Yêrêmi 39:7 - Nau Brah Ndu Ngơi 2023

⁷ Hađăch nây rloch lơi măt Y-Sêdêkia, nkông ma rse rvăk kông gay njŭn leo ma bri Babilôn.

Yêrêmi 39:7 Iomraidhean Croise

II Phung Hađăch 25:7

Khân păng nkhĭt phung kon bu klâu Y-Sêdêkia tanăp măt păng. Jêh nây khân păng rloch lơi măt Y-Sêdêkia, nkông păng ma rse rvăk kông, jêh ri njŭn leo păng ma bri Babilôn.

Nau Mprơ Ơm 119:8

Gâp mra djôt prăp nau ntĭnh bơh May, Lơi ta chalơi gâp ôh.

Yêrêmi 20:4

Yorlah Brah Yêhôva lah: ‘Aơ, Gâp mra ƀư may jêng nau klach krit ngăn ăn may nơm jêh ri ma lĕ rngôch mĭt jiăng may. Khân păng mra cha lôt khĭt tâm dâng đao phung rlăng jêh ri măt may nơm saơ nau nây. Gâp mra jao lĕ rngôch phung ƀon lan Yuđa tâm ti hađăch Babilôn, hađăch nây mra njŭn leo khân păng jêng bu nă ma bri Babilôn jêh ri dŏng đao nkhĭt khân păng.

Yêrêmi 34:3

May nơm mâu mra klaih tă bơh hađăch nây, ƀiălah bu mra nhŭp jêh ri jao tâm ti hađăch nây. May mra saơ ma măt hađăch Babilôn, tâm ngơi măt đah măt ma hađăch nây jêh ri may mra hăn ma bri Babilôn.’

Yêrêmi 44:30

Brah Yêhôva lah: ‘Aơ, Gâp mra jao Pharaôn Hôphra, hađăch bri Êjipt, ma ti phung rlăng păng, nây jêng tâm ti phung ŭch joi gay ngroh lơi nau rêh păng, nâm bu Gâp hŏ jao jêh Y-Sêdêkia, hađăch n'gor Yuđa, tâm ti Y-Nêbukatnetsar, hađăch bri Babilôn, jêng nơm rlăng ŭch joi gay nkhĭt Y-Sêdêkia.’”

Yêrêmi 52:11

Hađăch nây đă rloch lơi măt Y-Sêdêkia, nkông ma rse rvăk kông. Hađăch Babilôn njŭn leo Y-Sêdêkia ma bri Babilôn, krŭng tâm ndrung kŏ tât nar khĭt.

Êsêkiêl 12:13

Gâp mra nthăng jal ta klơ hađăch, jêh ri păng mra geh tâm dăk Gâp. Gâp mra njŭn leo hađăch ma Babilôn jêng bri phung Kaldê. Ƀiălah păng mâu mra saơ bri nây ôh nđâp lah mra khĭt ta nây.

Phung Kôranh Phat Dôih 16:21

Phung Philistin nhŭp păng, rloch măt păng, jêh ri leo păng trŭnh ma Gaxa. Khân păng chăp păng ma rse rvăk kông jêh ri păng kĭn mpăl peh tâm ndrung bu nă.