Yêrêmi 39:5 - Nau Brah Ndu Ngơi 2023

⁵ Ƀiălah phung tahan Kaldê hăn tĭng jêh ri tĭng ban Y-Sêdêkia tâm neh lâng ƀon Yêrikô; khân păng nhŭp hađăch jêh ri njŭn ăn ma Y-Nêbukatnetsar, hađăch Babilôn, ta ƀon Ribla, tâm bri Hamat. Ta nây, hađăch Y-Nêbukatnetsar phat dôih hađăch Sêdêkia.

Yêrêmi 39:5 Iomraidhean Croise

II Samuel 8:9

Tơlah hađăch ƀon Hamat, jêng Y-Toi, tăng lư ma Y-Đavit dơi jêh đah lĕ phung tahan Y-Hadadêser,

II Phung Hađăch 17:24

Hađăch Asiri njŭn leo phung bunuyh tă bơh Babilôn, Kuta, Ava, Hamat jêh ri Sêpharvaim, văch tât gŭ tâm lĕ ƀon n'gor Samari, ntrok ntŭk phung ƀon lan Israel. Khân păng pit in n'gor Samari jêh ri gŭ tâm lĕ ƀon păng.

II Phung Hađăch 23:33

Pharaôn Nêkô nhŭp krŭng Y-Jôacha ta ƀon Ribla, tâm n'gor Hamat, gay ma păng mâu dơi ƀư hađăch tâm ƀon Yêrusalem đŏng ôh, jêh ri păng nchâp n'gor Yuđa chê̆ pi pe rbăn kilô prăk jêh ri pe jât kilô mah.

II Phung Hađăch 25:6

Phung tahan Kaldê nhŭp hađăch, njŭn tât ma hađăch Babilôn ta ƀon Ribla. Ta nây, khân păng phat dôih Y-Sêdêkia.

II Nau Rêh Jêng 33:11

Yor nây, Brah Yêhôva ntrŭt phung kôranh tahan hađăch Asiri tât lơh khân păng, nhŭp chăp Y-Manasê ma rse rvăk kông jêh ri sŏk nklĕ loih nkuăk ta trôm muh têk leo păng ma ƀon Babilôn.

Êsai 22:3

Lĕ rngôch phung kôranh chiă uănh khân may nchuăt du ndrel, Bu nhŭp chăp khân păng mâu hôm ŭch hăr jêh ri na. Lĕ rngôch bunuyh khân may bu saơ Bu nhŭp chăp ndrel da dê, nđâp lah khân păng lĕ nchuăt du ngai

Yêrêmi 21:7

Brah Yêhôva lah: ‘Jêh nây, Gâp mra jao Y-Sêdêkia, hađăch Yuđa, phung oh mon păng jêh ri phung ƀon lan tâm ƀon, nâm bu ntĭt lĕ rngôch phung hôm klen pakơi nau ji tưp, tak đao, nau sât ji ngot, tâm ti Nêbukatnetsar, hađăch Babilôn, tâm ti phung rlăng khân păng jêh ri ma phung joi ƀư ngroh lơi nau rêh khân păng. Nêbukatnetsar mra lơh khân păng ma mpiăt đao, mâu mra yô̆ an, ti mâu djân, mâu geh nau rŏng.’

Yêrêmi 24:8

Brah Yêhôva lah: ‘Ƀiălah, tâm ban bunuyh ƀư ma play rvi mhĭk, mhĭk kŏ tât bu mâu dơi sa ôh, pônây lĕ ăt Gâp mra ƀư ma Y-Sêdêkia, hađăch Yuđa, phung kôranh, phung ƀon lan hôm e klen bơh Yêrusalem dôl gŭ tâm bri aơ, jêh ri phung dôl hôm gŭ rêh ntŭk bri Êjipt pônây lĕ.

Yêrêmi 38:18

Ƀiălah tơlah may mâu yơr ti ôh đah phung kôranh hađăch Babilôn, ƀon aơ bu mra jao ma ti phung Kaldê, khân păng mra su ƀon aơ ma ŭnh, jêh ri may mâu mra klaih ôh tă bơh ti khân păng.’”

Yêrêmi 38:23

Lĕ rngôch phung ur kon hađăch bu mra njŭn leo ăn ma phung Kaldê; bi ma hađăch ăt mâu mra klaih ôh bơh ti khân păng, ƀiălah hađăch Babilôn mra nhŭp jêh ri bu mra su ƀon aơ ma ŭnh.”

Yêrêmi 4:12

ƀiălah jêng du sail khôm dŭt dăng tât tĭng Gâp ntăm lĕ nau nây. Abaơ Gâp nơm mra phat dôih khân păng.”

Yêrêmi 44:30

Brah Yêhôva lah: ‘Aơ, Gâp mra jao Pharaôn Hôphra, hađăch bri Êjipt, ma ti phung rlăng păng, nây jêng tâm ti phung ŭch joi gay ngroh lơi nau rêh păng, nâm bu Gâp hŏ jao jêh Y-Sêdêkia, hađăch n'gor Yuđa, tâm ti Y-Nêbukatnetsar, hađăch bri Babilôn, jêng nơm rlăng ŭch joi gay nkhĭt Y-Sêdêkia.’”

Yêrêmi 49:23

Ma bri Damas: “Ƀon Hamat jêh ri ƀon Arpat geh nau prêng da dê, Yorlah khân păng tăng jêh nau mhĭk; Khân păng djoh nuih n'hâm, khân rung răng nâm bu rbuh dak lêng, Mâu ŭch gŭ rngân ôh.

Nau Nhĭm Vơl 1:3

Phung Yuđa hăn ƀư bu nă hŏt rgănh, Dơn ƀư jêng dĭk jâk jêr. Gŭ ta nklang phung ƀon lan, Joi ntŭk rlu mâu dơi saơ ôh. Phung tĭng lĕ ban jêh păng, Dôl păng hăn dŭt jêh trong.

Nau Nhĭm Vơl 4:20

Nơm dơn Brah Yêhôva tŏ dak ƀâu kah, nây jêng nau n'hâm nsôr hên, Hŏ geh dăk khân păng jêh; Nây jêng phung hên vay lah: “Nde tâm dâng n'hâm gui săk he mra gŭ rêh ta nklang lĕ bri dak.”

Êsêkiêl 23:24

Khân păng ndrăp ndơ tâm lơh, ndeh seh, ndeh rdeng ndơ, jêh ri du phung tahan âk râk văch tâm rdâng đah ay; khăn păng sŏk khêl toyh, khêl jê̆, jêh ri ndô môk loih nchueng jŭm ay. Gâp mra jao nau phat dôih khân păng jêh ri khân păng mra phat dôih tĭng nâm nau vay ƀư khân păng.

Habakuk 1:7

Khân păng dŭt klach ngăn jêh ri krit klach hâu ngăn, Khân păng ƀư nau vay ma khân păng nơm, jêh ri n'hi êng n'hao êng khân păng nơm.

Nau Kơp Bunuyh 13:21

Pônây khân păng hăn hao jêh ri n'hut uănh n'gor ntơm bơh bri rdah Sin kŏ tât ta Rêhôp, dăch Hamat.

Yôsuê 13:5

N'gor neh phung Gêbalit, jêh ri lĕ bri Liban mpeh luh nar, ntơm bơh Baal-Gat ta jâng yôk Hermôn tât ma ntŭk lăp Hamat.

Yôsuê 4:13

Geh tâm puăn rmưn bunuyh djôt jêh ndơ lơh gay hăn tâm lơh, hăn rgăn tanăp Brah Yêhôva, hăn rduh lơh lĕ neh lâng Yêrikô, gay tâm lơh đah phung rlăng.

Yôsuê 5:10

Phung ƀon lan Israel ƀư rmlak ta Gilgal tâm neh lâng Yêrikô, jêh ri prăp rƀŭn Nau Găn di tâm nar jât mpuăn khay nĕ, rnôk kêng măng.

Phung Kôranh Phat Dôih 3:3

Phung ntil mpôl bunuyh nây jêng phung Philistin jêh ri prăm nuyh hađăch khân păng, lĕ rngôch phung Kanaan, phung Sidôn, jêh ri phung Hivit gŭ ta yôk Liban, ntơm bơh yôk Baal-Hermôn tât ma sop Hamat.