Yêrêmi 39:6 - Nau Brah Ndu Ngơi 2023

⁶ Hađăch Babilôn nkhĭt phung kon bu klâu Y-Sêdêkia tanăp măt hađăch nây ta ƀon Ribla; hađăch Babilôn đă nkhĭt đŏng lĕ rngôch phung kôranh Yuđa.

Yêrêmi 39:6 Iomraidhean Croise

Nau Ntơm 21:16

jêh nây păng nơm hăn jêh ri gŭ mpeh tra năp, ƀah ma kon se nây klăp truyh pănh ma hăr, yorlah păng lah: “Lơi ôh ăn gâp saơ khĭt kon gâp!” Dôl păng gŭ tâm tham tra năp nĕ, păng nhĭm nter.

Nau Ntơm 44:34

Ngăn, mâm ƀư gâp dơi sĭt ma mbơ̆ gâp lah ndăm jê̆ nây mâu sĭt ôh ndrel ma gâp? Mâu, gâp mâu ŭch saơ ôh nau mhĭk tât ma mbơ̆ gâp!”

II Phung Hađăch 22:20

Aơ, Gâp mra ăn ma may rgum ndrel ma phung chô yau may, jêh ri bu mra tâp may tâm môch ma nau đăp mpăn. Măt may mâu mra saơ ôh lĕ rngôch nau mhĭk Gâp mra ăn tât ma ntŭk aơ.’” Khân păng plơ̆ mbơh tay ma hađăch lĕ nau ngơi nây.

II Phung Hađăch 25:7

Khân păng nkhĭt phung kon bu klâu Y-Sêdêkia tanăp măt păng. Jêh nây khân păng rloch lơi măt Y-Sêdêkia, nkông păng ma rse rvăk kông, jêh ri njŭn leo păng ma bri Babilôn.

II Nau Rêh Jêng 34:28

Aơ, Gâp mra ăn ma may rgum ndrel ma phung chô yau may, may mra khĭt tâm nau đăp mpăn jêh ri măt may mâu mra saơ ôh lĕ rngôch nau mhĭk Gâp mra ăn tât ma ntŭk aơ jêh ri ma phung gŭ tâm ntŭk aơ.’” Jêh ri khân păng plơ̆ mbơh tay lĕ nau ngơi ma hađăch.

Êsther 8:6

Yorlah mâm gâp uănh saơ nau mhĭk tât ma phung ƀon lan gâp? Mâu lah mâm gâp saơ nau ƀư rai phung ndŭl mpôl gâp?”

Êsai 13:16

Bu nchah rai hăch rhên phung kon jê̆ khân păng Tanăp măt khân păng, Bu sŏk pit ngih vâl, Bu tom bê̆ch ndrel đah phung ur khân păng.

Êsai 34:12

Phung bu yơk mâu hôm; Ta bri nây bu mâu hôm rnha ƀon bri hađăch ôh, Lĕ rngôch phung kôranh păng jêng dơm dam.

Yêrêmi 20:4

Yorlah Brah Yêhôva lah: ‘Aơ, Gâp mra ƀư may jêng nau klach krit ngăn ăn may nơm jêh ri ma lĕ rngôch mĭt jiăng may. Khân păng mra cha lôt khĭt tâm dâng đao phung rlăng jêh ri măt may nơm saơ nau nây. Gâp mra jao lĕ rngôch phung ƀon lan Yuđa tâm ti hađăch Babilôn, hađăch nây mra njŭn leo khân păng jêng bu nă ma bri Babilôn jêh ri dŏng đao nkhĭt khân păng.

Yêrêmi 21:7

Brah Yêhôva lah: ‘Jêh nây, Gâp mra jao Y-Sêdêkia, hađăch Yuđa, phung oh mon păng jêh ri phung ƀon lan tâm ƀon, nâm bu ntĭt lĕ rngôch phung hôm klen pakơi nau ji tưp, tak đao, nau sât ji ngot, tâm ti Nêbukatnetsar, hađăch Babilôn, tâm ti phung rlăng khân păng jêh ri ma phung joi ƀư ngroh lơi nau rêh khân păng. Nêbukatnetsar mra lơh khân păng ma mpiăt đao, mâu mra yô̆ an, ti mâu djân, mâu geh nau rŏng.’

Yêrêmi 34:3

May nơm mâu mra klaih tă bơh hađăch nây, ƀiălah bu mra nhŭp jêh ri jao tâm ti hađăch nây. May mra saơ ma măt hađăch Babilôn, tâm ngơi măt đah măt ma hađăch nây jêh ri may mra hăn ma bri Babilôn.’

Yêrêmi 38:23

Lĕ rngôch phung ur kon hađăch bu mra njŭn leo ăn ma phung Kaldê; bi ma hađăch ăt mâu mra klaih ôh bơh ti khân păng, ƀiălah hađăch Babilôn mra nhŭp jêh ri bu mra su ƀon aơ ma ŭnh.”

Yêrêmi 52:10

Hađăch Babilôn nkhĭt phung kon bu klâu Y-Sêdêkia tanăp măt păng; hađăch đă nkhĭt đŏng lĕ rngôch phung kôranh Yuđa ta ƀon Ribla.

Êsêkiêl 23:24

Khân păng ndrăp ndơ tâm lơh, ndeh seh, ndeh rdeng ndơ, jêh ri du phung tahan âk râk văch tâm rdâng đah ay; khăn păng sŏk khêl toyh, khêl jê̆, jêh ri ndô môk loih nchueng jŭm ay. Gâp mra jao nau phat dôih khân păng jêh ri khân păng mra phat dôih tĭng nâm nau vay ƀư khân păng.

Êsêkiêl 24:5

Săch hom du mlâm biăp ueh ngăn tâm phung Jêh ri bun long tâm dâng glah gay gâm nting. Gâm hom ăn khuh Gay krĕt nting tâm glah.’

Sôphôni 1:8

Tâm nar Brah Yêhôva nhhơr mpa ƀư brah, Gâp mra tâm rmal phung kôranh chiă uănh, phung kon bu klâu hađăch Jêh ri lĕ rngôch phung nsoh kho ao bu năch.

Nau Vay Nkah Tay 28:34

jêh ri lĕ nau khân may saơ mra ƀư ma khân may jêng ndrăng.