Yêrêmi 38:4 - Nau Brah Ndu Ngơi 2023

⁴ Phung kôranh lah ma hađăch: “Ăn bu nkhĭt lơi bunuyh aơ, yorlah đơ nau păng ngơi ƀư rdja nuih n'hâm phung tahan hôm tâm ƀon aơ tâm ban ma lĕ rngôch phung ƀon lan. Bunuyh aơ mâu joi ôh nau ueh ma phung ƀon lan ƀiălah knŏng djôt leo ma nau rai yot dơm.”

Yêrêmi 38:4 Iomraidhean Croise

I Phung Hađăch 21:20

Y-Ahap lah ma Y-Êli: “Hơi nơm rlăng gâp, may lĕ mâp jêh gâp?” Y-Êli plơ̆ lah: “Di ngăn, gâp saơ jêh may, yorlah may hŏ tăch jêh may nơm gay ƀư nau mhĭk tanăp măt Brah Yêhôva.

II Nau Rêh Jêng 24:21

Khân păng tâm rnglăp ndrel rdâng đah păng, jêh ri tĭng nâm nau hađăch ntrŭnh, khân păng klŭp păng ma lŭ tâm nkual toyh ngih Brah Yêhôva.

Êsra 4:12

Mbah hađăch gĭt rah vah phung Yuđa tă bơh ntŭk hađăch gŭ hŏ hăn tât ntŭk hên ta ƀon Yêrusalem. Khân păng dôl ndâk nkra tay nau tâm rdâng jêh ri nau mhĭk ngăn; khân păng ntơm ndâk nkra tay mpêr ƀon, bi mbon hŏ nkra lôch jêh.

Nêhêmi 6:9

Khân păng ŭch nhhu hên gây lĕ rngôch klach krit da dê, yorlah khân păng ntôn pô aơ: “Ti khân păng mra rgănh, mâu hôm pah kan đŏng ôh.” Pôri aƀaơ, “hơi Brah Ndu, ƀư hom ti gâp ktang.”

Nau Ngluh Êjipt 5:4

Hađăch Êjipt lah: “Ơ Y-Môis jêh ri Y-Arôn, mâm ƀư khân may nsŭk phung ƀon lan chalơi kan? Hăn hom ƀư nau kan khân may nơm!”

Yêrêmi 11:21

Brah Yêhôva lah: “Ma phung Anathôt, phung ŭch nkhĭt nau rêh may, hŏ nkrit nhhu may pô aơ: ‘Tơlah may mâu ŭch khĭt tâm ti he pôri lơi sŏk amoh Brah Yêhôva ngơi mbơh lor đŏng ôh.’

Yêrêmi 18:23

Ƀiălah Brah Yêhôva ơi, May nơm hŏ gĭt Lĕ nau nchră khân păng hŏ ndâk jêh gay nkhĭt gâp. Lơi ta yô̆ an ôh ma nau mhĭk khân păng, Lơi jut ôh nau tih khân păng bơh măt May. Ƀiălah ăn khân păng chêh prah tanăp măt May; Ăn tâm rmal khân păng tâm dôl May ji nuih.

Yêrêmi 26:11

Rnôk aơ, phung kôranh ƀư brah jêh ri phung mbơh lor lah ma phung kôranh jêh ri ma lĕ rngôch phung ƀon lan pô aơ: “Bunuyh aơ khư ma nau khĭt yorlah hŏ mbơh lor tâm rdâng đah ƀon toyh aơ, nâm bu tôr khân may nơm hŏ tăng jêh.”

Yêrêmi 29:7

Joi hom nau ndrŏng ăn ma ƀon toyh ntŭk Gâp prơh hăn khân may jêng bu nă. Mbơh sơm hom ma Brah Yêhôva kơl ăn ma ƀon nây, yor nau ndrŏng păng jêng nau ndrŏng khân may.’”

Yêrêmi 38:16

Hađăch Sêdêkia ton săk ma nau ndâp ma Y-Yêrêmi pô aơ: “Tĭng nâm Brah Yêhôva gŭ rêh mro mrăng, jêng Nơm hŏ rhăk njêng jêh huêng he, gâp mâu mra nkhĭt may ôh, jêh ri mâu jao may ma ti phung joi ngroh lơi nau rêh may ôh.”

Yêrêmi 38:25

Tơlah phung kôranh gĭt nau gâp hŏ ngơi jêh đah may pôri khân păng mra văch ôp ma may jêh ri lah: ‘Nkoch tay ăn ma hên moh nau may ngơi jêh đah hađăch tâm ban lĕ moh nau hađăch hŏ lah jêh đah may, lơi ta pôn mo du ntil ndơ ôh pônây mơ hên mâu mra nkhĭt may’;

Yêrêmi 43:3

Ƀiălah Y-Baruk nơm yơh, kon bu klâu Y-Nêria, nsŭk may tâm rdâng đah hên, ŭch jao hên tâm ti phung Kaldê, gay ma khân păng nkhĭt hên mâu lah njŭn leo hên jêng bu nă tâm bri Babilôn.”

Êsêkiêl 22:27

Phung kôranh chiă uănh ta nklang păng nâm bu so bri hêk sa mpa; khân păng knŏng ŭch ƀư pling mham, ƀư roh lơi huêng gay geh drăp ndơ mâu sŏng.

Amôt 7:10

Rnôk nây, Y-Amasia kôranh ƀư brah Bêthel, njuăl bunuyh hăn mbơh ma Y-Jêrôbôam hađăch Israel pô aơ: “Y-Amôt tâm nchră nau tâm rdâng đah may ta trôm nuih n'hâm Israel; bri dak mâu ŭch dơn ôh lĕ nau păng ngơi.

Luka 23:2

Khân păng ntơm phong Brah Yêsu pô aơ: “Hên gĭt năl jêh bunuyh aơ nsŭk nsôr phung ƀon lan tâm rdâng, buay hên chê̆ pi ma Sêsar, jêh ri lah păng nơm jêng Brah Krist, jêng Hađăch.”

Kôranh Oh Mon 16:20

Nôk njŭn leo phung nây tanăp phung kôranh phat dôih, khân păng phong: “Phung bunuyh aơ jêng phung Yuđa ƀư nau rŭng răng toyh tâm ƀon he,

Kôranh Oh Mon 17:6

Joi mâu dơi saơ ôh, khân păng nhŭp têk Y-Yason jêh ri ƀaƀă phung oh nâu văch tanăp kôranh chiă uănh ƀon nây, phong: “Phung nây hŏ ƀư rŭng răng tâm lĕ neh ntu, aƀaơ aơ khân păng tât aơ,

Kôranh Oh Mon 24:5

N'hêl nanê̆ ngăn, hên mâp bunuyh aơ tâm ban ma nau ji tưp, ƀư uh ah ma lĕ rngôch phung Yuđa lam neh ntu jêh ri jêng kôranh ma mpôl Nasaret.

Kôranh Oh Mon 28:22

Ƀiălah, hên ŭch gĭt mâm nau may mĭn, yorlah hên gĭt bu tâm rdâng đah mpôl nây lam ăp ntŭk.”