Yêrêmi 42:17 - Nau Brah Ndu Ngơi 2023

¹⁷ Yor nây, phung bunuyh săch hăn rlet ma bri Êjipt mra khĭt ma đao, nau sa sât ji ngot, jêh ri nau ji tưp. Mâu geh ôh du huê nơm tâm khân păng hôm e rêh; mâu geh du huê klaih bơh nau mhĭk Gâp mra nkhŭt ma khân păng.’

Yêrêmi 42:17 Iomraidhean Croise

Yêrêmi 24:10

Gâp mra đă đao, nau sât ji ngot, nau ji tưp tât ta nklang khân păng, kŏ tât bu mra ƀư rai lĕ bơh neh Gâp hŏ ăn jêh ma khân păng jêh ri ma phung chô yau khân păng.’”

Yêrêmi 38:2

“Brah Yêhôva lah: ‘Mbu nơm hôm gŭ tâm ƀon aơ mra khĭt ma tak đao, ma nau sa sât ji ngot, mâu lah ma nau ji tưp; ƀiălah mbu nơm luh jao săk păng nơm ma phung Kaldê mra dơi rêh; khân păng mra dơi rklaih nau rêh nâm bu geh drăp ndơ jêh ri mra rêh.’

Yêrêmi 42:15

pôri, ơ phung Yuđa hôm e klen nây, iăt hom nau Brah Yêhôva! Brah Yêhôva ma phung tahan, Brah Ndu Israel lah: ‘Lah khân ay may ŭch hăn tât ma n'gor bri Êjipt gay gŭ ta nây,

Yêrêmi 42:22

Pônây, ăn gĭt nanê̆ ngăn pô aơ ma khân ay may mra khĭt ma đao, ma nau sa sât ji ngot, jêh ri ma nau ji tưp tâm ntŭk khân ay may ŭch hăn gŭ.”

Yêrêmi 44:28

Knŏng geh djê̆ dơm bunuyh klaih tă bơh tak đao nchuăt du tă bơh bri Êjipt plơ̆ sĭt tâm bri Yuđa. Rnôk nây, lĕ rngôch phung Yuđa hôm klen, jêng phung hŏ tât jêh ŭch gŭ tâm n'gor bri Êjipt aơ, mra gĭt mbu nau ngơi jêng di ngăn, nau ngơi Gâp mâu lah nau ngơi khân păng.

Êsêkiêl 11:8

Khân may klach ma đao ƀiălah Gâp mra ăn đao tât ma khân may, Yêhôva Brah Ndu lah pônây.