Yêrêmi 38:22 - Nau Brah Ndu Ngơi 2023

²² ‘Aơ, lĕ rngôch phung bu ur hôm tâm ngih hađăch Yuđa bu mra veng leo ăn ma phung kôranh hađăch Babilôn; khân păng mra lah ma hađăch pô aơ: Phung mĭt jiăng may nsing Hŏ ndơm jêh may jêh ri dơi lơn đah may; Aƀaơ, lah jâng may hŏ rhuh jru jêh tâm bŏk, Pôri khân păng der ngai đah may.’

Yêrêmi 38:22 Iomraidhean Croise

Ndrom Samƀŭt bơh Yôp 6:15

Ƀiălah oh nâu gâp mƀruh rlăm gâp nâm bu n'hor lĕ suăt dak, Nâm bu dak n'hor hao toyh ndal.

Nau Mprơ Ơm 41:9

Nđâp ma mĭt jiăng dăch lơn nuih n'hâm gâp rnơm nsing, Vay sa ƀănh gâp ăt yơk ndơl jâng tâm rdâng đah gâp.

Nau Mprơ Ơm 69:14

Dăn rklaih gâp bơh tâm bŏk, Lơi ăn rhuh jru tâm ntŭk nây. Ăn gâp dơi klaih bơh phung ji nuih ma gâp Jêh ri n'hor dak jru.

Nau Mprơ Ơm 69:2

Gâp rhuh tâm bŏk jru Jêh ri glet jâng. Gâp ngâm tâm dak jru, N'hor dak hoch rdu gâp.

Êsai 42:17

Bi phung rnơm nsing ma lĕ rup brah, Ngơi ma lĕ rup tŏ chiăr: “Khân may jêng phung brah hên,” Mra rle ndŭr kơi da dê jêh ri bêk brêng âk ngăn!

Yêrêmi 13:21

Moh nau may lah dôl phung bunuyh may ntĭm nti Jêh ri ƀư mĭt jiăng đah may Dơi ndâk hao chiă uănh may? May mâu saơ hĕ nau ji kruăt rêt Nâm bu ur ji ngăn dôl deh kon hĕ?

Yêrêmi 20:10

Yorlah gâp tăng nau ngơi ƀŭk dŭk suyh: “Nau krit klach puăn mpeh! Phong hom! Ăn he phong hom păng!” Lĕ rngôch phung mĭt jiăng may Ŭch ma gâp chêh prah da dê. Khân păng lah: “Gĭt lah păng tŭp tâm nau ndơm, He mra dơi đah păng, Jêh ri plơng bôk păng.”

Yêrêmi 27:14

Lơi ta iăt ôh nau phung nơm mbơh lor lah ma khân may: ‘Khân may mâu mra pah kan ôh ma hađăch Babilôn’, yor nây nau khân păng ngơi ma khân may knŏng jêng nau mbơh lor mƀruh dơm.

Yêrêmi 27:15

Brah Yêhôva ngơi lah: ‘Gâp mâu mâp prơh khân păng hăn ôh, ƀiălah khân păng sŏk amoh Gâp gay lah nau mbơh lor nklă mƀruh. Yor nây, Gâp mra mprơh khân may hăn jêh ri ƀư rai khân may ndrel ma phung mbơh lor hŏ mbơh lor ăn ma khân may.’”

Yêrêmi 38:19

Hađăch Sêdêkia lah ma Y-Yêrêmi: “Gâp klach lah gâp hŏ luh jao săk gâp nơm ma phung tahan Kaldê, phung Yuđa mra jao gâp ma ti khân păng jêh ri khân păng ƀư mhĭk ma gâp.”

Yêrêmi 38:21

Ƀiălah tơlah may mâu ŭch hăn ran nta săk ôh aơ jêng nau Brah Yêhôva mpơl ăn ma gâp:

Yêrêmi 41:10

Jêh nây Y-Ismaêl nhŭp ƀư bu nă lĕ rngôch phung bunuyh ƀon lan hôm klen tâm ƀon Mispa, nây jêng phung kon bu ur hađăch jêh ri lĕ rngôch ƀon lan bu om gŭ ta ƀon Mispa, Y-Nêbusaradan kôranh toyh phung tahan gak hŏ jao jêh ăn ma Y-Gêdalia, kon bu klâu Y-Ahikam. Y-Ismaêl, kon bu klâu Y-Nêthania, nhŭp jêh ri ƀư khân păng nây jêng bu nă, jêh nây hăn rgăn ntŭk phung ƀon lan Ammôn.

Yêrêmi 43:6

nây jêng bu klâu, phung bu ur, phung kon se, ndrel ma phung kon bu ur hađăch, jêh ri lĕ rngôch phung bunuyh Y-Nêbusaradan, kôranh tahan gak, hŏ lơi jêh ma Y-Gêdalia, kon bu klâu Y-Ahikam, sau Y-Saphan, jêh ri nđâp ma lĕ rngôch nơm mbơh lor Y-Yêrêmi jêh ri Y-Baruk, kon bu klâu Y-Nêria.

Yêrêmi 46:21

Nđâp ma phung tahan tâm lơh nkhôm gŭ ta nklang păng Nâm bu kon ndrôk lay ueh; Ƀiălah ndôn kơi nchuăt du da dê, Mâu dơi tâm rđâng ôh. Yorlah nar mhĭk tât, nar tâm rmal, Hŏ tât jêh ta klơ khân păng.

Yêrêmi 46:5

Mâm ƀư Gâp hŏ saơ jêh nau aơ? Khân păng klach ngăn jêh ri rŭch plơ̆; Phung tahan bu lơh rai lĕ jêh, Ngăch ma du ro, Khân păng mâu hôm plơ̆ n'gĭl pakơi ôh; Geh nau nkrit toyh jŭm chiau meng!” Brah Yêhôva lah pônây.

Yêrêmi 6:12

Ngih vâl, lŏ sre ndrel ma ur kon khân păng Mra jao tâm ti phung êng; Yorlah Gâp mra yơr ti Tâm rdâng đah ƀon lan ta neh nây,” Brah Yêhôva lah pônây.

Yêrêmi 8:10

Yor nây, Gâp mra jao ur khân păng ăn bu êng, Mir khân păng ăn kôranh mhe; Yorlah ntơm bơh bunuyh dŭt jê̆ tât ma nơm toyh, Kơnh sa kao nau mâu di da dê; Ntơm bơh phung nơm mbơh lor tât kôranh ƀư brah, Gŭ rêh mƀruh ndơm da dê.

Nau Nhĭm Vơl 1:13

Tă bơh prêh klơ Păng hŏ ntŭp jêh ŭnh Su nting nđăng gâp. Păng hŏ nthăng nhuăl tâm dâng jâng gâp, Ƀư ăn gâp plơ̆ rŭch. Păng chalơi gâp gŭ êng, Lêt rgănh ăp nar.

Nau Nhĭm Vơl 1:2

Păng nhĭm dôl măng bêng ma nau rngot, Dak măt hoch tât ta trôm bom. Ta nklang lĕ rngôch phung rŏng ma păng rnôk kăl e, Mâu geh ôh nơm bonh leng păng. Phung mĭt jiăng tâm rdâng ma păng, Jêng phung tâm rlăng.

Nau Nhĭm Vơl 5:11

Khân păng nchâp gay bê̆ch ndrel đah bu ur tâm ƀon Siôn, Jêh ri ƀư mhĭk ma phung bu ur druh tâm ƀon n'gor Yuđa.

Mika 7:5

Lơi ta iăt nchroh ôh bunuyh chiau meng Jêh ri lơi ăn ôh nuih n'hâm may rnơm nsing mĭt jiăng may; Njrăng hom, lơi dĭng ngơi trôm mbung may Ndrel ma bu ur bê̆ch ta ntang ntơh may.