Yêrêmi 42:11 - Nau Brah Ndu Ngơi 2023

¹¹ Lơi ta klach ôh ma hađăch Babilôn, jêng ma nơm khân ay may klach; Brah Yêhôva lah, lơi klach ôh ma hađăch nây, yorlah Gâp gŭ ndrel ma khân ay may gay koh dŏng jêh ri tâm rklaih khân may tă bơh ti hađăch nây.

Yêrêmi 42:11 Iomraidhean Croise

II Phung Hađăch 25:26

Lĕ rngôch phung kon se nđâp ma phung toyh, jêh ri phung kôranh tahan dâk hăn rlet ma Êjipt yorlah khân păng klach ma phung Kaldê plơng bôk.

Nau Mprơ Ơm 118:6

Brah Yêhôva gŭ koh dŏng gâp, gâp mâu mra klach ôh, Moh bunuyh dơi mra ƀư ma gâp?

Nau Mprơ Ơm 46:11

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 46:7

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 43:2

Tơlah khân may rgăn lĕ n'hor dak, Gâp mra gŭ ndrel may; Lah may re rgăn dak krong, mâu mra hoch rdu. Lah may chuat rgăn tâm ŭnh, mâu mra ŭnh sa ôh, Mpiăt ŭnh mâu sa may.

Êsai 43:5

Lơi klach ôh, yorlah Gâp gŭ ndrel ma may, Gâp mra djôt noi deh may tât tă bơh mpeh luh nar, Jêh ri tâm rƀŭn may tă bơh mpeh nhâp nar.

Yêrêmi 1:19

Khân păng tâm lơh đah may ƀiălah mâu dơi ôh — Brah Yêhôva lah pônây — yorlah Gâp gŭ ndrel ma may gay tâm rklaih may.”

Yêrêmi 1:8

Lơi klach khân păng ôh, Yorlah Gâp gŭ ndrel may gay tâm rklaih may.” Brah Yêhôva lah pônây.

Yêrêmi 15:20

Gâp mra njêng may Ƀư mpêr kông nâp ăn ma phung ƀon lan aơ, Khân păng mra tâm lơh đah may, Ƀiălah mâu dơi đah may ôh, Yorlah Gâp gŭ ndrel may Gay tâm rklaih may jêh ri ăn kon me may.” Brah Yêhôva lah pônây.

Yêrêmi 27:11

Ƀiălah moh ƀon lan anh mâng mbăk hađăch Babilôn ta trô ko jêh ri pah kan ma hađăch nây, pôri Gâp mra ăn păng gŭ tay tâm bri păng nơm gay jik kai jêh ri gŭ ta nây.’ Brah Yêhôva lah pônây.”

Yêrêmi 27:12

Gâp ăt ngơi ma Y-Sêdêkia, hađăch Yuđa, lĕ nau ƀoi nĕ: “Mbăk hom mâng mbăk hađăch Babilôn ta trô ko, jêh ri pah kan ma hađăch jêh ri ma ƀon lan hađăch nây, ri mơ khân may dơi rêh.

Yêrêmi 27:17

Lơi ta iăt khân păng ôh. Pah kan hom ma hađăch Babilôn ri mơ khân may mra dơi rêh. Mâm ƀư ƀon toyh aơ mra jêng rngot njăp?

Yêrêmi 41:18

der ngai ma phung Kaldê. Khân păng klach phung Kaldê yorlah Y-Ismaêl, kon bu klâu Y-Nêthania, hŏ nkhĭt jêh Y-Gêdalia, kon bu klâu Y-Ahikam, nơm hađăch Babilôn hŏ ndâk jêh ƀư kôranh toyh chiă uănh bri dak.

Nau Kơp Bunuyh 14:9

Knŏng geh du nau jêng khân may mâu ƀư nau tâm rdâng ôh đah Yêhôva jêh ri lơi ta klach ôh ma phung ƀon lan tâm n'gor bri nây, yorlah khân păng mra jêng ndơ sông sa ma he. Bu sŏk lơi jêh nau king tă bơh khân păng, ƀiălah Brah Yêhôva gŭ ndrel ma he. Lơi klach ôh ma khân păng!”

Mathay 10:28

Lơi klach ôh ma phung nkhĭt săk jăn ƀiălah mâu dơi nkhĭt huêng; ƀiălah ăn khân may klach ma nơm dơi nkhĭt huêng nđâp ma săk jăn tâm ndrung ŭnh.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Kôranh Oh Mon 18:10

Gâp gŭ ndrel ma may, mâu geh du huê tâm rdâng, ƀư djơh ma may ôh, yorlah Gâp geh âk bunuyh tâm ƀon aơ.”

Samƀŭt Pôl Njuăl Ăn Ma Phung Nsing Ta Ƀon Rôm 8:31

Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

Nau Vay Nkah Tay 20:4

yorlah Yêhôva Brah Ndu khân may, jêng Nơm hăn ndrel ma khân may, gay hăn lơh phung rlăng jêh ri rklaih khân may.’

II Timôthê 4:17

Ƀiălah Kôranh Brah dâk êp meng gâp jêh ri ăn nau dơi ma gâp, gay gâp dơi mbơh nkoch Nau Mhe Mhan Ueh tâm nau ƀư rĭng ma lĕ rngôch phung bu năch tăng, jêh ri gâp geh nau rklaih bơh trôm mbung yau mŭr.

Yôsuê 1:5

Du bông nau rêh may mâu mra geh ôh nơm dơi tâm rdâng đah may. Gâp mra gŭ ndrel ma may tâm ban Gâp hŏ gŭ ndrel jêh ma Y-Môis; Gâp mâu mra ƀah ngai đah may ôh, mâu chalơi may.

Yôsuê 1:9

Mâu di Gâp hŏ ntĭnh jêh ma may? Janh ktang hom, nănh! Lơi râm sâr, lơi klach ôh! Yorlah Yêhôva Brah Ndu may gŭ ndrel ma may tâm ăp ntŭk may hăn.”