Yêrêmi 4:21 - Nau Brah Ndu Ngơi 2023

²¹ Gâp hôm uănh saơ bok kơ Jêh ri tăng bâr nŭng phung rlăng kŏ tât ndah jŏ?

Yêrêmi 4:21 Iomraidhean Croise

II Nau Rêh Jêng 35:25

Y-Yêrêmi nchih nau mprơ rngot ma Y-Jôsia. Kŏ tât ta nar aơ, lĕ rngôch phung bu klâu bu ur ăt hôm mprơ nau mprơ rngot ma Y-Jôsia, jêh ri nau nây jêng du nau vay tâm bri Israel; lĕ nau aơ bu nchih jêh tâm Ndrom Samƀŭt Nau Mprơ Rngot.

II Nau Rêh Jêng 36:10

Tâm bôk năm, hađăch Nêbukatnetsar đă bu hăn nhŭp Y-Jêhôjakin leo păng ma ƀon Babilôn, nđâp ma lĕ rngôch ndơ khlay bơh ngih Brah Yêhôva, jêh ri ndâk oh păng Y-Sêdêkia jêng hađăch chiă uănh n'gor Yuđa jêh ri ƀon Yêrusalem.

II Nau Rêh Jêng 36:17

Yor nây, Brah Yêhôva đă hađăch phung Kaldê lơh khân păng, sŏk đao nkhĭt phung ndăm ta ngih brah kloh ueh khân păng, jêh ri mâu yô̆ ôh, ma phung ndăm mâu lah bu druh, bu ranh mâu lah phung rdja. Brah Yêhôva jao lĕ khân păng tâm ti hađăch phung Kaldê.

II Nau Rêh Jêng 36:3

Hađăch Êjipt n'glưh păng tâm ƀon Yêrusalem, jêh ri đă bri Yuđa chê̆ pi pe rbăn kilô prăk jêh ri pe jât kilô mah.

Yêrêmi 4:19

Ơ! Nau ji gâp, nau ji gâp, Nau rngot klâng tâm nuih n'hâm! Huêng gâp rŭng răng ngăn; Gâp mâu dơi gŭ ât rklăk ôh. Ơ huêng, gâp hŏ tăng bâr nŭng Jêh ri bâr troh rduh tâm lơh!

Yêrêmi 4:20

Nau ji tưp lơ hâu nau ji tưp, Lam n'gor rai ƀhiau. Vâl bok gâp ƀât lât bu ƀư rai lĕ, Bok nchăng sat lĕ tâm ƀât lât.

Yêrêmi 4:22

“Phung ƀon lan Gâp rluk ngăn, Khân păng mâu gĭt năl Gâp ôh. Nây jêng du huê phung kon se rluk, Mâu geh nau gĭt rbăng, Blau ƀư nau mhĭk, Ƀiălah mâu gĭt ƀư nau ueh ôh.”

Yêrêmi 42:14

jêh ri lah pô aơ: ‘Mâu, hên ŭch hăn ma n'gor bri Êjipt, jêng ntŭk hên mâu mra saơ nau tâm lơh, mâu tăng bâr nŭng đŏng ôh, hên mâu mra rvê kƀah ndơ sông sa đŏng ôh, jêh ri hên mra gŭ rêh ta nây yơh,’

Yêrêmi 6:1

“Hơi phung kon sau Benjamin, Du hom bơh Yêrusalem gay geh nau đăp mpăn! Uh hom nŭng ta Têkôa, Yơr kơ nau mbên klơ ƀon Bet-Hakêrem; Yorlah nau ji tưp jêh ri nau ƀư rai toyh ngăn, Bơh mpeh pa lơ dôl văch tât.