Yêrêmi 43:10 - Nau Brah Ndu Ngơi 2023

¹⁰ Jêh nây may lah ma khân păng: Brah Yêhôva ma phung tahan, Brah Ndu Israel, lah: ‘Aơ, Gâp mra prơh hăn kuăl oh mon Gâp jêng Y-Nêbukatnetsar, hađăch Babilôn, jêh ri Gâp mra ndâk sưng hađăch păng ta klơ lŭ toyh Gâp mhe pôn aơ; păng mra ling bok nchăng ăn gui n'hâm ta klơ.

Yêrêmi 43:10 Iomraidhean Croise

I Phung Hađăch 20:12

Y-Ben-Hadat dôl gŭ nhêt ndrănh ndrel ma phung hađăch tâm ngih bok, mhe tăng lĕ nau nĕ, ntăm ro ma phung tahan păng nơm: “Nkrĭp dăp tahan!” Khân may nkrĭp dăp tahan ro gay rduh lơh ƀon nây.

I Phung Hađăch 20:16

Nklang bôk nar, nôk nây Y-Ben-Hadat gŭ nhêt ndrănh jêh ri nhŭl tâm trôm ndưp rmlak păng nơm ndrel ma pe jât ma bar phung hađăch mpeh băl păng, phung Israel leo phung tahan hăn luh.

Nau Mprơ Ơm 18:11

Păng sŏk nau ngo ƀư bok nching nkŭm, Sŏk ndâr tŭk krăk mbâl dak ƀư king gŭ jŭm.

Nau Mprơ Ơm 27:5

Yorlah tâm nar rêh ni, Păng mra king n'gang tâm ngih bok Păng, Pôn gâp ntŭk ndâp tâm ngih bok Păng, Jêh ri Păng mra dơm gâp ta klơ du mlâm lŭ toyh.

Nau Mprơ Ơm 31:20

May pôn khân păng tâm ntŭk ndâp tanăp măt May Gŭ ngai đah nau kon bunuyh ŭch ƀư; May king n'gang khân păng tâm ngih bok Gŭ ngai đah mbung mpiăt tâm djrel.

Êsai 44:28

Păng jêng Nơm hŏ lah pô aơ: ‘Sirus jêng rmăk biăp Gâp, Păng mra ƀư lĕ nau Gâp ŭch;’ Jêng nơm lah ma ƀon Yêrusalem pô aơ: ‘Păng mra ndâk tay,’ Jêh ri ma ngih brah pô aơ: ‘Păng mra n'gân tay mbon.’ ”

Êsai 45:1

Brah Yêhôva lah ma Y-Sirus, nơm Păng tŏ jêh dak ƀâu kah, tâm ban pônây: Gâp hŏ kuăn jêh ti ma may, Gay ma may tŭn mpet lĕ bri dak tanăp măt may; Gâp mra doh lơi rse bŭt phung hađăch, Pơk lĕ mpông bloh ƀon toyh tanăp may, Jêh ri pơk lĕ mpông pêr mâu ntĭl ndâp đŏng.

Yêrêmi 1:15

Pôri, Gâp mra kuăl rgum lĕ rngôch băl mpôl bunuyh lĕ bri dak mpeh pa lơ — Brah Yêhôva lah pônây — khân păng mra tât jêh ri lĕ rngôch n'gân da dê sưng hađăch păng ta ntŭk trong lăp lĕ mpông ƀon Yêrusalem, nchueng jŭm pôih nâp păng tâm ban lĕ rngôch ƀon Yuđa.

Yêrêmi 43:9

“Tanăp măt phung Yuđa, ăn may sŏk lĕ lŭ toyh jêh ri pôn lŭ nây tâm ndơ tâm krêp tâm dâng pĭt trong, klơ ntŭk lăp ngih hađăch Pharaôn tâm ƀon Tahpanhes.

Yêrêmi 46:13

Aơ jêng nau Brah Yêhôva lah ma nơm mbơh lor Y-Yêrêmi ma nau Y-Nêbukatnetsar, hađăch bri Babilôn, ŭch hăn tâm lơh đah bri Êjipt:

Yêrêmi 49:38

Brah Yêhôva lah: “Gâp mra ndâk sưng hađăch Gâp tâm bri Êlam, mra ƀư rai hađăch jêh ri phung kôranh khân păng.

Êsêkiêl 5:12

Du kô̆ tâm pe tâm phung ƀon lan may mra khĭt ma nau ji tưp, mra djoh jêh ma nau ât ji ngot ta nklang may; du kô̆ tâm pe mra khĭt ma đao gŭ jŭm may; bi du kô̆ tâm pe đŏng Gâp mra ƀư nchah rai pru pra tĭng ăp mpeh sial jêh ri Gâp tŏk đao hăn tĭng khân păng.

Daniel 2:21

Păng nơm yơh tâm rgâl mông nar jêh ri yan, N'glưh jêh ri njêng phung hađăch; Păng ăn nau blau mĭn ma bunuyh blau mĭn Jêh ri nau gĭt rbăng ma bunuyh gĭt rbăng.

Mathay 22:7

Hađăch hao ji nuih, đă phung tahan ƀư rai phung nkhĭt bunuyh nây jêh ri su ƀon khân păng.