Yêrêmi 4:23 - Nau Brah Ndu Ngơi 2023

²³ Gâp uănh rplay neh, ri, mâu geh rup jêh ri hŏng dơm; Gâp uănh lĕ ndâr trôk ƀiălah mâu geh nau ang.

Yêrêmi 4:23 Iomraidhean Croise

Nau Ntơm 1:2

Neh mâu geh rup ôh jêh ri nsoih bŏng, nau ngo nkŭm ta klơ brŏng jru, jêh ri Huêng Ueh Brah Ndu rsong ta klơ n'ha dak.

Êsai 13:10

Rnôk nây, lĕ mănh mbing tâm trôk jêh ri lĕ rngôch mănh ang tâm trôk Mâu mra nchrat ang ôh; Nar mhe pơ luh jêng ngo ro, Jêh ri khay mâu hôm nchrat ang ôh.

Êsai 5:30

Tâm nar nây, mra geh nau ngrông tâm rdâng đah phung nây, Tâm ban ma nteh rbuh dak mƀŭt djhut djhut; Tơlah mbu nơm uănh lăp tâm n'gor knŏng saơ nau ngo klĕng jêh ri nau mhĭk, Ndâr tŭk nkŭm lơi nau ang ƀư ma nau ngo klĕng.

Yêrêmi 2:12

Hơi lĕ ndâr trôk, hih rhâl hom ma nau nây, Mpât n'gơ hom jêh ri klach krit ngăn.” Brah Yêhôva lah pônây.

Yêrêmi 9:10

Gâp mra nhĭm nhhiăng vah vơl ăn lĕ yôk, Nau mprơ klâng rngot ăn ma ndrêch gơ̆ tâm bri rdah, Yorlah khân păng ŭch sa, mâu du huê bunuyh găn tât, Mâu hôm tăng bâr phung mpô mpa rong; Tă bơh sĭm tâm trôk kŏ tât mpa bri, Lĕ rngôch du roh da dê.

Nau Nhĭm Vơl 3:2

Păng hŏ leo gâp jêh ri njŭn gâp hăn Tâm nau ngo, mâu geh ôh du djê̆ nau ang;

Yôel 2:10

Tanăp khân păng, neh ntu n'găr, Lĕ ndâr trôk n'găr mpât, Nar, khay jêng ngo klĕng, Lĕ mănh mbing mâu hôm nchrat ôh.

Amôt 8:9

Kôranh Brah Yêhôva lah: “Tâm nar nây, Gâp mra ƀư ăn nar nhâp tŭp nar nklang bôk Jêh ri ƀư ăn ngo neh ntu dôl nôk nar.

Sakari 14:6

Ta nar nây, mâu mra geh nau ang đŏng ôh, âk mănh mbing nchrat ang mra nhâp êng khân păng nơm.

Mathay 24:29

Ƀât lât jêh lôch lĕ nar rêh ni nây, nar mra jêng ngo, khay mâu mra nchrat ang ôh, phung mănh mbing mra tŭp tă bơh trôk, jêh ri nau dơi ktang klơ trôk mra mpât n'gơ.

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Nau Tâm Mpơl 20:11

Nôk nây gâp saơ du mlâm sưng hađăch toyh jêh ri nglang ndrel ma Nơm gŭ ta sưng hađăch. Tanăp măt Păng neh ntu jêh ri trôk du lĕ, mâu hôm saơ geh ntŭk ma khân păng ôh.