Yêrêmi 4:7 - Nau Brah Ndu Ngơi 2023

⁷ Yau mŭr hŏ luh tă bơh bri krŏng, Nơm ƀư rai lĕ bri dak hŏ hăn jêh, Hŏ du bơh ntŭk păng, Gay ƀư ăn bri dak may jêng rngot njăp; Lĕ rngôch ƀon toyh may rai ƀhiau Mâu hôm du huê bunuyh.

Yêrêmi 4:7 Iomraidhean Croise

II Phung Hađăch 24:1

Tâm rnôk Y-Jêhôjakim chiă uănh, hađăch Babilôn jêng Y-Nêbukatnetsar hăn lơh bri dak Yuđa. Y-Jêhôjakim, tông bâr hađăch tâm pe năm, jêh nây Y-Jêhôjakim mĭn plĕch jêh ri dâk tâm rdâng đah hađăch Babilôn.

II Phung Hađăch 25:1

Tâm năm rơh sĭn rnôk rô̆ hađăch Sêdêkia chiă uănh, lơ jât khay jât, Nêbukatnetsar, hađăch Babilôn, ndrel ma lĕ rngôch phung tahan hăn văch tâm lơh ƀon Yêrusalem. Hađăch ƀư pôih rmlak tanăp ƀon nây jêh ri ntâk ntŭk tâm lơh văr jŭm ƀon nây.

Êsai 1:7

Bri dak khân may jêng rngot njăp, Lĕ ƀon toyh khân may bu su ma ŭnh Phung bu năch sŏk pit neh khân may, Tanăp măt khân may, Ƀư bri khân may jêng rngot njăp lah phung bu năch tŭn jot.

Êsai 5:9

Brah Yêhôva ma phung tahan lah jêh ma tôr gâp: “Nanê̆ ngăn, geh âk rplay ngih mra jêng rngot njăp, Lĕ ngih toyh jêh ri ueh nây mâu mra geh bunuyh gŭ ôh!

Êsai 6:11

Gâp ôp, “Ơ Kôranh Brah, kŏ tât ndah jŏ?” Păng plơ̆ lah: “Kŏ tât âk ƀon toyh jêng rngot njăp, Mâu geh bunuyh gŭ ôh, Ngih mâu geh bunuyh gŭ, Jêh ri lĕ bri neh plơ̆ jêng rngol lĕ ƀhiau;

Yêrêmi 2:15

Phung yau mŭr ndăm rah ngrông, Rđuh dŭt huy tâm rdâng đah păng, Ƀư ăn neh păng rgâl jêng rngol; Lĕ rngôch ƀon păng lĕ bu su ma ŭnh, mâu geh bunuyh gŭ.

Yêrêmi 22:6

Aơ jêng nau Brah Yêhôva lah ma ngih hađăch phung Yuđa: ‘Gâp uănh may jêng nâm bu Gilêat, Nâm bu n'gơn nâm Liban, Ƀiălah nanê̆ Gâp mra njêng may bri rdah, Lĕ ƀon mâu geh bunuyh gŭ ôh.

Yêrêmi 22:7

Gâp mra prăp rơm ndrăp phung ƀư rai geh ndơ tâm lơh Ŭch nkhĭt may; Khân păng mra kăl lĕ tơm si sêdar dŭt ueh uĭn may geh Jêh ri klŭp tâm ŭnh.’

Yêrêmi 25:38

Nâm bu yau mŭr luh bơh trôm, Yorlah neh khân păng hŏ jêng nau tâm rmot Tâm dâng mpiăt đao tŭn jot, Jêh ri nau ji nuih hâu ngăn.”

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 26:9

Mâm ƀư may nănh tâm amoh Brah Yêhôva ngơi mbơh lor pô aơ: ‘Ngih aơ mra jêng nâm bu ƀon Silô, ƀon toyh aơ mra jêng rngot njăp, mâu geh ƀon lan gŭ ôh’?” Nôk aơ, lĕ rngôch phung ƀon lan tâm gŭ jŭm Y-Yêrêmi tâm ngih Brah Yêhôva.

Yêrêmi 27:8

Tơlah moh ƀon lan mâu lah moh ƀon bri hađăch mâu pah kan ôh ma hađăch nây, jêng Y-Nêbukatnetsar, hađăch Babilôn, jêh ri mâu anh mbăk hađăch Babilôn tâm trô ko păng, pôri Gâp mra tâm rmal ƀon lan nây ma đao, ma nau sa sât ji ngot, ma nau ji tưp, kŏ tât ti hađăch ƀư rai lĕ khân păng, Brah Yêhôva lah pônây.

Yêrêmi 33:10

Brah Yêhôva lah: ‘Tâm ntŭk aơ jêng ntŭk khân may lah: “Nây jêng ntŭk rngol, mâu hôm geh bunuyh, mpô mpa ăt mâu geh lĕ;” tâm lĕ rngôch ƀon n'gor Yuđa jêh ri tâm trong ƀon toyh Yêrusalem, nây jêng rngol jêh, mâu geh bunuyh, mâu geh ƀon lan gŭ, mpô mpa ăt mâu geh lĕ,

Yêrêmi 34:22

Brah Yêhôva lah: ‘Aơ, Gâp mra ntĭnh ăn ma khân păng plơ̆ tay ma ƀon aơ; khân păng mra lơh, mra pit in, jêh ri sŏk ŭnh su ƀon nây. Gâp mra ƀư lĕ rngôch ƀon n'gor Yuđa mra jêng rngot njăp, mâu geh ƀon lan gŭ ôh.’”

Yêrêmi 4:29

Dôl nteh phung tahan ncho seh jêh ri tahan pănh na, Ăp ƀon nchuăt du da dê; Phung lăp tâm ƀŭr si, khân păng hao lĕ njek trôm lŭ; Ăp ƀon bu chalơi hŏng da dê, Mâu geh du huê bunuyh gŭ.

Yêrêmi 44:2

Brah Yêhôva ma phung tahan, Brah Ndu Israel, lah: “Khân may nơm hŏ saơ jêh lĕ rngôch nau mhĭk Gâp hŏ ăn tât jêh ma ƀon Yêrusalem jêh ri ma lĕ rngôch ƀon n'gor bri Yuđa. Ri, lĕ ƀon toyh nây nar aơ jêng rngol, mâu geh du huê bunuyh gŭ.

Yêrêmi 46:18

Hađăch, amoh Păng jêng Brah Yêhôva ma phung tahan, lah: “Tĭng nâm Gâp gŭ rêh mro mrăng, Nơm rlăng mra tât Nâm bu yôk Tabor ta nklang ma lĕ gôl yôk êng, Nâm bu yôk Karmel ntoh tâm dak mƀŭt.

Yêrêmi 49:19

Nâm bu yau mŭr tă bơh lĕ bri krŏng dak krong Yurdan hăn tât ma ndrêch gơ̆ nse ƀaƀơ, Ƀât lât Gâp mra ƀư ăn ma phung Êđôm nchuăt du jêh ri njêng bunuyh Gâp hŏ săch jêh gay chiă uănh păng. Yorlah mbu moh nâm bu Gâp? Mbu nơm mra dơi ntrŭnh ăn ma Gâp? Mbu rmăk biăp nănh tâm rdâng đah Gâp?”

Yêrêmi 5:6

Yor nây, yau mŭr tâm bri mra nkhĭt khân păng, So bri bơh bri rdah ƀư rai khân păng. Yau brăch mra rmiăt kêng padih ƀon khân păng, Mbu nơm luh bơh ƀon mra hêk sa! Yorlah nau tih toyh khân păng âk ngăn, Nau tâm rdâng khân păng mâu dơi kơp.

Yêrêmi 50:17

Israel jêng du mlâm biăp nhhơt jêh phung yau mŭr tĭng kăp. Ntơm saơm hađăch Asiri tĭng rvăn păng, jêh ri rlet pakơi aơ jêng Y-Nêbukatnetsar, hađăch Babilôn, gĭnh nting păng.”

Yêrêmi 50:44

Aơ, nâm bu yau mŭr tă bơh lĕ bri krŏng dak krong Yurdan hăn tât ma ndrêch gơ̆ nse ƀaƀơ; Gâp mra ƀư ăn phung Babilôn ƀât lât nchuăt du jêh ri njêng bunuyh Gâp hŏ săch jêh gay chiă uănh păng. Yorlah mbu moh nâm bu Gâp? Mbu nơm mra dơi ntrŭnh ăn ma Gâp? Mbu rmăk biăp nănh tâm rdâng đah Gâp?”

Yêrêmi 8:16

Tă bơh ƀon Dan, bu hŏ tăng nau nter seh; Neh n'găr mpât yorlah nteh krĭ phung seh tâm lơh. Khân păng tât rvăn neh jêh ri play kao neh, Rvăn ƀon jêh ri bunuyh gŭ tâm ƀon.

Yêrêmi 9:11

“Gâp mra ƀư ƀon Yêrusalem jêng mbŭch bun ndơ rai jêh, Jêng trôm so bri; Jêh ri ƀư ăn lĕ ƀon Yuđa jêng rngot njăp, Mâu geh bunuyh gŭ ôh.”

Êsêkiêl 12:20

Ƀon toyh geh âk bunuyh gŭ mra jêng rai, bri dak mra jêng rngol jêh ri khân may mra gĭt Gâp jêng Brah Yêhôva.’”

Êsêkiêl 21:31

Kôranh Brah Yêhôva lah: ‘Prăp hom đon, doh lơi đon hađăch; lĕ rngôch ndơ aơ mâu hôm nâm bu kơt saơm đŏng ôh! Moh ndơ dêh mra n'hao ăn prêh, moh ndơ prêh bu mra ntrŭnh lơi ăn dêh.

Êsêkiêl 32:2

“Hơi kon bunuyh, ƀư hom du nau mprơ rngot ma Pharaôn, hađăch Êjipt, pô aơ: ‘May tâm ban ma du mlâm yau mŭr ta nklang lĕ ntil mpôl bunuyh; Mâu êng ôh đah mpa djơh tâm dak mƀŭt, Mpât rbŭh ta nklang dak n'hor. May sŏk jâng rchŭ dak ăn rkhăl, Jêh ri ƀư lĕ dak krong bêng ma dak bŏk.’

Daniel 5:19

Yorlah Brah Ndu ăn nau dơi chiă uănh jêng toyh Kôranh Brah ăn jêh mbơ̆ may ma lĕ rngôch phung ƀon lan, bri dak, lĕ rngôch nau ngơi klach râm sâr da dê tanăp hađăch nây. Păng ŭch nkhĭt lơi mbu nơm păng ŭch jêh ri păng om gŭ rêh mbu nơm păng ŭch, păng ŭch n'hao mâu lah n'glưh mbu nơm păng ŭch.

Daniel 7:4

Mpa bri rơh nguay tâm ban ma yau mŭr ƀiălah geh năr klang ƀŭng. Gâp uănh kŏ tât lĕ năr păng bu nkê̆ch pă, bu pư păng bơh neh jêh ri ăn păng dâk râng ma bar mlâm jâng tâm ban ma bunuyh; bu ăn ma păng nau mĭn bunuyh.

Kan Lêvi 26:31

Gâp mra ƀư ma ƀon toyh khân may jêng rngol, lĕ ntŭk kloh ueh jêng rngot rjăp jêh ri Gâp mâu mra dơn ôh n'hôl ƀâu kah bơh ndơ ƀư brah khân may nhhơr.

Kan Lêvi 26:33

Gâp mra nkhah khân may lam phung ndŭl mpôl bunuyh jêh ri tŏk đao gưm tĭng lơh khân may. Neh khân may mra jêng ntŭk rngol, ƀon toyh khân may mra jêng rngot rklăk.