Yêrêmi 38:6 - Nau Brah Ndu Ngơi 2023

⁶ Khân păng nhŭp ro Y-Yêrêmi jêh ri nklăch tâm ntu Y-Malkija kon bu klâu hađăch, tâm nhuang phung tahan gak. Khân păng nklăch ntrŭnh Y-Yêrêmi ma rse brăt. Tâm ntu mâu geh dak ôh, knŏng geh bŏk dơm; Y-Yêrêmi rhuh tâm bŏk nây.

Yêrêmi 38:6 Iomraidhean Croise

Nau Ntơm 37:24

jêh nây khân păng nhŭp Y-Yôsep nklăch tâm ntu. Ƀiălah ntu nây sơh, mâu ôh geh dak.

Nau Mprơ Ơm 109:5

Khân păng sŏk nau mhĭk ntrok nau ueh, Nau rmot mplơ̆ nau rŏng.

Nau Mprơ Ơm 40:2

Păng djôt gâp hao bơh ntu ƀư rai. Bơh nung bŏk rhuh. Păng dơm jâng gâp ta klơ lŭ toyh Jêh ri ƀư ăn nhuat gâp jêng nâp.

Nau Mprơ Ơm 69:2

Gâp rhuh tâm bŏk jru Jêh ri glet jâng. Gâp ngâm tâm dak jru, N'hor dak hoch rdu gâp.

Yêrêmi 32:2

Tâm rnôk nĕ, phung tahan hađăch Babilôn gŭ nchueng lơh ƀon Yêrusalem, bi ma nơm mbơh lor Y-Yêrêmi dôl bu krŭng tâm nhuang ngih phung tahan gak tâm ngih hađăch Yuđa.

Yêrêmi 36:26

Hađăch ntrŭnh ăn ma Y-Jêrahmel, kon bu klâu Y-Hammêlek, ăn ma Y-Sêraya, kon bu klâu Y-Asriêl, jêh ri Y-Sêlêmia, kon bu klâu Y-Apdel, hăn nhŭp kôranh nchih samƀŭt Y-Baruk jêh ri nơm mbơh lor Y-Yêrêmi; ƀiălah Brah Yêhôva pôn bar hê nây.

Yêrêmi 37:16

Pônây Y-Yêrêmi bu krŭng tâm ndrung, krŭng tâm ntu ngo, jêh ri bu ăn gŭ ta nây jŏ nar.

Yêrêmi 37:21

Hađăch Sêdêkia ntĭnh njŭn leo Y-Yêrêmi tâm nhuang phung tahan gak, ăp nar ăn du glo piăng let tă bơh phung ƀư piăng let, kŏ tât ƀon nây mâu hôm geh piăng let đŏng ôh. Yor nây, Y-Yêrêmi hôm gŭ tâm nhuang tahan gak.

Yêrêmi 38:13

Khân păng đŏt huai Y-Yêrêmi ma rse brăt n'hao ngluh tă bơh ntu. Y-Yêrêmi gŭ tay tâm nhuang tahan gak.

Yêrêmi 38:22

‘Aơ, lĕ rngôch phung bu ur hôm tâm ngih hađăch Yuđa bu mra veng leo ăn ma phung kôranh hađăch Babilôn; khân păng mra lah ma hađăch pô aơ: Phung mĭt jiăng may nsing Hŏ ndơm jêh may jêh ri dơi lơn đah may; Aƀaơ, lah jâng may hŏ rhuh jru jêh tâm bŏk, Pôri khân păng der ngai đah may.’

Daniel 6:16

Ta nây ro, tĭng nau hađăch ntăm, bu njŭn Y-Daniel tât jêh ri klŭp păng tâm trôm ntu yau mŭr. Hađăch lah ma Y-Daniel: “Ăn Brah Ndu may jêng Nơm may pah kan ƀaƀơ mra sâm rklaih may!”

Sakari 9:11

“Bi ma may tâm ban đŏng, yorlah mham Gâp tâm rnglăp đah may, Pôri Gâp mra mƀơk phung bu nă may luh bơh ntu jru mâu geh ôh dak.

Kôranh Oh Mon 16:24

Jêh tăng nau đă nây, kôranh ndrung krŭng bar hê khân păng tâm ndrung ngo jêh ri nkông jâng.

ហេឞ្រើ 10:36

Ăn khân may srôih gay ƀư tĭng nau Brah Ndu ŭch, khân may mra dơn nau Păng ton jêh ma khân may.