Yêrêmi 41:1 - Nau Brah Ndu Ngơi 2023

¹ Tâm khay pơh, Y-Ismaêl, kon bu klâu Y-Nêthania, sau Y-Êlisama, bơh noi deh hađăch, jêh ri jêng du kôranh toyh ma phung tahan hađăch, djôt leo jât nuyh bu klâu văch mâp ma Y-Gêdalia, kon bu klâu Y-Ahikam, ta ƀon Mispa. Dôl khân păng gŭ sông sa nhêt ndrel ta nây,

Yêrêmi 41:1 Iomraidhean Croise

II Samuel 3:27

Tơlah Y-Apner plơ̆ đŏng tât jêh ta Hêbron, Y-Jôap djôt leo păng êng ta mpông ƀon, nâm bu ŭch nkoch bri đah păng ma nau kan ndâp. Ta nây, Y-Jôap ntâp ta ndŭl Y-Apner, jêh ri nkhĭt lơi păng gay mplơ̆ rnon mham oh Y-Apner jêng Y-Asahel.

II Phung Hađăch 11:1

Tơlah H'Athali, mê̆ Y-Ahasia, saơ kon păng lĕ khĭt jêh, păng dâk nkhĭt lĕ rngôch ngih hađăch.

II Phung Hađăch 25:22

Bi ma phung ƀon lan Y-Nêbukatnetsar lĕ ăn gŭ tâm n'gor Yuđa, pôri hađăch Babilôn dơm Y-Gêdalia, kon bu klâu Y-Ahikam, sau Y-Saphan, jêng kôranh chiă uănh khân păng.

II Phung Hađăch 25:25

Ƀiălah khay pơh, Y-Ismaêl, kon bu klâu Y-Nêthania, sau Y-Êlisama bơh noi deh hađăch, djôt leo ndrel jât bunuyh tât ta ƀon Mispa lơh nkhĭt Y-Gêdalia, ndrel ma phung Yuđa jêh ri phung Kaldê gŭ ndrel păng.

II Nau Rêh Jêng 22:10

Lah H'Athali, mê̆ Y-Ahasia, saơ kon bu klâu păng khĭt jêh, păng dâk jêh ri ƀư rai lĕ rngôch noi deh hađăch ngih Yuđa ro.

Nau Mprơ Ơm 109:5

Khân păng sŏk nau mhĭk ntrok nau ueh, Nau rmot mplơ̆ nau rŏng.

Nau Mprơ Ơm 41:9

Nđâp ma mĭt jiăng dăch lơn nuih n'hâm gâp rnơm nsing, Vay sa ƀănh gâp ăt yơk ndơl jâng tâm rdâng đah gâp.

Nau Hôr 13:10

Nau sưr knŏng ăn tât nau tâm djrel, Bi nau blau mĭn gŭ ndrel bunuyh dơn iăt nau ntĭm nti.

Nau Hôr 27:4

Nau ji nuih jêng nau janh djơh ngăn, jêh ri nau ji nuih nâm bu dak bŭk, Ƀiălah mbu moh dơi dơn tanăp nau mâu nach?

Yêrêmi 36:12

hăn ro trŭnh rlet ma ngih hađăch, lăp tâm jrô kôranh nchih samƀŭt. Lĕ rngôch phung kôranh rgum ta nây: Kôranh nchih samƀŭt Y-Êlisama, Y-Dêlaya kon bu klâu Y-Sêmaya, Y-Êlnathan kon bu klâu Y-Akbôr, Y-Gêmaria kon bu klâu Y-Saphan, Y-Sêdêkia kon bu klâu Y-Hanania, jêh ri lĕ rngôch phung kôranh.

Yêrêmi 36:20

Phung kôranh dơm ndrom samƀŭt ntâu tâm jrô kôranh nchih samƀŭt Y-Êlisama, jêh nây khân păng lăp mâp hađăch tâm nhuang ngih jêh ri nkoch ăn ma hađăch lĕ rngôch nau kan.

Yêrêmi 39:14

prơh bunuyh hăn njŭn Y-Yêrêmi luh bơh tâm nhuang phung tahan gak jêh nây jao păng ma Y-Gêdalia, kon bu klâu Y-Ahikam, sau Y-Saphan, njŭn păng sĭt tâm ngih. Y-Yêrêmi gŭ rêh ta nklang phung ƀon lan.

Yêrêmi 40:13

Rnôk nây, Y-Jôhanan, kon bu klâu Y-Karêa, jêh ri lĕ rngôch phung kôranh phung tahan pit in nkual ƀon jê̆, văch joi ma Y-Gêdalia, ta ƀon Mispa, jêh ri lah:

Yêrêmi 40:5

Yorlah Y-Yêrêmi ê hŏ plơ̆ sĭt ôh, yor ri Y-Nêbusaradan dăn lah đŏng: “May plơ̆ sĭt hom ma Y-Gêdalia, kon bu klâu Y-Ahikam, sau Y-Saphan, jêng bunuyh hađăch Babilôn njêng kôranh chiă uănh ma lĕ rngôch ƀon tâm n'gor bri Yuđa! May dơi lĕ gŭ ndrel ma nơm nây ta nklang phung ƀon lan may, mâu lah may hăn ta ntŭk may saơ di.” Kôranh chiă uănh toyh ma tahan phung gak ăn păng du kô̆ ndơ sông sa jêh ri ndơ nhhơr jêh ri ăn păng hăn.

Yêrêmi 40:6

Y-Yêrêmi hăn tât ta ntŭk Y-Gêdalia, kon bu klâu Y-Ahikam, ta ƀon Mispa, jêh ri gŭ rêh ndrel ma păng ta nklang phung ƀon lan hôm klen tâm n'gor.

Yêrêmi 40:7

Lah phung kôranh tahan jêh ri phung tahan hôm gŭ tâm ƀon jê̆ nơm tăng nau hađăch Babilôn hŏ ndâk Gêdalia, kon bu klâu Y-Ahikam, ƀư kôranh mât uănh tâm n'gor, jêh ri jao ma păng chiă uănh phung bu klâu, bu ur, kon se, jêng phung ndĭt trơi tâm n'gor, bu mâu veng leo ôh ƀư bu nă rlet ma bri Babilôn,

Yêrêmi 40:8

khân păng hăn mâp ma Y-Gêdalia ta ƀon Mispa. Phung kôranh tahan nây geh: Y-Ismaêl kon bu klâu Y-Nêthania, Y-Jôhanan jêh ri Y-Jônathan jêng phung kon bu klâu Y-Karêa, Y-Sêraya, kon bu klâu Y-Tanhumet, phung kon bu klâu Y-Êphai gŭ tâm ƀon Nêtôphat, jêh ri Y-Jêsanian, kon bu klâu bunuyh Makatit, ndrel ma phung tahan khân păng.

Êsêkiêl 17:13

Hađăch Babilôn hŏ săch jêh du huê bunuyh tâm noi deh ndŭl mpôl hađăch jêh ri ƀư nau tâm rnglăp đah bunuyh nây, ăn bunuyh nây ton. Hađăch nhŭp phung geh nau ktang tâm n'gor djôt leo hăn ndrel ma păng

Yôhan 13:18

Gâp mâu ngơi ma lĕ rngôch khân may ôh, Gâp gĭt năl đơ phung Gâp săch jêh. Ƀiălah nau ngơi tâm Nau Brah Ndu Ngơi aơ tât di ngăn: ‘Nơm sa ƀănh bơh Gâp, yơk jêh ndơl jâng tâm rdâng đah Gâp.’