Yêrêmi 40:10 - Nau Brah Ndu Ngơi 2023

¹⁰ Bi gâp be, gâp mra gŭ ta ƀon Mispa gay tâm tang ma khân may vơt rom phung Kaldê dăch tât ta aơ jêh. Bi khân may, bun prăp hom ndrănh krăk ƀâu, kao play si yan vai, jêh ri dak ngi ôlive jêh nây prăp tâm lĕ yăng. Gŭ rêh hom tâm ƀon khân may hŏ pit in jêh.”

Yêrêmi 40:10 Iomraidhean Croise

II Samuel 16:1

Tơlah Y-Đavit hao lĕ rlau jêh n'gơn yôk, Y-Siba oh mon Y-Mêphibôset tâm mâp đah păng, ndrel ma bar mlâm seh bri dăp vơng rdeng bar rhiăng glo piăng let, du rhiăng glo ƀănh krăk ƀâu kro, du rhiăng ƀănh play rvi, du nông ndrănh krăk ƀâu.

I Phung Hađăch 10:8

Phung ur hađăch geh nau ueh lăng ngăn! Phung kơl kan hađăch, phung gŭ panăp may ƀaƀơ jêh ri tăng nau blau mĭn may, geh nau ueh lăng ngăn!

Nau Hôr 22:29

May saơ lĕ mbu moh gơih tâm nau kan păng pah? Bunuyh nây mra pah kan phung hađăch, Mâu di ôh mra pah kan ma bunuyh ƀon lan.

Nau Hôr 27:25

Gơ̆ kro roh hêt, gơ̆ nse chăt luh hon tay, Bu pĕ biăp ta klơ yôk.

Êsai 16:9

Yor nây, ndrel ma nau nhĭm nhhiăng Jaser, Gâp nhĭm ma đang krăk ƀâu Sipma. Ơ Hêsbôn, Êlêaleh, Gâp mra djrah dak măt ta khân may, Yor nau troh nter nơm plên play krăk ƀâu dôl pĕ play tâm yan vai, Jêh ri yan rek khân may mâu hôm geh ôh!

Yêrêmi 35:19

Yor nây, Brah Yêhôva ma phung tahan, Brah Ndu Israel, lah pô aơ: ‘Y-Jêhônadap, kon bu klâu Y-Rêkap, mâu mra pưt ôh du huê bunuyh dâk panăp Gâp.’”

Yêrêmi 39:10

Bi phung ƀon lan o ach, mâu geh ôh drăp ndơn, pôri kôranh tahan gak Y-Nêbusaradan ăn khân păng gŭ tâm bri Yuđa, ndrel ƀơk ăn ma khân păng đang krăk ƀâu jêh ri mir.

Yêrêmi 40:12

pôri lĕ phung Yuđa nây tă bơh ăp ntŭk bu hŏ mprơh plơ̆ sĭt da dê ma n'gor bri Yuđa, tât ma Y-Gêdalia ta ƀon Mispa. Khân păng bun prăp âk ngăn ndrănh jêh ri kao play si yan vai.

Yêrêmi 40:6

Y-Yêrêmi hăn tât ta ntŭk Y-Gêdalia, kon bu klâu Y-Ahikam, ta ƀon Mispa, jêh ri gŭ rêh ndrel ma păng ta nklang phung ƀon lan hôm klen tâm n'gor.

Yêrêmi 43:5

Ƀiălah, Y-Jôhanan, kon bu klâu Y-Karêa, jêh ri lĕ rngôch phung kôranh tahan leo lĕ rngôch phung Yuđa hôm e klen dôl gŭ tâm bri Yuđa hăn ma bri Êjipt; nây jêng phung bu nă plơ̆ sĭt tay tă bơh lĕ rngôch bri dak bu hŏ mprơh jêh khân păng,

Yêrêmi 48:32

Ơ tơm krăk ƀâu Sipma, Gâp nhĭm ăn may âk lơn nhĭm ma ƀon Jaser! Lĕ n'gĭng may jong rlau ma dak mƀŭt, Kŏ tât ta dak mƀŭt Jaser. Nơm ƀư rai hŏ văch tât jêh Sŏk lơi play yan ta vai jêh ri yan play krăk ƀâu may.

Mika 7:1

Rêh ni ma gâp! Yorlah gâp jêng nâm bunuyh pĕ play yan ta vai, Jêh ri nâm bunuyh mban play krăk ƀâu tâm yan pĕ play krăk ƀâu hŏ lĕ jêh, Ƀiălah mâu geh ôh du rkŭm play krăk ƀâu gay sa; Play rvi bôk yan Ƀiălah huêng gâp ŭch hâu ngăn kŏ mâu geh lĕ.

Luka 21:36

Pôri, rngeh njrăng jêh ri mbơh sơm ƀaƀơ hom, gay khân may tŏng n'hâm suan der luh bơh lĕ nau mra tât geh jêh ri dâk tanăp Kon Bunuyh.”

Nau Vay Nkah Tay 1:38

Ƀiălah nơm kâp kơl may jêng Y-Yôsuê, kon bu klâu Y-Nun, păng mra dơi lăp n'gor nây. Ăn n'hao nuih păng, yorlah păng mra chiă uănh phung ƀon lan Israel sŏk dơn n'gor nây jêng drăp ndơn.

Nau Vay Nkah Tay 16:13

“Lôch jêh bun nsĭt play do tă bơh ntŭk mprah ba jêh ri ntŭk păt ndrănh, ăn khân may kah gĭt prăp nau rƀŭn Ngih Ndưp tâm pơh nar.