Yêrêmi 4:14 - Nau Brah Ndu Ngơi 2023

¹⁴ Hơi phung Yêrusalem, ƀư kloh hom nau djơh mhĭk tâm nuih n'hâm may, Gay may dơi klaih. May hôm e prăp têm lĕ nau mĭn djơh mhĭk tâm nuih n'hâm Kŏ tât ndah jŏ?

Yêrêmi 4:14 Iomraidhean Croise

Nau Mprơ Ơm 119:113

Gâp tâm rmot ma phung geh nuih n'hâm tâm pă bar, Ƀiălah gâp rŏng kơnh ma nau vay May.

Nau Mprơ Ơm 51:2

Dăn rao kloh lĕ nau djơh mhĭk Jêh ri ƀư kloh lĕ nau tih gâp.

Nau Mprơ Ơm 66:18

Tơlah nuih n'hâm gâp n'gĭl uănh nau mĭn mhĭk Kôranh Brah mâu mra iăt nau gâp ôh.

Nau Hôr 1:22

“Hơi phung rluk, khân may rŏng nau rluk kŏ tât ndah dŭt jŏ? Phung mưch mra rŏng ma nau tâm mưch Jêh ri phung rluk mra tâm rmot ma nau blau mĭn kŏ tât ndah nâm jŏ?

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Yêrêmi 13:27

Gâp hŏ saơ lĕ nau ƀơ̆ ƀơch bơh may, Nau tih văng tir, nau pâl tâm krĭ văng tĭr phung ka n'hong may, Ta klơ lĕ dor yôk, ta nklang mir. Ơ Yêrusalem, rêh ni ăn ma may! Ndah jŏ may mra mâu ŭch ƀư kloh?”

Yêrêmi 17:1

“Nau tih ƀon lan Yuđa dơi nchih đah mâng nchih loih, Tor kach ma chiông lŭ mplanh diamôn, Ta klơ tâm trôm nuih n'hâm jêh ri ta nke lĕ nơng ƀư brah khân păng,

Yêrêmi 18:11

Pônây, aƀaơ aơ may ngơi hom ma phung Yuđa jêh ri phung gŭ tâm ƀon Yêrusalem pô aơ: ‘Brah Yêhôva lah: Aơ, Gâp dôl tâm nal djôt nau mhĭk tât ăn ma khân may jêh ri dăp kan tâm rdâng đah khân may. Ăn nơm tâm khân may chalơi hom trong mhĭk jêh ri nkra tay trong ndrel ma lĕ kan khân may ƀư!’

Yêrêmi 2:22

Nđâp lah geh dŏng dak si ƀư kloh Jêh ri âk saƀu gay ma jut rao păng nơm, Pôri tanăp măt Gâp, têl nau tih mhĭk may ăt hôm ta ntŭk nây.” Brah Yêhôva lah pônây.

Yêrêmi 6:19

Hơi neh, iăt hom! Gâp mra djôt nau mhĭk tât ma phung ƀon lan aơ, Nây jêng nau play bơh lĕ mĭn nchră khân păng, Yorlah khân păng mâu rkêng tôr iăt tât ma nau Gâp, Jêh ri dun nau vay Gâp.

Êsêkiêl 18:31

Mƀăr ngai hom đah khân may lĕ rngôch nau tih khân may ƀư jêh. Ƀư hom ma khân may nơm nuih n'hâm mhe jêh ri huêng brah mhe! Hơi ngih Israel, mâm ƀư khân may ŭch khĭt?’

Sakari 8:17

lơi ta mĭn nau mhĭk tâm nuih n'hâm ŭch ƀư djơh ndrăng khân may nơm; jêh ri lơi ta rŏng nau ton mƀruh ôh, yorlah Gâp tâm rmot ma lĕ rngôch nau nây.” Brah Yêhôva lah kơt nây.

Mathay 12:33

“Mâu lah tơm si ueh play păng ueh tâm ban lĕ, mâu lah tơm si mhĭk play păng mhĭk lĕ; yorlah bu dơi gĭt năl tơm si ta play păng.

Luka 11:39

Yor ri, Kôranh Brah lah: “Phung Pharisi khân may rao kloh padih ngan grưng jêh ri ngan khăl, ƀiălah tâm trôm bêng ma nau kơnh rlau ir jêh ri djơh mhĭk.

Yôhan 13:9

Y-Pêtrôs lah: “Hơi Kôranh Brah, lơi rao knŏng jâng dơm, ƀiălah rao ti nđâp ma bôk gâp đŏng.”

Kôranh Oh Mon 8:22

Pôri, rmal hom ma nau mhĭk may jêh ri mbơh sơm ma Kôranh Brah, gay Păng mra yô̆ an nau mĭn nây tâm nuih n'hâm may.

Samƀŭt Pôl Njuăl Ăn Ma Phung Nsing Ta Ƀon Rôm 1:21

Yorlah nđâp tơlah hŏ gĭt năl jêh Brah Ndu, khân păng mâu ŭch tâm n'hao prêh ma Păng jêng Brah Ndu ôh jêh ri mâu lah ueh Păng, ƀiălah khân păng ăt mĭn mâu geh kô̆; nuih n'hâm rluk mâl khân păng plơ̆ jêng nau ngo klĕng.

I Kôrintô 3:20

Jêh ri: “Kôranh Brah gĭt năl lĕ nau mĭn phung blau mĭn Jêng mâu khlay ôh.”

Yakơ 4:8

Văch dăch hom ma Brah Ndu ri mơ Păng mra văch dăch ma khân may. Hơi phung tih, rao kloh hom ti khân may; hơi phung geh bar nuih n'hâm, ƀư kloh hom nuih n'hâm khân may;