Yêrêmi 4:9 - Nau Brah Ndu Ngơi 2023

⁹ Brah Yêhôva lah: “Tâm nar nây, kôranh hađăch jêh ri phung kôranh chiă uănh roh nau duh nđơr da dê; Lĕ phung kôranh ƀư brah klach krit, Lĕ phung mbơh lor hih rhâl ngăn.”

Yêrêmi 4:9 Iomraidhean Croise

II Phung Hađăch 25:4

Nôk nây bu kuar trôm tâm mpêr ƀon. Dôl măng, lĕ rngôch phung tahan nchuăt du rŏ trong mpông pêr vah vang bar đah mpêr, dăch n'gar kao hađăch. Tơlah phung Kaldê dôl nchueng jŭm ƀon, hađăch Yuđa nchuăt du tĭng mpeh ma Arabah.

Nau Mprơ Ơm 102:4

Nuih n'hâm gâp nâm bu kao gơ̆ bu jot mpet jêh ri kro klêu; Gâp chuêl nđâp sông sa nhêt.

Êsai 19:16

Tâm nar nây, phung Êjipt mra tâm ban ma phung bu ur râm nsâr klach kir dôl khân păng saơ ti Brah Yêhôva ma phung tahan yơr, yơr tâm rdâng đah khân păng.

Êsai 19:3

Phung Êjipt mra roh lĕ nuih n'hâm, Gâp mra ƀư tâm vĭ nau khân păng tâm nchră. Rnôk nây, khân păng mra ôp phung rup brah, Phung n'hŭm, phung gru rƀên, jêh ri phung mbơh nau mra tât.

Êsai 28:19

Ăp tơ̆ nau mhĭk lip tât, păng mra nhŭp rdu khân may Yorlah păng mra rgăn ăp ôi, Nar tâm ban ma măng, nau tât mra hăn rgăn; Knŏng geh nau klach krit Ƀư ăn khân may gĭt rbăng nau ti nây.

Yêrêmi 2:26

Nơm ntŭng prêng ngăn lah bu ban păng dôl ntŭng. Pôri ngih phung Israel, Nđâp ma kôranh hađăch, phung kôranh chiă uănh, Phung kôranh ƀư brah, lĕ phung nơm mbơh lor, ăt prêng ngăn nâm bu pônây.

Yêrêmi 25:34

Hơi phung rmăk biăp, nhĭm vơl hom, ntơm ngơi vah vơl hom! Ơ phung kôranh phung biăp, rlă hom tâm ŭnh buh! Yorlah nar bu sreh nkhĭt khân may, nar bu ƀư nchah rai pru pra hŏ tât jêh, Khân may mra cha lôt nâm bu du mlâm yăng khlay.

Yêrêmi 37:19

Phung mbơh lor may hŏ ngơi mbơh lor jêh pô aơ: ‘Hađăch Babilôn mâu mra tât văch lơh đah khân may mâu lah lơh ma bri aơ ôh,’ aƀaơ ta ntŭk khân păng gŭ?

Yêrêmi 48:41

Bu ƀư rai ƀon toyh Kêriôt, Bu pit in lĕ rngôch pôih; Tâm nar nây, nuih n'hâm phung tahan bri Môap Nâm bu nuih n'hâm bu ur bê̆ch veng deh.

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Yêrêmi 52:7

Mpêr ƀon lĕ bu kuar trôm. Dôl măng, nđâp lah phung Kaldê nchueng jŭm, lĕ rngôch phung tahan nchuăt du da dê bơh ƀon ma mpông pêr vah vang bar đah mpêr, dăch n'gar kao hađăch. Khân păng hăn tĭng trong rlet mpeh ma Arabah.

Kôranh Oh Mon 13:41

‘Hơi phung dăng mưch! Klach krit hom jêh ri du roh hom! Yorlah tâm rnôk khân may, Gâp mra ƀư du ntil kan, Nđâp tơlah bu nkoch bri, khân may mâu chroh đŏng ôh!’”