Yêrêmi 4:30 - Nau Brah Ndu Ngơi 2023

³⁰ Bi may, hơi nơm rai yot, mâm may mra ƀư? Nđâp tơlah may nsoh ao chăng, văn ndơ nkrơ̆ đah mah, Sŏk dak ôch mhĭng măt may ăn huy, Nkrơ̆ ăn ueh, ăt mâu geh nau khlay ôh. Lĕ bunuyh rŏng may ăt mưch may, Joi nau ŭch nkhĭt may.

Yêrêmi 4:30 Iomraidhean Croise

II Phung Hađăch 9:30

Jêh nau nây, Y-Jêhu tât ta Jesrêel. Tơlah H'Jêsêbel tăng nau nây, păng mhĭng măt păng, nkrơ̆ sŏk bôk păng, jêh nây gŭ uănh bơh mpông bloh.

Nau Hôr 6:25

Nuih n'hâm may lơi ta kơnh nau ueh păng, Lơi ăn ôh rsâng măt păng ndơm may.

Nau Hôr 7:10

Ri, bu ur luh vơt nơm nây, Nsoh nkrơ̆ nâm bu du huê bu ur văng tĭr, nuih n'hâm bêng ma nau plăch rlăm.

Êsai 10:3

Moh nau khân may mra ƀư tơlah tât nar tâm rmal, Lah nau ƀư rai tât ma khân may bơh ngai? Ntŭk êp khân may mra du gay ma geh nau kơl? Ta ntŭk khân may mra prăp nau ndrŏng khân may?

Êsai 20:6

Tâm nar nây, phung gŭ rgŏ kơh dak mƀŭt mra lah pô aơ: ‘Aơ, phung mpôl băl bunuyh he uănh geh nau kâp gân, jêh ri nchuăt tât gay tâm rklaih bơh hađăch bri Asiri, aƀaơ ri păng hŏ jêng nâm bu kơt nĕ yơh! He mâm he dơi klaih?’”

Êsai 33:14

Tâm ƀon Siôn, Phung ƀư tih klach krit, Phung mâu chroh ôh ma Brah Ndu râm sâr; khân păng lah: “Mbu tâm phung he dơi gŭ tâm ŭnh hit? Mbu tâm phung he dơi gŭ tâm mpiăt ŭnh hit n'ho ro?”

Yêrêmi 13:21

Moh nau may lah dôl phung bunuyh may ntĭm nti Jêh ri ƀư mĭt jiăng đah may Dơi ndâk hao chiă uănh may? May mâu saơ hĕ nau ji kruăt rêt Nâm bu ur ji ngăn dôl deh kon hĕ?

Yêrêmi 22:23

May jêng nơm gŭ ta nklang bri Liban Gŭ đăp mpăn tâm lĕ ngih toyh ma tơm si sêdar, Dôl nau ji tât ta may, may mra rđêng nđor, Ji kruăt nâm bu du huê bu ur dôl deh kon!”

Yêrêmi 30:14

Lĕ rngôch phung rŏng ma may hŏ chuêl jêh may, Mâu meng tât ma may: Yorlah Gâp hŏ dong may kŏ sôt nâm bu du huê rlăng dong, Nduyh nkra may nâm bu phung ƀai nduyh nkra, Yorlah nau may tih toyh ngăn, Nau djơh mhĭk may âk ngăn.

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Nau Nhĭm Vơl 1:19

Gâp hŏ kuăl jêh phung rŏng ma gâp Ƀiălah khân păng ndơm gâp; Phung kôranh ƀư brah jêh ri phung bu ranh Hŏ khĭt jêh tâm ƀon, Dôl khân păng joi ndơ sông sa Gay geh plơ̆ tay n'hâm suan.

Nau Nhĭm Vơl 1:2

Păng nhĭm dôl măng bêng ma nau rngot, Dak măt hoch tât ta trôm bom. Ta nklang lĕ rngôch phung rŏng ma păng rnôk kăl e, Mâu geh ôh nơm bonh leng păng. Phung mĭt jiăng tâm rdâng ma păng, Jêng phung tâm rlăng.

Nau Nhĭm Vơl 4:17

Măt hên huơi ngăn, Dơm dam gŭ kâp nau kơl tâm rklaih! Tă bơh pôih gak, hên gŭ kâp Du mpôl băl mâu dơi tâm rklaih hên.

Êsêkiêl 28:13

May lĕ gŭ tâm n'gar Êđen, jêng n'gar Brah Ndu. May hŏ geh ăp ntil lŭ khlay, Jêng lŭ karnêlian, lŭ tôpas, lŭ diamôn, Lŭ krisôlit, lŭ êmêrôt, lŭ saphir, Lŭ beril, lŭ ĭr, lŭ chăng jêh ri mah đŏng. Nơm rhăk gâr jê̆ jêh ri dĭng n'hôm jêng ndơ may, Ntơm bơh nar may mhe ndâk njêng bu hŏ ndrăp ơm jêh.

Êsêkiêl 28:9

Tanăp phung nkhĭt may, May dơi janh lah pô aơ lĕ “gâp jêng brah”? Dôl may gŭ tâm ti phung ƀư rmanh may Pôri may jêng bunuyh đŏng mâu di hĕ jêng brah.

Apdia 1:7

Lĕ rngôch phung tâm rnglăp đah may hŏ mprơh may tât ta n'har bri. Phung mĭt jiăng may ndơm may nơm jêh ri tŭn jot may; Bi phung sa ƀănh may ƀư dăk sân may nơm Ƀiălah mâu gĭt đê̆ ro.

ហេឞ្រើ 2:3

mâm ƀư he dơi klaih đah nau tâm rmal tơlah he uănh mâu khlay ma nau tâm rklaih toyh ngăn? Nây jêng nau tâm rklaih Kôranh Brah mbơh jêh ntơm saơm, jêh phung bunuyh tăng jêh mbơh nau nây jêng ngăn ma he.

Nau Tâm Mpơl 17:13

Khân păng geh du ai nuih n'hâm jao nau ktang jêh ri nau dơi khân păng ma mpô mpa dŭt janh.

Nau Tâm Mpơl 17:2

Phung hađăch ta klơ neh ntu ƀư tih nau văng tĭr ndrel păng, jêh ri phung ƀon lan gŭ ta klơ neh nhŭl ndrănh đŏng yorlah ndrănh nau văng tĭr păng.”

Nau Tâm Mpơl 17:4

Bu ur nĕ nsoh ao chăng krăk jêh ri chăng rhưch, ndơ nkrơ̆ ma mah, lŭ khlay, jêh ri lŭ rmah khlay, ta ti djôt du mlâm kachok mah bêng ma lĕ nau mưch rmot, ƀơ̆ ƀơch ma nau văng tĭr păng nơm.