Yêrêmi 4:27 - Nau Brah Ndu Ngơi 2023

²⁷ Brah Yêhôva lah: “Lam neh mra rngol, Ƀiălah Gâp mâu ƀư rai tât lôch ôh.

Yêrêmi 4:27 Iomraidhean Croise

II Nau Rêh Jêng 36:21

Tât ngăn ƀoi nau Brah Yêhôva hŏ dŏng jêh bâr mbung Y-Yêrêmi ngơi, neh dơi ntop dơn tay năm saƀat. Tâm lĕ năng nar cha lat jêh, neh dơi rlu kŏ tât rĭng pơh jât năm.

Nêhêmi 9:31

Ƀiălah, yorlah nuih n'hâm yô̆ nđach toyh, Kôranh Brah mâu ƀư rai lĕ khân păng tâm ban đŏng mâu chalơi khân păng. Yorlah Kôranh Brah jêng Brah Ndu vay yô̆ nđach jêh ri geh nau ueh.

Êsai 17:6

Mra hôm klen djê̆ ndrŏng ba mban; Tâm ban nôk bu rgu tơm ôlive, Hôm klen bar pe play Ta chiông n'gĭng dŭt prêh, Mâu lah puăn prăm play Ta lĕ n'gĭng âk play.” Yêhôva Brah Ndu Israel lah pônây.

Êsai 24:1

Aơ, Brah Yêhôva mra ƀư ma neh ntu nsoih bŏng jêh ri jêng rngol; Păng ƀư ma neh ntu rgâl jêh ri ma phung ƀon lan nchah rai pru pra.

Yêrêmi 18:16

Bri dak khân păng jêng ntŭk rngot njăp, Ƀư nau gơm mưch mro mrăng ma neh ntu; Nơm sĭt nơm hăn hih rhâl da dê Knŏng hôm gĭt rteh bôk.

Yêrêmi 25:11

Lĕ rngôch bri aơ mra jêng du ntŭk rngot njăp, ƀơ̆ ƀơch, lĕ rngôch phung mpôl băl aơ mra pah kan ma hađăch bri Babilôn tâm pơh jât năm.’

Yêrêmi 30:11

Brah Yêhôva lah: ‘Yorlah Gâp gŭ ndrel ma may gay tâm rklaih may; Gâp mra ƀư rai lĕ bri dak Gâp hŏ nchah rai khân may tât ta nây, Ƀiălah đah may Gâp mâu ƀư rai lĕ ôh. May mâu mra der luh bơh nau tâm rmal Ƀiălah Gâp mra nduyh nkra may ma nau di.’

Yêrêmi 4:20

Nau ji tưp lơ hâu nau ji tưp, Lam n'gor rai ƀhiau. Vâl bok gâp ƀât lât bu ƀư rai lĕ, Bok nchăng sat lĕ tâm ƀât lât.

Yêrêmi 4:7

Yau mŭr hŏ luh tă bơh bri krŏng, Nơm ƀư rai lĕ bri dak hŏ hăn jêh, Hŏ du bơh ntŭk păng, Gay ƀư ăn bri dak may jêng rngot njăp; Lĕ rngôch ƀon toyh may rai ƀhiau Mâu hôm du huê bunuyh.

Yêrêmi 44:6

Yor nây, Gâp nkhŭt nau ji nuih jêh ri ji nuih ngăn jŭr su lĕ rngôch ƀon bri Yuđa jêh ri tâm lĕ trong toyh ƀon Yêrusalem, ƀư ma khân păng jêng ntŭk rngot njăp rjăp, roh rai.

Yêrêmi 46:28

Brah Yêhôva lah: “Ơ phung Yakôb phung oh mon Gâp, lơi ta klach ôh, Yorlah Gâp gŭ ndrel ma may. Gâp mra ƀư rai lĕ rngôch bri dak Gâp hŏ mprơh may tât jêh; Bi ma may Gâp mâu mra ƀư rai lôch ôh, May mâu mra rklaih ôh bơh nau tâm rmal Ƀiălah Gâp mra nduyh nkra may ma nau di.”

Yêrêmi 5:10

“Hăn hao hom klơ mbor krăk ƀâu jêh ri ƀư rai lơi, Ƀiălah lơi ta ƀư rai lĕ ôh; Koh mƀăr hom lĕ n'gĭng păng, Yorlah mâu jêng ndơ Brah Yêhôva ôh.

Yêrêmi 5:18

Brah Yêhôva lah: “Nđâp lah pônây, tâm lĕ nar nây, Gâp mâu mra nkhĭt lĕ khân may ôh.

Yêrêmi 7:34

Aƀaơ, Gâp mra ƀư lĕ ƀon Yuđa jêh ri rŏ trong Yêrusalem rlu bâr troh răm maak, bâr bu klâu ntơm nsông ur jêh ri bâr bu ur nđăp ma sai, yorlah neh aơ mra jêng ntŭk rngol.”

Yêrêmi 9:11

“Gâp mra ƀư ƀon Yêrusalem jêng mbŭch bun ndơ rai jêh, Jêng trôm so bri; Jêh ri ƀư ăn lĕ ƀon Yuđa jêng rngot njăp, Mâu geh bunuyh gŭ ôh.”

Nau Nhĭm Vơl 2:7

Păng hŏ mƀăr lơi jêh nơng ƀư brah, Tâm rmot lơi ntŭk kloh ueh; Păng hŏ jao jêh mpêr ngih hađăch ƀon Siôn Tâm ti phung rlăng; Khân păng troh nter tâm ngih Brah Yêhôva Nâm bu tâm nar rƀŭn.

Êsêkiêl 11:13

Dôl Gâp gŭ mbơh lor, Y-Pêlatia kon bu klâu Y-Bênaya, khĭt. Gâp păn muh măt jêh ri nter ma bâr huy lah pô aơ: “Ơ Yêhôva Brah Ndu! May mra ƀư rai ngăn lĕ phung Israel hôm e klen aơ?”

Êsêkiêl 20:17

Nđâp tơlah pônây, măt Gâp uănh yô̆ jêh ma khân păng, mâu ƀư rai ôh khân păng mâu lah ƀư rai lĕ khân păng tâm bri rdah.

Êsêkiêl 33:28

Gâp mra ƀư bri aơ jêng rngol, rngot njăp, nau dăng ktang păng ƀư sưr rlau mra rai lôch; lĕ yôk Israel mra jêng rngol kŏ tât mâu geh du huê nuyh prot rgăn ta nây đŏng ôh.

Êsêkiêl 6:14

Pônây, Gâp mra yơr ti tâm rdâng ma khân păng, jêh ri lam ntŭk khân păng gŭ, Gâp mra ăn bri dak jêng rngol, roh yot, ntơm bơh bri rdah tât ma ƀon Ribla. Nôk nây khân păng mra gĭt Gâp jêng Brah Yêhôva.”

Kan Lêvi 26:31

Gâp mra ƀư ma ƀon toyh khân may jêng rngol, lĕ ntŭk kloh ueh jêng rngot rjăp jêh ri Gâp mâu mra dơn ôh n'hôl ƀâu kah bơh ndơ ƀư brah khân may nhhơr.

Kan Lêvi 26:44

Ƀiălah, nđâp lah khân păng dôl gŭ tâm n'gor phung rlăng, Gâp mâu đŏng chalơi khân păng, mâu lĕ Gâp rmot ma khân păng kŏ tât Gâp ƀư rai lĕ khân păng jêh ri mâu chalơi nau tâm rnglăp ta nklang Gâp đah khân păng, yorlah Gâp jêng Yêhôva Brah Ndu khân păng.

Sôphôni 1:18

Nđâp ma prăk mâu lah mah khân păng Kŏ mâu dơi đŏng tâm rklaih khân păng Tâm nar Brah Yêhôva ji nuih. Ƀiălah tâm lam neh ntu mra geh ŭnh ntôn bơh Păng su ntrŭt, Yorlah Păng mra ƀư rai lĕ rngôch phung gŭ ta klơ neh ntu Ma nau krit toyh ngăn!”