Yêrêmi 39:2 - Nau Brah Ndu Ngơi 2023

² Ta nar sĭn khay puăn năm rơh jât ma nguay rnôk rô̆ Y-Sêdêkia, ƀon toyh bu lơh rai.

Yêrêmi 39:2 Iomraidhean Croise

Yêrêmi 1:3

jêh ri tâm du bông rô̆ Y-Jêhôjakim chiă uănh, kon bu klâu Y-Jôsia, hađăch Yuđa, kŏ tât lôch năm rơh jât ma nguay rô̆ hađăch Sêdêkia, kon bu klâu Y-Jôsia, hađăch Yuđa, dôl phung ƀon lan ƀon Yêrusalem ƀư bu nă tâm khay rơh prăm.

Yêrêmi 32:1

Tâm năm rơh jât hađăch Sêdêkia bri Yuđa, jêng năm rơh jât ma pham hađăch Nêbukatnetsar, geh nau Brah Yêhôva lah ma Y-Yêrêmi.

Yêrêmi 34:22

Brah Yêhôva lah: ‘Aơ, Gâp mra ntĭnh ăn ma khân păng plơ̆ tay ma ƀon aơ; khân păng mra lơh, mra pit in, jêh ri sŏk ŭnh su ƀon nây. Gâp mra ƀư lĕ rngôch ƀon n'gor Yuđa mra jêng rngot njăp, mâu geh ƀon lan gŭ ôh.’”

Yêrêmi 37:8

Phung tahan Kaldê mra plơ̆ văch tay tâm lơh đah ƀon aơ. Khân păng mra pit in jêh ri su ma ŭnh ƀon aơ.’”

Yêrêmi 5:10

“Hăn hao hom klơ mbor krăk ƀâu jêh ri ƀư rai lơi, Ƀiălah lơi ta ƀư rai lĕ ôh; Koh mƀăr hom lĕ n'gĭng păng, Yorlah mâu jêng ndơ Brah Yêhôva ôh.

Êsêkiêl 33:21

Tâm năng nguay, khay jât, năm rơh jât bar, pakơi nôk nau bu nhŭp hên hăn ƀư bu nă, geh du huê bunuyh rklaih jêh tă bơh ƀon Yêrusalem văch mbơh ma gâp pô aơ: “Ƀon lĕ bu sŏk jêh!”

Êsêkiêl 4:3

Jêh nây sŏk đŏng du plơp loih rlat ƀư mpêr loih rgăn vah vang may đah ƀon, jêh ri rle muh măt may đah păng. Bu mra nchueng păng jêh ri may mra nchueng păng. Nây jêng nau mbên ăn ma ngih Israel.

Êsêkiêl 5:2

Tơlah lĕ lôch jêh lĕ nar nchueng ƀon, ăn may su lơi tâm ŭnh du kô̆ tâm pe sŏk nây ta nklang ƀon, jêh nây sŏk du kô̆ tâm pe êng ăn may dŏng đao lơh păng ta jŭm ƀon. Jêh ri nglĕ dŭt nây dŏng du kô̆ tâm pe ăn may ntô̆ tâm sial yorlah Gâp nơm ro mra tŏk đao tĭng pakơi.

Sôphôni 1:10

Brah Yêhôva lah: “Tâm nar nây, Mra geh bâr nter huy bơh mpông pêr Ka, Nau nhĭm nter ta ntŭk Nkual Tal Bar, Nteh rlâm chah lĕ bơh phung yôk.

Sakari 8:19

Brah Yêhôva ma phung tahan lah: “Lĕ nau ât sông sa ta khay puăn, ta khay prăm ta khay pơh, jêh ri khay jât mra jêng nau maak răm, jêh ri lĕ nar rƀŭn bêng ma nau maak ma Yuđa. Yor nây rŏng hom ma nau nanê̆ ngăn jêh ri đăp mpăn.”