Yêrêmi 43:11 - Nau Brah Ndu Ngơi 2023

¹¹ Hađăch nây mra văch jêh ri tâm lơh đah bri Êjipt; Mbu nơm khĭt mra khĭt, Mbu nơm ƀư bu nă ƀư jêng bu ăn, Mbu nơm bu sreh ma đao jêng bu sreh ma đao!

Yêrêmi 43:11 Iomraidhean Croise

Ndrom Samƀŭt bơh Yôp 20:29

Nây jêng kô̆ Brah Ndu prăp ma bunuyh ƀai, Jêng drăp ndơn Brah Ndu tâm nal ma păng.”

Yêrêmi 15:2

Dôl khân păng ôp ma may: ‘Ntŭk hên mra hăn?’ pôri lah hom ma khân păng pô aơ Brah Yêhôva lah kơt aơ: ‘Mbu geh thăm ăn ma nau ji tưp, mra dơn nau ji tưp; Mbu geh thăm ma pêh đao, mra dơn pêh đao; Mbu geh thăm ma sa sât ji ngot, mra dơn sa sât ji ngot; Mbu geh thăm ăn jêng bu nă, mra dơn jêng bu nă.’ ”

Yêrêmi 25:15

Yêhôva Brah Ndu phung Israel hŏ lah ma gâp pô aơ: “May sŏk hom kachok ndrănh nau ji nuih aơ bơh ti Gâp, jêh ri ăn lĕ rngôch bri dak Gâp prơh may hăn nhêt kachok nây.

Yêrêmi 25:19

Pharaôn, hađăch Êjipt, phung oh mon păng, phung kôranh jêh ri lĕ rngôch phung ƀon lan Êjipt;

Yêrêmi 42:22

Pônây, ăn gĭt nanê̆ ngăn pô aơ ma khân ay may mra khĭt ma đao, ma nau sa sât ji ngot, jêh ri ma nau ji tưp tâm ntŭk khân ay may ŭch hăn gŭ.”

Yêrêmi 44:12

Gâp mra sŏk lơi phung Yuđa hôm klen, jêng phung săch jêh ŭch hăn ta bri Êjipt, bu mra ƀư ngroh lơi khân păng ta nây; khân păng mra khĭt tâm bri Êjipt, mra khĭt ma tak đao mâu lah sa sât ji ngot. Ntơm bơh kon se jê̆ tât ma bunuyh toyh mra khĭt da dê yor tak đao mâu lah sa sât ji ngot. Khân păng jêng nau rak rtăp, jêng nau ma bu bêk prêng, jêng nau krit toyh, nau ƀơ̆ ƀơch jêh ri nau bu ƀư mhĭk.

Yêrêmi 44:13

Gâp mra tâm rmal phung gŭ tâm bri Êjipt, nâm bu hŏ tâm rmal jêh ma ƀon Yêrusalem ma pêh đao, nau sa sât ji ngot, jêh ri nau ji tưp.

Êsêkiêl 29:11

Mâu mra geh mpang jâng bunuyh hăn rgăn ta nây, mâu lĕ geh mpô mpa hăn rgăn đŏng ôh. Păng mâu mra geh bunuyh gŭ ta nây tâm puăn jât năm.

Êsêkiêl 5:12

Du kô̆ tâm pe tâm phung ƀon lan may mra khĭt ma nau ji tưp, mra djoh jêh ma nau ât ji ngot ta nklang may; du kô̆ tâm pe mra khĭt ma đao gŭ jŭm may; bi du kô̆ tâm pe đŏng Gâp mra ƀư nchah rai pru pra tĭng ăp mpeh sial jêh ri Gâp tŏk đao hăn tĭng khân păng.

Sakari 11:9

Nôk nây, Gâp lah: “Gâp mâu hôm chiăp phung biăp đŏng ôh. Moh biăp khĭt, ăn păng khĭt; moh biăp roh, ăn păng roh; bi ma phung biăp hôm e tâm kăp tâm sa ndrăng khân păng.”

Nau Tâm Mpơl 13:10

Tơlah mbu nơm bu njŭn leo jêng bu nă, Păng mra jêng bu nă. Tơlah mbu nơm bu nkhĭt ma đao gưm, Bu mra nkhĭt păng ma đao gưm. Aơ jêng nau srôih jêh ri nau chroh phung kloh ueh.