Yêrêmi 38:9 - Nau Brah Ndu Ngơi 2023

⁹ “Ơ kôranh gâp hađăch, phung bunuyh aơ hŏ ƀư jêh nau mhĭk ma nơm mbơh lor Y-Yêrêmi. Khân păng hŏ nklăch păng tâm ntu dak gay ma păng khĭt ji ngot tâm dâng nây, yorlah tâm ƀon mâu hôm geh piăng let đŏng ôh.”

Yêrêmi 38:9 Iomraidhean Croise

Ndrom Samƀŭt bơh Yôp 31:34

Knŏng yor klach phung âk, Klach lah mpôl băl mưch rmot, Kŏ tât gŭ klăk klêm mâu janh hăn luh du padih mpông.

Yêrêmi 19:9

Gâp mra ƀư ăn khân păng sa puăch phung kon bu klâu kon bu ur khân păng nơm. Dôl rnôk bu nchueng jŭm, geh phung rlăng jêh ri phung joi ŭch ƀư rai nau rêh njŭn ma nau rêh ni, khân păng sa puăch ndrăng băl khân păng nơm.’

Yêrêmi 37:21

Hađăch Sêdêkia ntĭnh njŭn leo Y-Yêrêmi tâm nhuang phung tahan gak, ăp nar ăn du glo piăng let tă bơh phung ƀư piăng let, kŏ tât ƀon nây mâu hôm geh piăng let đŏng ôh. Yor nây, Y-Yêrêmi hôm gŭ tâm nhuang tahan gak.

Yêrêmi 38:10

Hađăch ntĭnh ro ma Y-Êbet-Mêlek, bunuyh Êthiôpi: “Sŏk hom pe jât nuyh bu klâu ma may bơh ntŭk aơ tât đŏt ngluh nơm mbơh lor Y-Yêrêmi luh bơh ntu dak, êlor ma păng khĭt.”

Yêrêmi 38:8

Y-Êbet-Mêlek luh tă bơh tâm ngih hađăch lah ma hađăch:

Yêrêmi 39:17

Brah Yêhôva lah: ‘Ƀiălah tâm nar nây, Gâp mra rklaih may, may mâu mra jao tâm ti phung bunuyh ƀư ăn may klach ôh.

Yêrêmi 52:6

Ta nar sĭn khay puăn, nau ji ngot hâu ngăn tâm ƀon kŏ tât mâu hôm geh ndơ sông sa đŏng ôh.

Nau Nhĭm Vơl 1:11

Lĕ rngôch phung ƀon lan păng n'ho hăn dăn ƀănh sa N'ho ma vah vơl; Rgâl lĕ rngôch jay prăp drăp ndơ khlay gay geh ndơ sông sa Gay ƀư ăn mpay ma huêng khân păng. “Ơ Brah Yêhôva dăn uănh hom, Yorlah prêng ngăn ma gâp!”

Nau Nhĭm Vơl 3:53

Khân păng ŭch tâp rêh gâp tâm ntu Jêh nây klŭp lŭ brôi gâp.