Yêrêmi 4:29 - Nau Brah Ndu Ngơi 2023

²⁹ Dôl nteh phung tahan ncho seh jêh ri tahan pănh na, Ăp ƀon nchuăt du da dê; Phung lăp tâm ƀŭr si, khân păng hao lĕ njek trôm lŭ; Ăp ƀon bu chalơi hŏng da dê, Mâu geh du huê bunuyh gŭ.

Yêrêmi 4:29 Iomraidhean Croise

II Nau Rêh Jêng 33:11

Yor nây, Brah Yêhôva ntrŭt phung kôranh tahan hađăch Asiri tât lơh khân păng, nhŭp chăp Y-Manasê ma rse rvăk kông jêh ri sŏk nklĕ loih nkuăk ta trôm muh têk leo păng ma ƀon Babilôn.

Êsai 30:17

Du huê thăm rmat, du rbăn nuyh nchuăt du; Prăm nuyh thăm rmat, khân may nchuăt da dê Kŏ tât nôk khân may hôm klen Tâm ban ma n'gâng n'ha kơ ta klơ n'gơn yôk, Tâm ban ma n'ha kơ ta klơ gôl.”

Êsai 6:12

Kŏ tât Brah Yêhôva mprơh ngai phung ƀon lan, Jêh ri âk ntŭk tâm bri neh plơ̆ jêng rngot njăp.

Yêrêmi 16:16

Brah Yêhôva lah: “Aơ, Gâp prơh joi âk phung blau seng ka tât nhŭp khân păng. Jêh nây, Gâp prơh joi âk phung nchron gay nchron khân păng ta klơ ăp yôk, ăp gôl, jêh ri tâm ăp nđa lŭ.

Yêrêmi 4:7

Yau mŭr hŏ luh tă bơh bri krŏng, Nơm ƀư rai lĕ bri dak hŏ hăn jêh, Hŏ du bơh ntŭk păng, Gay ƀư ăn bri dak may jêng rngot njăp; Lĕ rngôch ƀon toyh may rai ƀhiau Mâu hôm du huê bunuyh.

Yêrêmi 52:7

Mpêr ƀon lĕ bu kuar trôm. Dôl măng, nđâp lah phung Kaldê nchueng jŭm, lĕ rngôch phung tahan nchuăt du da dê bơh ƀon ma mpông pêr vah vang bar đah mpêr, dăch n'gar kao hađăch. Khân păng hăn tĭng trong rlet mpeh ma Arabah.

Yêrêmi 6:23

Khân păng djôt nâp na jêh ri tak, Janh hâng mhĭk ƀai ngăn, mâu geh nuih n'hâm yô̆ nđach ôh. Nteh khân păng nter huy nâm bu dak mƀŭt lŭng nter; Khân păng ncho klơ seh, Âk bunuyh nâm bu du huê, Ndrăp rduh lơh may, Hơi kon bu ur Siôn!”

Amôt 9:1

Gâp saơ Kôranh Brah dâk ta êp nơng ƀư brah jêh ri lah pô aơ: “Dong hom ta lĕ chiông meh n'gâng Gay n'gơ lĕ ntơng mpông; Mbang rlâm hom lĕ rup ta klơ bôk khân păng! Mbu nơm phung hôm klen Gâp mra nkhĭt ma đao Mâu geh ôh du huê tâm phung khân păng nchuăt du, Mâu geh ôh du huê tâm phung khân păng dơi klaih.

Luka 23:30

Jêh nây khân păng lah ma yôk: ‘Tŭp hom ta klơ hên!’ jêh ri lah ma dor: ‘Nkŭm hom hên!’

I Samuel 13:6

Tơlah phung Israel saơ khân păng jêr ngăn jêh, yorlah khân păng tĭng nchueng dăch ngăn ma phung Israel, pôri phung ƀon lan du krap tâm lĕ trôm lŭ, rlô si, rkâp lŭ, môch blang jêh ri ntu brŏng.