Yêrêmi 4:19 - Nau Brah Ndu Ngơi 2023

¹⁹ Ơ! Nau ji gâp, nau ji gâp, Nau rngot klâng tâm nuih n'hâm! Huêng gâp rŭng răng ngăn; Gâp mâu dơi gŭ ât rklăk ôh. Ơ huêng, gâp hŏ tăng bâr nŭng Jêh ri bâr troh rduh tâm lơh!

Yêrêmi 4:19 Iomraidhean Croise

Nau Ntơm 49:6

Mbơh sơm ma huêng gâp mâu ôh ndrel du trong ma khân păng, Huêng gâp mâu tâm rnglăp ôh đah phung khân păng; Yorlah tâm nau khân păng ji nuih hŏ nkhĭt jêh bunuyh, Nôk geh nau tâm ji nuih khân păng koh jêh jâng jon ndrôk nkuăng.

II Phung Hađăch 4:19

jêh ri lah pô aơ: “Gâp ji bôk! Gâp ji bôk!” Mbơ̆ păng lah ma oh mon: “Djôt leo hom păng sĭt ăn mê̆ păng.”

II Phung Hađăch 8:11

Y-Êlisê rnam muh măt, n'gơr uănh Y-Hasael jŏ ngăn kŏ tât păng prêng. Jêh nây bunuyh Brah Ndu luh nhĭm.

Nau Mprơ Ơm 103:1

Ơ huêng gâp, tâm rnê hom ma Brah Yêhôva! Lĕ ntil ndơ gŭ tâm gâp, Mprơ tâm rnê hom ma amoh kloh ueh Păng!

Nau Mprơ Ơm 116:7

Ơ huêng gâp, lŏ sĭt hom ma ntŭk may rlu, Yorlah Brah Yêhôva ƀư ueh ma may rmeh ler.

Nau Mprơ Ơm 119:136

Dak măt gâp hoch nâm bu dak n'hor, Yorlah bu mâu tông prăp ôh ma nau vay May.

Nau Mprơ Ơm 119:53

Gâp ji nuih hâu ngăn, Dôl phung ƀai chalơi nau vay May.

Nau Mprơ Ơm 146:1

Halêluya! Ơ huêng gâp, tâm rnê hom ma Brah Yêhôva!

Nau Mprơ Ơm 16:2

Gâp lah ma Brah Yêhôva pô aơ: “May Jêng Kôranh Brah gâp, Padih May, gâp mâu geh nau ueh êng ôh.”

Êsai 15:5

Nuih n'hâm gâp lŭng nter yor Môap; Bunuyh khân păng nchuăt du tât ta ƀon Sôar jêh ri ƀon Êglat-Sêlisija. Yorlah ta dor yôk Luhit Khân păng ƀă hao ƀă nhĭm; Tâm trong Hôrônaim, Khân păng lŭng nter yor nau ƀư rai.

Êsai 16:11

Yor ri, nuih n'hâm Gâp nđêng tâm ban ma gong rêng loih yor bri Môap, Nuih n'hâm Gâp yor Kir-Hêres nđêng kơt nây đŏng.

Êsai 21:3

Yor nây, bŭt gâp ji ngăn, Nau ji kruăn rêt nhŭp gâp Tâm ban ma nau ji kruăn rêt du huê bu ur me dôl deh kon. Nau ji gâp anh ƀư ăn ma gâp mâu dơi tăng ôh, Nau klach krit ƀư ma gâp mâu dơi saơ!

Êsai 21:4

Nuih n'hâm gâp uh ah, Nau klach krit ƀư ăn gâp hih rhâl; Gâp kâp gân tâm kêng măng Plơ̆ jêng nau klach krit ma gâp.

Êsai 22:4

Yor nây, gâp lah: “N'gĭl hom măt bơh gâp! Ăn gâp nhĭm rngot ngăn; Lơi srôih joi nau bonh leng gâp ôh Ma nau ƀư rai kon bu ur phung ƀon lan gâp!”

Yêrêmi 13:17

Ƀiălah tơlah lĕ bunuyh mâu iăt ôh Huêng gâp mra nhĭm ăn ma nau sưr lĕ bunuyh. Gâp mra nhĭm rngot ngăn, hoch truh dak măt, Yorlah phung biăp Brah Yêhôva bu nhŭp rdu.

Yêrêmi 20:9

Tơlah gâp ngơi: “Gâp mâu mra ngơi tât ma Păng đŏng ôh; Gâp mâu mra tâm amoh Păng đŏng ôh,” Nau May ngơi nâm bu chiông ŭnh su hit nuih n'hâm gâp, Put ndâp tâm nting gâp, Gâp hŏt rgănh yor nau ât rklăk, Mâu hôm dơi dơn ôh.

Yêrêmi 23:9

Ma lĕ nơm mbơh lor: Nuih n'hâm gâp lĕ nchah rai; Nting nđăng Gâp lêt rgănh; Gâp nâm bu bunuyh nhŭl ndrănh, Nâm bu bunuyh nhŭl ndrănh hâu ngăn yor ndrănh, Yor Brah Yêhôva Yor lĕ rngôch nau kloh ueh Păng.

Yêrêmi 4:21

Gâp hôm uănh saơ bok kơ Jêh ri tăng bâr nŭng phung rlăng kŏ tât ndah jŏ?

Yêrêmi 4:5

Mbơh hom tâm phung Yuđa jêh ri tâm ƀon Yêrusalem pô aơ: “Uh nŭng hom lam neh. Nter huy hom pô aơ: ‘Abaơ, he tâm rgum hom Jêh ri du lăp ma ƀon nâp!’

Yêrêmi 42:14

jêh ri lah pô aơ: ‘Mâu, hên ŭch hăn ma n'gor bri Êjipt, jêng ntŭk hên mâu mra saơ nau tâm lơh, mâu tăng bâr nŭng đŏng ôh, hên mâu mra rvê kƀah ndơ sông sa đŏng ôh, jêh ri hên mra gŭ rêh ta nây yơh,’

Yêrêmi 49:2

Brah Yêhôva lah: “Yor nây, ri, nar mra tât, Gâp mra ƀư ăn bâr troh tâm lơh nteh huy Tâm rdâng đah ƀon Raba phung kon Ammôn, Păng mra jêng du gôl rngol; Ƀon jê̆ jŭm păng bu mra su ma ŭnh. Rnôk nây, phung Israel mra pit in tay drăp ndơn tă bơh phung hŏ pit jêh drăp ndơn khân păng.” Brah Yêhôva lah pônây.

Yêrêmi 50:22

“Nteh nau tâm lơh bhing bhing tâm n'gor; Nau mhĭk tât toyh ngăn!

Yêrêmi 6:24

Tăng lư nau nây, Ti jâng hên hươi ra ai ngăn, Nau klach krit rêt nâp phung hên, Ƀư ma hên ji kruăn rêt nâm bu ur ji deh.

Yêrêmi 8:18

Ŭch ma gâp dơi bonh leng bơh nau rngot, Nau knap ƀư nchah rai tâm nuih n'hâm!

Yêrêmi 8:21

Yorlah nau sôt rmanh phung kon bu ur ƀon lan gâp nuih n'hâm gâp ji ngăn yơh, Gâp nhĭm vơl klâng ndrê, nau krit nhŭp nâp gâp.

Yêrêmi 9:1

Ơ! Ŭch ma bôk gâp jêng dak n'hor, Măt gâp jêng tu dak măt, Gâp mra nhĭm ndăng nar măng Ăn phung bunuyh bu nkhĭt kon bu ur ƀon lan gâp!

Yêrêmi 9:10

Gâp mra nhĭm nhhiăng vah vơl ăn lĕ yôk, Nau mprơ klâng rngot ăn ma ndrêch gơ̆ tâm bri rdah, Yorlah khân păng ŭch sa, mâu du huê bunuyh găn tât, Mâu hôm tăng bâr phung mpô mpa rong; Tă bơh sĭm tâm trôk kŏ tât mpa bri, Lĕ rngôch du roh da dê.

Nau Nhĭm Vơl 1:16

Yor nây gâp nhĭm nhhiăng; Gâp hor âk dak măt; Yorlah nơm bonh leng gâp ngai jêh ma gâp, Mâu geh nơm n'hao nuih gâp ôh. Phung kon gâp gŭ êng, Yorlah phung rlăng hŏ dơi jêh.”

Nau Nhĭm Vơl 1:20

Ơ Brah Yêhôva, dăn uănh hom! Dôl gâp geh nau rêh ni ngăn; Proch khŭng gâp rung răng; nuih n'hâm gâp uh ah ngăn. Yorlah gâp dăng bôk dŭt n'hâm ngăn! Tâm trong sâng geh tak đao ntâp nkhĭt Tâm ngih vâl geh nau khĭt âk ngăn.

Nau Nhĭm Vơl 2:11

Măt gâp lĕ huănh hươi jêh yor hoch âk dak măt, Proch khŭng uh ah ngăn; Nuih n'hâm gâp lĕ nkhŭt tâm neh Yorlah kon bu ur ƀon lan gâp bu ƀư rai jêh; Yorlah phung kon se jê̆ jêh ri oh bê Cha lôt prah tâm lĕ trong sâng.

Daniel 4:19

Rnôk nây, Y-Daniel, ăt rnha Y-Beltisasar, mâu dơi ngơi tâm ƀât lât. Lĕ nau mĭn ƀư ma păng rŭng răng. Hađăch lah: “Hơi Y-Beltisasar, lơi ăn nau mbơi jêh ri nau rblang ƀư rŭng may ôh.” Y-Beltisasar plơ̆ lah: “Ơ kôranh gâp, ăn nau mbơi aơ tât ma phung tâm rmot ma may, jêh ri nau rblang prăp ma phung rlăng đah may!

Daniel 7:15

“Gâp, Y-Daniel, huêng gâp rŭng răng, lĕ nau tâm saơ tâm bôk ƀư ma gâp klach ngăn.

Daniel 7:28

Nau nkoch bri lôch ta aơ. Bi gâp, Y-Daniel, lĕ nau mĭn ƀư ma gâp rŭng răng ngăn, muh măt rgâl jêng êr; ƀiălah gâp ăt djôt prăp lĕ nau nây tâm nuih n'hâm.”

Daniel 8:27

Rnôk nây, gâp, Y-Daniel, rgănh suan ngăn jêh ri ji kuet tâm âk nar. Jêh nau nây gâp dâk jêh ri pah kan ma hađăch. Gâp hih rhâl ma nau tâm saơ nây jêh ri ăt mâu dơi gĭt rbăng lĕ ôh nau khlay.

Amôt 3:6

Lah bu uh nŭng tâm ƀon toyh Pôri phung ƀon lan mâu hĕ klach? Geh lĕ nau mhĭk tât ma du rplay ƀon Tơlah Brah Yêhôva mâu ƀư nau nây?

Habakuk 3:16

Tăng lĕ nau aơ, lam săk jăn gâp râm sâr, Toh yoi gâp mprâm ngăn, Nting gâp nâm bu bơi rmuk ôm, Jêh ri jâng gâp chuat ndĭt ndiu. Gâp mra gŭ rklăk gay kâp nar rêh ni, Jêng nar geh phung ƀon lan văch lơh hên.

Nau Kơp Bunuyh 10:9

Nôk tâm n'gor geh tâm lơh jêh ri ăn khân may hăn du luh tâm lơh tâm rdâng đah phung rlăng tŭn jot khân may, pôri khân may mra uh nŭng ăn hăn tâm lơh. Nôk nây taơ, Brah Yêhôva Brah Ndu khân may mra kah gĭt ma khân may jêh ri rklaih ma khân may luh bơh phung rlăng.

Samƀŭt Pôl Njuăl Ăn Ma Phung Nsing Ta Ƀon Rôm 10:1

Hơi phung oh nâu, nau ŭch tâm nuih n'hâm gâp jêh ri nau gâp mbơh sơm đah Brah Ndu jêng gay ma phung Israel geh nau tâm rklaih.

I Kôrintô 14:8

Tơlah bâr nŭng mâu rah vah ôh, mbu nơm mra ndrăp tâm lơh?

Galati 4:19

Hơi phung kon gâp, yor phung khân may gâp tuy dơn nau nđêh nji tâm ban ma nau ji deh kon kŏ tât nôk Brah Krist jêng tâm khân may!

Phung Kôranh Phat Dôih 5:21

Dak n'hor Kisôn bŭk rdu phung rlăng, Jêng dak n'hor Kisôn nar kăl e. Hơi huêng gâp! hăn hom ma nau ktang!