Yêrêmi 4:15 - Nau Brah Ndu Ngơi 2023

¹⁵ Yorlah geh bâr mbơh tă bơh neh Dan, Jêh ri mbơh nau ji tưp tă bơh yôk Êphraim.

Yêrêmi 4:15 Iomraidhean Croise

Êsai 52:7

Phung mbơh nau đăp mpăn, Mbơh nau mhe mhan ueh, Mbơh nau tâm rklaih, Jêh ri lah ma ƀon Siôn pô aơ: “Brah Ndu may gŭ chiă uănh;” Mbang jâng phung nây ta klơ yôk Ueh ngăn!

Yêrêmi 10:22

Aơ, geh nau lư mpăr tât, Du nau n'găr ktang bơh neh mpeh pa lơ, Ƀư ăn lĕ ƀon Yuđa luh jêng rngot njăp, Jêng trôm so bri.

Yêrêmi 6:1

“Hơi phung kon sau Benjamin, Du hom bơh Yêrusalem gay geh nau đăp mpăn! Uh hom nŭng ta Têkôa, Yơr kơ nau mbên klơ ƀon Bet-Hakêrem; Yorlah nau ji tưp jêh ri nau ƀư rai toyh ngăn, Bơh mpeh pa lơ dôl văch tât.

Yêrêmi 8:16

Tă bơh ƀon Dan, bu hŏ tăng nau nter seh; Neh n'găr mpât yorlah nteh krĭ phung seh tâm lơh. Khân păng tât rvăn neh jêh ri play kao neh, Rvăn ƀon jêh ri bunuyh gŭ tâm ƀon.

Yôsuê 17:15

Y-Yôsuê plơ̆ lah: “Tơlah khân may jêng du phung ƀon lan âk ngăn jêh ri bri klơ dor Êphraim lĕ rhăt ir, khân may hăn hao hom tât ta bri krŏng muyh jêh ri njêng ma khân may du ntŭk tâm n'gor phung Pêrisit jêh ri phung Rêphaim.”

Yôsuê 20:7

Pônây, phung ƀon lan Israel prăp êng ƀon Kêdês tâm bri Galilê, bri klơ dor Naptali, ƀon Sichem tâm bri klơ dor Êphraim jêh ri ƀon Kiriat-Arba, jêng Hêbron, tâm bri klơ dor yôk Yuđa.

Phung Kôranh Phat Dôih 18:29

Khân păng ntơ ƀon nây Dan, kon bu klâu Y-Israel, jêng chô yau khân păng gay ma ntơ ma ƀon toyh nây; bi ntơ amoh saơm jêng Lais.

Phung Kôranh Phat Dôih 20:1

Rnôk nây, lĕ rngôch phung ƀon lan Israel du luh ntơm bơh Dan tât ma Bêr-Sêba, nđâp lĕ n'gor Gilêat; hăn nâm bu du huê bunuyh jêh ri tâm rƀŭn tanăp Brah Yêhôva ta Mispa.