Yêrêmi 4:16 - Nau Brah Ndu Ngơi 2023

¹⁶ “Ntĭnh hom ăn ma lĕ rngôch bri dak! Mbơh hom ăn phung Yêrusalem pô aơ: ‘Phung nchueng lơh tât tă bơh bri ngai, Khân păng nter troh tâm rdâng phung ƀon Yuđa.

Yêrêmi 4:16 Iomraidhean Croise

Êsai 34:1

Hơi lĕ bri dak văch dăch hom, gay tăng, Ơ phung ƀon lan, rkêng tôr iăt hom! Rplay neh jêh ri lĕ rngôch ndơ tâm păng, Neh ntu jêh ri lĕ mpa luh bơh păng, Rkêng tôr hom!

Êsai 39:3

Nơm mbơh lor Y-Êsai hăn mâp ma hađăch Hêsêkia jêh ri ôp: “Moh nau phung nây lah ma may, jêh ri mbah tă khân păng văch tât?” Y-Hêsêkia plơ̆ lah: “Khân păng văch tât tă bơh n'gor Babilôn bri ngai hăn chop khâl gâp.”

Yêrêmi 1:15

Pôri, Gâp mra kuăl rgum lĕ rngôch băl mpôl bunuyh lĕ bri dak mpeh pa lơ — Brah Yêhôva lah pônây — khân păng mra tât jêh ri lĕ rngôch n'gân da dê sưng hađăch păng ta ntŭk trong lăp lĕ mpông ƀon Yêrusalem, nchueng jŭm pôih nâp păng tâm ban lĕ rngôch ƀon Yuđa.

Yêrêmi 16:6

“Bunuyh toyh phung jê̆ mra khĭt da dê tâm neh aơ. Mâu geh nuyh tâp brôi, mâu lĕ geh nuyh nhĭm vơl, mâu lĕ rek tor săk jăn nơm mâu lah poih bôk yor khân păng.

Yêrêmi 2:15

Phung yau mŭr ndăm rah ngrông, Rđuh dŭt huy tâm rdâng đah păng, Ƀư ăn neh păng rgâl jêng rngol; Lĕ rngôch ƀon păng lĕ bu su ma ŭnh, mâu geh bunuyh gŭ.

Yêrêmi 31:10

Ơ lĕ bri dak, iăt hom nau Brah Yêhôva; Mbơh hom nau Păng tât ma lĕ gôl dak mƀŭt ngai ngăn! Ngơi hom, ‘Nơm ƀư nchah rai pru pra phung Israel mra tâm rgum tay khân păng, Gak njrăng khân păng nâm bu rmăk biăp gak njrăng phung biăp.’

Yêrêmi 39:1

Khay jât, năm rơh sĭn rnôk rô̆ Y-Sêdêkia, hađăch Yuđa, Y-Nêbukatnetsar, hađăch Babilôn, djôt leo ndrel ma phung tahan hăn văch tâm lơh jêh ri văr jŭm ƀon Yêrusalem.

Yêrêmi 4:17

Khân păng nchueng Yêrusalem nâm bu nơm chiă mir; Yorlah ƀon nây hŏ tâm rdâng đah Gâp.’” Brah Yêhôva lah pônây.

Yêrêmi 5:15

Brah Yêhôva lah: “Hơi ngih phung Israel, Gâp mra djôt du ndŭl mpôl ƀon ngai tât tâm rdâng đah may. Nây jêng du ndŭl mpôl dăng ktang, Du ndŭl mpôl ơm jêh, Du ndŭl mpôl nau ngơi khân păng may mâu gĭt, Mâu gĭt rbăng moh nau khân păng ngơi.

Yêrêmi 5:6

Yor nây, yau mŭr tâm bri mra nkhĭt khân păng, So bri bơh bri rdah ƀư rai khân păng. Yau brăch mra rmiăt kêng padih ƀon khân păng, Mbu nơm luh bơh ƀon mra hêk sa! Yorlah nau tih toyh khân păng âk ngăn, Nau tâm rdâng khân păng mâu dơi kơp.

Yêrêmi 50:2

“Mbơh hom jêh ri tâm mpơl ăn ma lĕ rngôch bri dak, Ăn yơr hom kơ jêh ri tâm mpơl, Lơi ta pôn mo ôh; lah hom: ‘Babilôn lĕ bu ƀư rai jêh, Brah Bel prêng jêh, Brah Mêrôdak klach krit ngăn, Bu ƀư prêng rup trah păng, Rup brah păng bu ƀư rlâm rai jêh!’

Yêrêmi 6:18

Yor pônây, hơi lĕ bri dak, iăt hom; Hơi lĕ rngôch phung tâm rƀŭn, gĭt hom lĕ nau mra tât ăn ma khân păng.

Yêrêmi 6:19

Hơi neh, iăt hom! Gâp mra djôt nau mhĭk tât ma phung ƀon lan aơ, Nây jêng nau play bơh lĕ mĭn nchră khân păng, Yorlah khân păng mâu rkêng tôr iăt tât ma nau Gâp, Jêh ri dun nau vay Gâp.

Yêrêmi 6:22

Brah Yêhôva lah: “Aơ, du phung ƀon lan tât bơh mpeh pa lơ; Du bri dak toyh ktang hao ntoh tă bơh nglĕ dŭt rplay neh.

Yêrêmi 6:23

Khân păng djôt nâp na jêh ri tak, Janh hâng mhĭk ƀai ngăn, mâu geh nuih n'hâm yô̆ nđach ôh. Nteh khân păng nter huy nâm bu dak mƀŭt lŭng nter; Khân păng ncho klơ seh, Âk bunuyh nâm bu du huê, Ndrăp rduh lơh may, Hơi kon bu ur Siôn!”

Yêrêmi 8:19

Aơ, geh bâr bu ur ƀon lan gâp kuăl rklaih, Plơ̆ sĭt bơh bri ngai ngăn: “Brah Yêhôva mâu hôm gŭ tâm ƀon Siôn hĕ? Hađăch Siôn mâu hôm gŭ tâm ƀon nây hĕ?” “Mâm ƀư khân păng dŏng rup trah khân păng Jêh ri brah dơm dam phung bu năch, Ƀư srônh ji nuih Gâp?”

Êsêkiêl 21:22

Tâm ban lĕ Gâp tap bar đah ti ƀư bah nau Gâp ji nuih. Gâp nơm yơh, Brah Yêhôva, lah pônây.”