŭp, rlâm tŭp jêh! Lĕ rngôch rup brah păng Lĕ nchah hăch ta neh!”

Êsai 46:1

Brah Bel cha lôt, brah Nêbô prah sơmok, Rup brah khân păng bu rdeng ta klơ ndŭr kơi mpa bri jêh ri mpô mpa rong. Phung rup khân may vay tung Jêng du ndơ jâk, ƀư rgănh mpô mpa.

Êsai 46:2

Khân păng prah sơmok jêh ri cha lôt, Mâu dơi tâm rklaih ndơ jâk ta klơ ndŭr kơi, Jêh ri khân păng nơm hăn du jêng bu nă.

Êsai 49:18

N'gơr hom măt may uănh văr jŭm; Lĕ rngôch khân păng tâm rƀŭn ndrel văch ma may!” Brah Yêhôva lah: “Tĭng nâm Gâp gŭ rêh mro mrăng, May mra văn lĕ rngôch khân păng tâm ban ma ndơ nkrơ̆, Jêh ri may djôt khân păng tâm ban ma nse vân bŭt bu ur nđăp ma sai!

Êsai 52:1

Ơ ƀon Siôn, kah rngăl hom, Kah rngăl hom, nsoh hom nau ktang may! Ơ Yêrusalem, ƀon kloh ueh, Nsoh hom bok ao ueh may! Yorlah phung mâu koh ntâu jêh ri phung ƀơ̆ ƀơch Mâu mra hôm lăp tâm may ôh.

Êsai 59:17

Păng nsoh ao loih ma nau sŏng srăng, Ndô đon nau tâm rklaih ta bôk; Nsoh ao ma nau plơng bôk, Mbăk ta klơ păng nơm ao rjai nuih n'hâm duh nđơr.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Êsai 61:5

Phung bu năch mra sâm chiăp biăp be khân may, Phung bu năch mra ƀư lŏ jêh ri tăm đang krăk ƀâu ma khân may.

Yêrêmi 10:11

Lah hom ma khân păng pô aơ phung brah aơ mâu njêng ôh trôk jêh ri neh ntu. Khân păng mra ƀư rai tă bơh măt neh jêh ri bơh trôk.

Yêrêmi 10:15

Khân păng jêng dơm dam ngăn, du ntil ndơ pâl; Tât nar tâm rmal khân păng mra khân păng mra rai yot.

Yêrêmi 25:19

Pharaôn, hađăch Êjipt, phung oh mon păng, phung kôranh jêh ri lĕ rngôch phung ƀon lan Êjipt;

Yêrêmi 43:13

Hađăch nây mra mbang nchah lơi lĕ n'gâng ƀư brah ta Bet-Sêmes, tâm bri Êjipt, jêh ri mra su ma ŭnh lĕ jây rhŏ brah ma lĕ brah n'gor bri Êjipt.’”

Yêrêmi 46:25

Brah Yêhôva ma phung tahan, Brah Ndu Israel, lah: “Aơ, Gâp mra tâm rmal ma phung Amôn, jêng brah ta ƀon Thêbes, Pharaôn jêh ri bri Êjipt, ndrel phung brah jêh ri phung hađăch păng: nây jêng hađăch Pharaôn nđâp ma phung rnơm nsing ma păng.

Yêrêmi 48:7

Yorlah may rnơm ma kan jêh ri jay ndơ khlay may nơm, Yor nây bu mra pit in may; Brah Chêmôs mra jêng bu nă Ndrel ma phung kôranh ƀư brah jêh ri phung kôranh păng.

Yêrêmi 49:27

“Gâp mra su ŭnh ta mpêr ƀon Damas, Ŭnh mra sa ngih phung hađăch Y-Ben-Hadat.”

Yêrêmi 50:2

“Mbơh hom jêh ri tâm mpơl ăn ma lĕ rngôch bri dak, Ăn yơr hom kơ jêh ri tâm mpơl, Lơi ta pôn mo ôh; lah hom: ‘Babilôn lĕ bu ƀư rai jêh, Brah Bel prêng jêh, Brah Mêrôdak klach krit ngăn, Bu ƀư prêng rup trah păng, Rup brah păng bu ƀư rlâm rai jêh!’

Yêrêmi 51:44

Gâp mra tâm rmal brah Bel tâm bri Babilôn, Sŏk ntơt moh ndơ păng hŏ rvăn jêh luh bơh trôm mbung păng. Phung mpôl băl bunuyh mâu mra hăn sĭt ta nây đŏng ôh. Mpêr ƀon Babilôn lĕ rlâm jêh.

Êsêkiêl 29:11

Mâu mra geh mpang jâng bunuyh hăn rgăn ta nây, mâu lĕ geh mpô mpa hăn rgăn đŏng ôh. Păng mâu mra geh bunuyh gŭ ta nây tâm puăn jât năm.

Êsêkiêl 29:19

Yor nây, Kôranh Brah Yêhôva lah pô aơ: ‘Gâp mra jao n'gor bri Êjipt ăn ma Nêbukatnetsar, hađăch Babilôn; hađăch nây mra veng leo phung ƀon lan, pit in jêh ri djôt lĕ drăp ndơ nâm bu prăk nkhôm ăn ma phung tahan hađăch.

Êsêkiêl 30:13

Brah Yêhôva lah: ‘Gâp mra ƀư rai lơi lĕ rup brah. Jêh ri nchah lơi lĕ brah bơh ƀon Nôp. Tâm n'gor bri Êjipt mâu mra hôm geh hađăch đŏng ôh, Jêh ri Gâp mra srih nau klach tâm n'gor bri Êjipt.

Daniel 11:8

Păng mra njŭn sĭt ta n'gor Êjipt ma lĕ brah khân păng, tă bơh lĕ rup trah jêh ri nđâp ma lĕ ndơ dŏng ƀư ma mah ƀư ma prăk. Păng rlu nau tâm lơh, tâm bar pe năm păng mâu tâm lơh ôh đah hađăch mpeh pa lơ.

Sôphôni 2:11

Ma đah khân păng, Brah Yêhôva ma nau krit klach dŭt n'hâm, Yorlah Păng mra ƀư rai lĕ rngôch phung brah ta neh ntu, Jêh ri ăp nơm mra yơk mbah ma Păng tâm ntŭk păng nơm, Lĕ rngôch gôl dak mƀŭt ma lĕ bri dak tâm ban pônây lĕ.

Samƀŭt Pôl Njuăl Ăn Ma Phung Nsing Ta Ƀon Rôm 13:12

Măng dăch lĕ, nar dăch ang, pôri he doh mƀăr lơi hom lĕ kan nau ngo, jêh ri nsoh ao tâm lơh bơh ang chrat.

Êphêsô 4:24

jêh ri nsoh bunuyh mhe, jêng bunuyh dơi rhăk njêng jêh tĭng rup Brah Ndu tâm nau ngăn sŏng srăng jêh ri nau kloh ueh.

Êphêsô 6:11

Ndrăp hom lĕ rngôch ndơ tâm lơh tă bơh Brah Ndu gay ma khân may dơi nâp tâm rdâng đah lĕ nau nchră phung brah mhĭk.

Kôlôh 3:12

Khân may jêng phung bunuyh Brah Ndu săch, jêng phung kloh ueh jêh ri phung Brah Ndu rŏng ngăn ngên. Pôri, nsoh hom nuih n'hâm yô̆ nđach, nuih n'hâm ueh, nau dêh rhêt, nau rdơ̆ rbăn, nau srôih.

Kôlôh 3:14

Ƀiălah rlau lơn ma nau nây, nsoh hom nau rŏng, yorlah păng jêng rse nau tâm rnglăp tâm nau dŭt ueh ngăn.