Yêrêmi 4:22 - Nau Brah Ndu Ngơi 2023

²² “Phung ƀon lan Gâp rluk ngăn, Khân păng mâu gĭt năl Gâp ôh. Nây jêng du huê phung kon se rluk, Mâu geh nau gĭt rbăng, Blau ƀư nau mhĭk, Ƀiălah mâu gĭt ƀư nau ueh ôh.”

Yêrêmi 4:22 Iomraidhean Croise

Nau Ntơm 39:16

Păng ăn ao Y-Yôsep ta meng păng kâp tât kôranh păng sĭt,

II Samuel 13:3

Ƀiălah Y-Amnôn geh du huê băl amoh Y-Jêhônadap, kon Y-Simêa, jêng nâu Y-Đavit. Y-Jêhônadap jêng du huê bunuyh blau plĕch rlăm ngăn.

Nau Mprơ Ơm 36:3

Lĕ nau ngơi tă bơh mbung păng jêng nau mhĭk jêh ri nau ndơm da dê; Păng chalơi jêh nau rêh tâm nau blau mĭn jêh ri chalơi nau ueh.

Nau Mprơ Ơm 36:4

Păng nchră ŭch ƀư nau mhĭk ta klơ sưng păng, Gŭ dâk tâm trong mâu ueh, Jêh ri mâu chalơi ôh nau ƀai.

Nau Mprơ Ơm 53:4

Di lĕ phung djơh mhĭk mâu gĭt rbăng? Khân păng sa rvăn phung ƀon lan Gâp tâm ban ma sa ƀănh Jêh ri mâu lĕ vah vơl dăn ma Brah Ndu.

Nau Mprơ Ơm 82:5

Khân păng mâu gĭt mâu lĕ gĭt rbăng, Khân păng chuat hăn tâm nau ngo klĕng; Yor nây, lĕ rngôch mbon neh ntu n'gơ jêh.

Nau Hôr 28:5

Phung ntŭp păng nơm tâm nau mhĭk, mâu gĭt rbăng nau sŏng srăng, Ƀiălah mbu nơm tĭng joi Brah Yêhôva gĭt rbăng lĕ rngôch nau.

Êsai 1:3

Ndrôk hôm gĭt năl nơm mât păng, Seh bri hôm gĭt năl hip gơ̆ kôranh păng; Ƀiălah phung Israel mâu gĭt ôh, Phung ƀon lan Gâp mâu gĭt vât ôh.”

Êsai 27:11

Lah n'gĭng păng kro jêh ri bu nkê̆ch pă, Phung bu ur sŏk gay ƀư long sŭnh ŭnh. Yorlah phung ƀon lan aơ mâu ŭch gĭt rbăng ôh, Yor nây Nơm njêng khân păng mâu yô̆ nđach ma khân păng ôh, Nơm njêng khân păng mâu ăn nau ueh ôh.

Yêrêmi 10:8

Khân păng jêng rluk mâl; Nau ntĭm nti tă bơh lĕ rup brah Mâu rlau ndơ bơh n'gâng tâm si.

Yêrêmi 13:23

Bunuyh Êthiôpi mra dơi tâm rgâl dak piâk ntâu Mâu lah yau brăch tâm rgâl nau rvanh păng? Tơlah dơi, pôri lĕ rngôch khân may jêng phung hŏ mơng ƀư mhĭk Mra dơi ƀư nau ueh.

Yêrêmi 2:8

Lĕ phung kôranh ƀư brah mâu rngot tơlah ôp: ‘Ntŭk Brah Yêhôva gŭ?’ Phung nti nau vay mâu hôm gĭt tât ma Gâp đŏng ôh. Phung chiăp hăn tâm rdâng đah Gâp; Lĕ phung nơm mbơh lor sŏk amoh brah Baal ngơi mbơh lor, Nchuăt tĭng lĕ rup brah mâu khlay ôh.”

Yêrêmi 4:21

Gâp hôm uănh saơ bok kơ Jêh ri tăng bâr nŭng phung rlăng kŏ tât ndah jŏ?

Yêrêmi 5:21

Ăn iăt hom, hơi phung ƀon lan rluk mâl, Geh măt mâu gĭt saơ, Geh tôr mâu gĭt tăng.”

Yêrêmi 5:4

Bi gâp, gâp lah: “Aơ jêng knŏng phung o ach, rluk mâl, Yorlah khân păng mâu gĭt trong Brah Yêhôva, Nau Brah Ndu lah păng.

Yêrêmi 9:2

Ơ! ndă lah gâp geh du ntŭk njưh Tâm bri rdah, Gay gâp chalơi phung ƀon lan gâp Du ngai bơh khân păng. Yorlah khân păng jêng phung văng tĭr da dê, Jêng mpôl ndơm.

Yêrêmi 9:3

“Khân păng van mpiăt khân păng nâm bu van na Khân păng chiă uănh tâm n'gor đah nau mƀruh Mâu di đah nau nanê̆ ngăn ôh. Khân păng hăn bơh nau mhĭk aơ tât nau mhĭk ri, Ƀiălah mâu gĭt năl Gâp.” Brah Yêhôva lah pônây.

Yêrêmi 9:5

Ăp nơm ăt ndơm phung chiau meng, Mâu geh nơm ngơi ngăn. Khân păng nti jêh mpiăt khân păng ngơi mƀruh, Mơng ƀư nau mhĭk ƀaƀơ.

Êsêkiêl 16:30

Kôranh Brah Yêhôva lah: ‘Mâm nuih n'hâm ay rŏng ir kơt nây! Lĕ nau ay ƀư tih lĕ rngôch nau nây jêng nau bu ur văng tĭr mâu gĭt bêk prêng

Ndrom Samƀŭt bơh Ôsê 4:1

Hơi phung ƀon lan Israel, iăt hom nau Brah Yêhôva Yorlah Brah Yêhôva phat dôih phung ƀon lan gŭ tâm n'gor aơ: “Tâm n'gor aơ, mâu geh nau răp jăp, mâu geh nau ueh Ăt mâu geh nau gĭt Brah Ndu.

Ndrom Samƀŭt bơh Ôsê 4:6

Phung ƀon lan Gâp hŏ rai yot yor mâu geh nau gĭt rbăng; Yorlah may hŏ dun jêh nau gĭt rbăng, Yor ri Gâp ăt mâu ăn may ƀư kôranh nơm ƀư brah ma Gâp đŏng ôh; Yorlah may hŏ chuêl jêh nau vay Brah Ndu may, Yor ri Gâp mra chuêl kon sau may tâm ban lĕ.

Ndrom Samƀŭt bơh Ôsê 5:4

Nau kan khân păng ƀư king lơi khân păng Plơ̆ sĭt ma Brah Ndu khân păng. Yorlah nuih n'hâm ka n'hong lăp chiă uănh khân păng Yor ri khân păng mâu gĭt năl ôh Brah Yêhôva.

Amôt 3:10

Brah Yêhôva lah: “Khân păng mâu gĭt ƀư nau sŏng ôh; Khân păng bun bêng drăp ndơ mhĭk ƀai jêh ri ƀư nau ntŭng tâm lĕ pôih toyh khân păng.”

Mika 2:1

Rêh ni ngăn ma phung nchră ŭch ƀư nau mhĭk Jêh ri mĭn ŭch ƀư nau tih gŭ ta klơ gre bê̆ch păng! Tât ang ôi, khân păng ƀư ro nau ŭch mĭn Yorlah khân păng geh nau dơi ƀư tâm ti!

Mika 7:3

Ti khân păng vay ƀư nau mhĭk. Kôranh chiă uănh ŭch geh drăp ndơ, Kôranh phat dôih dơn ndơ bu blŏl; Bi ma kôranh toyh nuih n'hâm bêng ma nau ŭch kơnh, Khân păng tâm nchră ndrel.

Luka 16:8

Kôranh păng tâm rnê ma bunuyh mât uănh ngih kue nây ƀư blau gĭt mĭn ngăn kơt nây. Yorlah phung kon rnôk aơ blau rlau lơn phung kon nau ang tâm nau gŭ ngao ma phung băl khân păng.

Yôhan 16:3

Khân păng mra ƀư lĕ nau nây yorlah khân păng mâu gĭt năl Mbơ̆, mâu gĭt Gâp đŏng.

Samƀŭt Pôl Njuăl Ăn Ma Phung Nsing Ta Ƀon Rôm 1:22

Khân păng êng mbơh khân păng nơm jêng blau mĭn, ƀiălah plơ̆ jêng brŭt rluk.

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.

Samƀŭt Pôl Njuăl Ăn Ma Phung Nsing Ta Ƀon Rôm 16:19

Lĕ rngôch bunuyh gĭt jêh ma nuih n'hâm khân may tông bâr; yor ri, gâp răm maak ma khân may, ŭch ma khân may geh nau blau mĭn ma nau ueh jêh ri ăn kloh ma nau mhĭk.

Samƀŭt Pôl Njuăl Ăn Ma Phung Nsing Ta Ƀon Rôm 3:11

Mâu geh du huê gĭt rbăng ôh, Mâu geh du huê joi Brah Ndu ôh.

I Kôrintô 14:20

Hơi phung oh nâu, ma nau gĭt rbăng, lơi jêng nâm bu kon se ôh; ƀiălah ma nau mhĭk, ăn jêng nâm bu kon se. Ma nau gĭt rbăng, ăn jêng nâm bu bunuyh văch ma toyh.

Nau Vay Nkah Tay 32:28

Yorlah khân păng jêng du ndŭl mpôl pưt nau blau mĭn, Pưt nau gĭt rbăng.

Nau Vay Nkah Tay 32:6

Hơi phung ƀon lan rluk jêh ri mâu geh nau blau mĭn ôh, Khân may mplơ̆ sĭt tay nau yô̆ ma Brah Yêhôva tâm ban pônây bơh? Mâu di ƀơh Păng jêng Mbơ̆, jêng Nơm rhăk njêng, Hŏ rhăk njêng jêh ri ndâk njêng khân may jêng du phung ƀon lan?